JUECES 1:27 - Biblia Guarani Tumpa Iñee

²⁷ Manasés iñemuña reta mbaetɨ ipuere opa omoë omombo tëta Bet-seán pegua reta, Taanac pegua reta, Dor pegua reta Ibleam pegua reta jare Meguido pegua reta; tëta raɨ reta jókuae tëta guasu reta iyɨ́vɨri rupigua ave mbaetɨ ipuere opa omoë reta omombo, jare cananeo reta jeiete yogüɨreko jókuae ɨvɨ pe.

JUECES 1:27 ပူးပေါင်းရင်းမြစ်များ

1 REYES 9:21

iñemuñagüe reta opɨta jókuae ɨvɨ pe vae, Israel iñemuña reta mbaetɨ ipuere omokañɨtei vae, Salomón omombaravɨkɨ yae reta, jökorai yogüɨreko añave rupi.

2 REYES 23:29

Jókuae ara rupi Faraón Necao, mburuvicha guasu Egipto pegua ojo ɨ̈aka Éufrates kotɨ oporepeña vaerä mburuvicha guasu Asiria pegua re. Javoi mburuvicha guasu Josías oë japerä pe; ërei Necao oecha rupive oyuka Meguido pe.

2 REYES 9:27

Ocozías, mburuvicha guasu Judá pegua oecha yave kuae oasagüe, otekuarai Bet-hagan kotɨ. Ërei Jehú oaɨkuemoña, jei: —¡Peyuka vi ikäretou pe! Ombopere reta ɨvɨtɨ Gur re yayeupía pe Ibleam jóvai, ërei jae otekuarai Meguido pe oväe regua. Joko pe omano.

ÉXODO 23:32

“Agüɨye peñemoïru jae reta ndive, ani itumpa reta ndive ave,

JEREMÍAS 48:10

(¡Tijeko jókuae ipɨakatumbae reve oyapo yandeYa iparavɨkɨ vae! ¡Tijeko jókuae ñäteɨ oparapiti vae!)

DEUTERONOMIO 7:2

YandeYa Tumpa omee pepo pe yave kuae tëta guasu reta, opa ma pemoamɨri yave, opaetei pemboai; agüɨye jae reta ndive peyapo ñemoïru, agüɨye peiparareko reta.

JOSUÉ 21:25

Jare Manasés iñemuña reta oyemboyaogüe iɨvɨ pe oñemee mókoi tëta guasu mɨmba ikaruarä ndive ndive, jae ko Taanac jare Gat-rimón.

JUECES 1:1

Josué omano güire, Israel iñemuña reta oparandu yandeYa pe oikuaa reta vaerä kia nunga ñemuña ra tenonde oyeupita ojo oñeraro cananeo reta ndive.

JUECES 1:21

Ërei Benjamín iñemuña reta mbaetɨ ipuere opa omoë omombo jebuseo reta Jerusalén pe yogüɨreko vae. Jókuae jeko pegua jebuseo reta yogüɨreko päve Benjamín iñemuña reta ndive Jerusalén pe añave rupi.

JUECES 1:26

Jare jókuae kuimbae ojo Het iñemuña reta iɨvɨ pe, joko pe omopüa ipɨau tëta jare ombojee Luz, jökorai jee añave rupi.

JUECES 1:28

Ërei Israel iñemuña reta oecha imbaepuere yae ma yave, omee mbaravɨkɨ poɨ yae vae cananeo reta pe, ërei mbaetɨ ipuere opa omoë omombo.

JUECES 5:19

Jayave mburuvicha guasu reta yogüeru oñeraro, Taanac pe oñeraro mburuvicha guasu reta Canaán pegua, ɨupa Meguido pegua iyɨpɨ pe, ërei mbaetɨ opɨ̈ro reta korepoti yepe, ani mbaeyekou.

1 SAMUEL 15:9

Jare Saúl jare isundaro reta mbaetɨ oyuka Agag, jare vecha ikavigüe reta, jare mɨmba tuichagüe reta, jare mɨmba oyemongɨragüe reta, jare vecha kuimbae reta, jare opaete mbaembae ikavigüe, mbaetɨ oipota reta opa omboai; ërei opaete mbae ikavimbae jare pɨ̈chɨi vae reta opa omboai.

1 SAMUEL 31:10

Jare oñono reta jembiporu ñeraro pegua itumpa Astarot itupao guasu pe, jare jetegüe ombosagüɨu reta tëta guasu Bet-sán ikësea re.