JUECES 1:18 - Biblia Guarani Tumpa Iñee

¹⁸ Judá iñemuña reta opɨ̈ro vi tëta guasu Gaza iɨvɨ ndive, tëta guasu Ascalón iɨvɨ ndive jare tëta guasu Ecrón iɨvɨ ndive.

JUECES 1:18 ပူးပေါင်းရင်းမြစ်များ

1 REYES 4:24

echa Salomón güɨnoi vi mbaepuere Éufrates güi kuaraɨ oikea kotɨgua ɨvɨ re, Tifsa güive Gaza pe, jare opaete joko pegua mburuvicha reta re, jare oime mbɨakatu opaete ɨvɨ iyɨ́vɨri rupigua reta ndive.

ÉXODO 23:31

Ambojaanga peɨvɨ iyapɨ Ɨguasu Pɨ̈ta vae güive filisteo reta iɨguasu kotɨ, jare ñuu güive ɨ̈aka Éufrates kotɨ, echa añono pepo pe opaete jókuae ɨvɨ pe yogüɨreko vae reta, jare pe opata pemoë pemombo peyeugüi.

JEREMÍAS 25:20

jare opaete joko pe yogüɨreko ïru tëtaguasu pegua reta vae, jare opaete mburuvicha guasu reta ɨvɨ Uz pegua reta jare filisteo reta iɨvɨ pegua: Ascalón, Gaza, Ecrón jare Asdod güi jembɨregüe reta;

JEREMÍAS 47:5

Gaza pegua reta opa ia oñapiasɨ, jare Ascalón pegua reta kïrii ngatu opɨta. Pe reta, puku vae iñemuñagüe reta, ¿kërai yave pa peyeasɨa poita, pepɨatɨtɨ pemboyekuaa jökorai vae güi?

DEUTERONOMIO 2:23

Jare aveo reta yogüɨrekose tëta raɨ reta ojoi oya Gaza re vae, Caftor pegua reta yogüeru opa opɨ̈ro jëta jare jendagüe pe yogüɨreko, jae ko filisteo reta.)

JOSUÉ 11:22

Metei ave Anac iñemuña reta mbaetɨ opɨta Israel iñemuña reta iɨvɨ pe; jaeño opɨta reta Gaza pe, Gat pe jare Asdod pe.

JOSUÉ 13:3

Sihor, Egipto güi kuaraɨ oëa kotɨ oï vae güive Ecrón jembeɨ kotɨ ɨvɨtuguasu kotɨ, cananeo reta oyemombae jese vae; joko pe oime pandepo filisteo juvicha reta ñogüɨnoia, jae ko Gaza, Asdod, Ascalón, Gat jare Ecrón. Opɨta vi aveo reta iɨvɨ,

JOSUÉ 15:11

javoi oë ɨvɨtɨ ikúa rupi, Ecrón güi ɨvɨtuguasu kotɨ, jare oyere Sicrón kotɨ, jare oasa ɨvɨtɨ Baala rupi, jare oë Jabneel rupi ojo iyapɨ ɨguasu pe.

JUECES 14:19

YandeYa iEspíritu ou jese, jare ojo tëta Ascalón kotɨ joko pe oyuka treinta kuimbae opa opɨ̈ro chugüi reta imbaembae jare pɨpe omboepɨ jókuae ñee yavai vae omombeu chupe vae reta pe. Jare ojo tu jëta pe iyarasɨ yae reve,

JUECES 16:21

Jayave filisteo reta oipɨɨ jare opa güɨnoe chugüi jesäɨ jare güɨraja reta Gaza pe; joko pe oñapɨti reta karena jiero iyu vae pegua pe jare oiko tembipɨɨ rɨru pe ombaeyoso vaerä.

JUECES 3:3

Opɨta pandepo filisteo reta juvicha, opaete cananeo reta, Sidón pegua reta jare heveo reta ɨvɨtɨ Líbano pe yogüɨreko vae reta, ɨvɨtɨ Baal-hermón güive ojoi oya tëta guasu Hamat re.

1 SAMUEL 6:17

Jókuae pandepo mbaerasɨ pɨ̈chɨi ñakɨ̈ta vae iä oro pegua filisteo reta omondo yandeYa pe iyoa oyemboai vaerä vae; jae ko tëta Asdod re, Gaza re, Ascalón re, Gat jare Ecrón iyoa re.