Judas 1:5 - Biblia Guarani Tumpa Iñee

⁵ Jáeramo yepe tëi peikuaa ma, ërei aipota pomomaendúa ye kuae re: YandeYa güɨnoe Israel pegua reta Egipto güi. Ërei taɨkue rupi opa omokañɨtei jese güɨroviambae vae reta.

Nuevo Testamento Guaraní Pe

⁵ Jae rambue yepe tei peicuaa ma, erei aipota pomomaendúa ye cuae re: ÑandeYa oepɨ Israel pegua reta güeru Egipto güi. Erei taɨcue rupi opa oyuca jeigüe mbaeti güɨrovia vae reta.

Judas 1:5 ပူးပေါင်းရင်းမြစ်များ

SALMOS 106:26

Jáeramo, jae ipo oupi reve jei jee re aeño opa vaerä omokañɨtei reta ñuu pe,

ÉXODO 12:51

Jókuae ara etei yandeYa güɨnoe ɨvɨ Egipto güi Israel iñemuña reta, ñemuña ñavo rupi kavi.

Romanos 15:15

Ërei aikuatía peve cherɨvɨ reta, akɨɨyembae reve amogüe mbaembae re, pomomaendúa jese vaerä. Kuae ayapo, Tumpa ipɨakavi omee cheve vae rupi,

DEUTERONOMIO 1:32

Ërei ngatu jeseve mbaetɨ perovia yandeYa Tumpa,

Hebreos 3:16

¿Kia reta pa jókuae Tumpa iñee oendu güire omboarasɨuka vae? ¿Jaeä pa Moisés güɨnoe Egipto güi vae reta?

2 Pedro 3:1

Cherɨvɨ aaɨu vae reta, mokoía ma ko aikuatía peve, mókoi reve pe pomboarakuaa peyemongeta kavi vaerä jese.

1 Juan 2:20

Ërei Cristo peñeñono tee ma Espíritu Santo rupi, jáeramo pe reta peikuaa opaete.

1 Juan 2:21

Mbaetɨ ko aikuatía peve añete vae mbaetɨ peikuaa ramo, aikuatía ko peve peikuaa ramo. Jare pe reta peikuaa ko añete vae güi ngaraa etei oë apu.