Judas 1:9 - Biblia Guarani Tumpa Iñee

⁹ Ërei araɨgua tenondegua Miguel etei oñoraro yave aña guasu ndive oyoaka reve Moisés jetegüe re, oipoɨu omboeko vaerä aña guasu. Jaeño jei chupe: “YandeYa toñeengata ndeve.”

Nuevo Testamento Guaraní Pe

⁹ Erei Miguel etei - jae co araɨgua reta itenondegua - oquɨye omboeco vaera aña guasu. Echa jae oyoaca yave aña guasu ndive Moisés jetegüe re, jei chupe: ÑandeYa toñeengata ndeve.

Judas 1:9 ပူးပေါင်းရင်းမြစ်များ

1 CRÓNICAS 12:17

David oë oövaiti, jare jei chupe reta: “Peyu ko yave mbɨakatu ndive jare chemborɨ vaerä, opaete chepɨa ndive añemoïru pe ndive; ërei peyu chemee cherovaicho reta pe vaerä yave, mbaetɨ reve aporoyuka, ¡ñaneñemuñagüe reta iTumpa tomae kuae re, jare jae toiporarauka!”

ÉXODO 22:28

Agüɨye pere mbae jasɨ katu vae oporojäa vae reta kotɨ, agüɨye ave vi pere ñee ikavimbae perëta ruvicha reta kotɨ.

DANIEL 10:13

Ërei ɨvɨ Persia re mburuvicha oyangareko vae cheopia veintiuno ara rupi; ërei araɨgua Miguel, metei mburuvicha tenondegua ete ou chemborɨ vaerä; jökorai aiko mburuvicha guasu reta Persia pegua ñogüɨnoia pe.

DANIEL 10:21

Añave amombeu kavita ndeve tembikuatía añetete vae pe oyekuatía oï vae: Jae reta ndive añeraro yave jaeño chemborɨ araɨgua Miguel, mburuvicha tenondegua ete ɨvɨ Israel pegua.

DANIEL 12:1

Jókuae ara opüata araɨgua Miguel mburuvicha tenondegua ete, nerëtara Israel iñemuña reta iyangarekoa. Outa mbɨatɨtɨ iara, mbaetɨi jókuae nunga, arakae kuimbae oyeapo ramo güive vae. Ërei jókuae ara oasayepeta nerëtaɨgua reta, opaete jee oyekuatía oï tupapire pe vae.

ZACARÍAS 3:2

Jare yandeYa jei Satanás pe: “¡YandeYa toñeengata ndeve Satanás! ¡YandeYa oaɨu Jerusalén vae toñeengata ndeve! Echa jae ko tatasɨgüe tata güi oñerenoegüe rami.”

San Marcos 15:29

Jare oasa vae reta oñeäkambovava reve jei ikavimbae vae Jesús kotɨ körai: —¡Aa! Nde rere rembosururuta ko tupao jare remopüa yeta mboapɨ ara pe.

DEUTERONOMIO 34:6

jare jae oñotɨ ɨvɨ Moab pe, ɨvɨtɨ päu ipe kavía pe, Bet-peor jóvai; jare jókuae güive mbaetɨ metei ave oikuaa kia pe ko oñeotɨ vae.

1 Tesalonicenses 4:16

Echa yandeYa etei ogüeyɨta ara güi ñee mbaepuere pegua ndive, araɨgua tenondegua vae iñee jare Tumpa jemimbɨ guasu ndive. Jare Cristo re güɨrovia reve omano vae reta oikove yeta jae reta räri;

1 Pedro 3:9

ikavimbae oyapo peve vae pe agüɨye pemboekovia ikavimbae pe, agüɨye peyepopeyu oyepopeyu peré vae re, ërei peñee kavi, echa peikuaa ko peyeparavo penoi vaerä mborerekua.

2 Pedro 2:11

ërei araɨgua reta imbaepuere tuicha yae tëi reve mbaetɨ ipuere oyepopeyu jókuae reta kotɨ yandeYa jóvai.

Apocalipsis 12:7

Javoi Miguel jare iaraɨgua reta ndive täta oñeraro ara pe jókuae mbaeporou ndive. Mbaeporou jare iaraɨgua oñeraro,