Judas 1:6 - Biblia Guarani Tumpa Iñee

⁶ Jare araɨgua reta mbaetɨ opɨta Tumpa oñonoa pe vae, jaeño oeya reta oikoa, jáeramo Tumpa oyokenda oñono reta pɨtumimbi pe, tembipɨɨrɨru opambae pe, Tumpa iporojäa iara peguarä.

Nuevo Testamento Guaraní Pe

⁶ Jae ramiño vi Tumpa oiporarauca amogüe araɨgua pe. Echa tenonde voi Tumpa omee chupe reta mbaepuere jare maemboete. Erei jae reta mbaeti oipota oyeócuai Tumpa pe rambue, oeya yogüɨrecoa. Jae rambue Tumpa oñapɨti reta pɨtumimbi pe. Joco pe jecuaecuae aveiño oaro ñogüɨnoi Tumpa ojaa reta vaera jocuae Tumpa iara pe.

Judas 1:6 ပူးပေါင်းရင်းမြစ်များ

San Mateo 10:15

Añete che jae peve, Tumpa ojäa yave ɨvɨ pegua reta, jókuae tëta guasu pegua reta oiporara yaeta Sodoma jare Gomorra pegua reta oiporara vae güi.

San Mateo 25:41

Jayave jaeta vi cheasu kotɨ ñogüɨnoi vae reta pe: ‘Pesɨrɨ chegüi ikavimbae iyapoa reta, pekua tata opambae vae pe. Jókuae tata oñemokätɨro ma oï aña guasu pe jare araɨgua chupe oyeokuai vae reta pe.

San Mateo 8:29

Jare jae reta iñeeäta reve jei: —¿Maera pa reyu oreve Jesús, Tumpa Taɨ? ¿Reyu pa reiporarauka oreve, ndei ara oväe mbove?

San Juan 8:44

Aña guasu ko jae peru; jare pe reta peipota peyapo peru oipota vae rupi. Jae oporoyuka iyɨpɨ güive vae ko, mbaetɨi oiko añete vae rupi, echa añetete vae peguaä ko. Iyapu yave, jeko aeño ko omboyekuaa, echa jae ko iyapu yae vae, apu iyɨpɨ ko.

Romanos 2:5

Ërei ndepɨatäta jare mbaetɨ reeya ikavimbae vae ndepɨa pe oï vae rupi, remboatɨ ndeyeupe aeño Tumpa iyarasɨ, jae iporojäa jupi rupi vae iara oyekuaa yave.

Efesios 6:12

Echa mbaetɨ ñañeraro ñaï ɨvɨ pegua reta ndive. Ñañeraro ko ñaï mburuvicha reta, imbaepuere vae reta, tenondegua ete mburuvicha pɨtumimbi pegua reta ndive, jeta vae ara rupigua reta ikavimbae pegua reta ndive.

Hebreos 10:27

jaeño ñaärota yavaetegüe Tumpa iporojäa, tata yavaetegüe omboaita Tumpa kotɨ oyemboyovaicho vaerä reta.

2 Pedro 2:4

Echa Tumpa mbaetɨ iñɨ̈ro araɨgua iyoa vae reta pe. Jae omombo ara güi tata guasu pe. Joko pe oñeapɨti ñogüɨnoi pɨtumimbi pe jare oäro ñogüɨnoi Tumpa ojäa reta vaerä.

2 Pedro 2:9

Jaeramiño vi yandeYa oikuaa kërai oepɨ vaerä mbaemboavai güi jae jeia re yogüɨreko vae reta, jare oñovatu jupimbae reta oiporara vaerä Tumpa iporojäa iara pe.

Judas 1:13

Jae reta ko ɨguasu iɨaparúa tuicha vae oñaro vae rami, jókuae ɨ tɨrɨyɨi rami ko jembiapo ikavimbae, yasɨtata jopa vae rami ko. Pɨtumimbi opambae vae oñeñovatu oï chupegua retarä.

Apocalipsis 20:10

Jare aña guasu ombotavɨ reta vae oyemombouka tata guasu azufre ndive jendɨ vae pe, mbaemɨmba guasu jare ñeemombeúa raanga ñogüɨnoia pe. Jare joko pe oiporara retata ara rupi jare pɨ̈tu rupi jekuaekuae avei rupi.

Apocalipsis 20:2

Jare oipɨɨ jókuae mbaeporou guasu, mboi ñɨma vae, jae ko aña guasu Satanás. Jare oipokua mil año pegua.