JUECES 1:22 - Biblia Guarani Tumpa Iñee

^22-23 José iñemuña reta opüa Bet-el re, tenonde yave tëta Luz jee yepi vae, omondo reta oporopïaro vae joko pe. YandeYa omborɨ reta.

JUECES 1:22 ပူးပေါင်းရင်းမြစ်များ

GÉNESIS 49:24

Ërei ngatu igüɨrapa omopɨ̈rata yae, iyɨva omomɨ̈rata yae. ¡Yasoropai Imbaepuere yae ete vae pe, Jacob iTumpa pe! ¡Yasoropai Oporoangareko vae pe, Israel iñepɨ̈roa pe!

2 REYES 18:7

Jare yandeYa omborɨ opaete mbae oyapo vae rupi. Ezequías oñemopüa mburuvicha guasu Asiria pegua kotɨ, mbaetɨ ma oiko jae jeia re.

1 CRÓNICAS 7:29

Manasés iñemuña reta ipo pe opɨta tëta Bet-seán, Taanac, Meguido jare Dor, iyɨvɨrigua tëta raɨ reta ndive ndive. Jókuae tëta reta rupi yogüɨreko José, Israel taɨ iñemuña reta.

NÚMEROS 1:10

Efraín iñemuña reta güi, Elisama, Amiud taɨ. Manasés iñemuña reta güi, Gamaliel, Pedasur taɨ. Efraín jare Manasés jae ko José taɨ reta.

NÚMEROS 1:32

José taɨ Efraín iñemuña reta güi, tëtara ñavo rupi, metei tu ñavo rupi, omoapɨta reta jee ñavo rupi opaete kuimbae veinte año güi kutɨ, opaete ipuere ma ñeraro pe yogüɨraja vae reta.

JOSUÉ 14:4

Echa José taɨ reta güi oyeapo mókoi ñemuña, Manasés jare Efraín; ërei mbaetɨ oyemboyao ɨvɨ Leví iñemuña reta pe, jaeño oñemee chupe reta tëta guasu reta yogüɨreko vaerä pɨpe jare iyɨ́vɨri jɨmba reta ikarúa rendarä.

JOSUÉ 8:12

Jökorai Josué omondo omoñemi kavi okätɨro ñogüɨnoi cinco mil rupi kuimbae Bet-el jare Hai ipäu pe, tëta güi kuaraɨ oikea kotɨ.

Apocalipsis 7:8

Zabulón iñemuña reta güi doce mil, José iñemuña reta güi doce mil, Benjamín iñemuña reta güi doce mil.

JUECES 1:19

Jare yandeYa oï Judá iñemuña reta ndive, jae reta opa omoë omombo ɨvɨtɨ rupigua reta; ërei mbaetɨ ipuere opa omoë omombo ɨvɨpe rupigua reta, echa jae reta güɨnoi käretou jiero pegua reta ramo.

JUECES 1:21

Ërei Benjamín iñemuña reta mbaetɨ ipuere opa omoë omombo jebuseo reta Jerusalén pe yogüɨreko vae. Jókuae jeko pegua jebuseo reta yogüɨreko päve Benjamín iñemuña reta ndive Jerusalén pe añave rupi.