Judas 1:3 - Biblia Guarani Tumpa Iñee

³ Cherɨvɨ aaɨu vae reta, chekɨ̈reɨ yae aikuatía peve yandeyemboasa regua. Ërei ikavi cheve aikuatía vaerä peve pomboarakuaa vaerä peñemoäta ngatu mborogüɨrovia oñemee oñeñono tee vae reta pe vae re.

Nuevo Testamento Guaraní Pe

³ Cherɨvɨ reta, aipota yae aicuatía peve ñaneñemboasa regua. Erei icavi echa cheve aicuatía vaera peve iru mbaembae regua. Jae rambue cuae tupapire pe aipota pomboaracuaa pepuere vaera peñemoatangatu ñandeporogüɨrovia re. Echa Tumpa oicuauca cuae mborogüɨrovia oñono tee iyeupeguara vae reta pe. Agüɨye etei perovia moromboe mbaeti añete vae.

Judas 1:3 ပူးပေါင်းရင်းမြစ်များ

NEHEMÍAS 13:25

Jare ayoaka jae reta ndive, cheñeeasɨ katu ikotɨ reta. Amogüe chugüi reta ainupa, amondoro ia chugüi reta, jare jaeuka chupe reta Tumpa rovake agüɨye mo vaerä omomenda tayɨ reta ketɨgua reta ndive, jaeramiño vi taɨ reta, ani vi jae reta etei. Jare jae vi chupe reta:

ISAÍAS 45:17

Ërei yandeYa oepɨta jekuae avei pegua tëtaguasu Israel, jare ngaraa oñemomichiuka ani oñemomaraiuka reta opɨta jekuae avei rupi.

ISAÍAS 45:22

Opaete ɨvɨ pegua reta, perovia cheré peasayepe vaerä, echa che ko Tumpa, mbaetɨ yé ko ïru.

JEREMÍAS 9:3

Oïndaivi iyapu reta vaerä, uvɨ oñemoïndaivi oñejäa vaerä vae rami. Kuae ɨvɨ pe jeiete apu, mbaetɨ añetete vae; jeiete yae ikavimbae vae oyapo reta; yandeYa jei: “Mbaetɨ oipota oikuaa reta cheregua.”

Hechos 17:3

oechauka jare oikuaauka kavi reve Tumpa Iñee rupi, kërai Cristo oiporara ñotai ko jare oikove ye ñotai ko omanogüe reta ipɨte güi vae. Jei: —Kuae Jesús, che amoërakua peve vae ko jae Cristo.

Hechos 18:28

Jae oyoaka mbaepuere reve judío reta ndive tëta guasu pegua reta jovake, oechauka reve chupe reta Tumpa Iñee rupi Jesús ko jae Cristo vae.

Hechos 20:27

Echa amombeu kavi peve opaete Tumpa jei vae.

Hechos 28:28

Peikuaa kuae, añave güive Tumpa iporomboasa güeru judiombae vae reta pe. Jare jae reta oyeapɨsakata jese.

Hechos 4:12

Mbaetɨ yé kia re yandepuere yayemboasauka. Echa mbaetɨ oñemee ɨvɨ pegua reta pe ïru kia, jese yayemboasauka vaerä.

Hechos 6:7

Jare Tumpa iñee jeiete oñemoai. Jare jeiete jeta yae oporogüɨrovia Jerusalén pe vae, jare jeta sacerdote reta ave vi oporogüɨrovia.

Hechos 9:13

Ërei Ananías jei: “CheYa, jeta vae omombeu cheve kuae kuimbae regua, kërai jeta ikavimbae vae oyapo Jerusalén pe nderé güɨrovia vae reta pe.

Hechos 9:22

Ërei Saulo oñemoäta ngatu, jare omoamɨri judío reta Damasco pegua. Echa oikuaauka chupe reta Jesús ko jae Cristo.

1 Corintios 15:3

Echa tenonde ete pomboe, che amboresivegüe, jae ko: Cristo omano yandeyoa reta re Tumpa Iñee pe jei rami;

Gálatas 2:5

Ërei mbaetɨ etei roñemaeño jese reta, echa roipota jekuaeño penoi vaerä ñee ikavi vae añetete vae.

Gálatas 3:28

Mbaetɨ ma ko judío ani judiombae vae; mbaetɨ ma tembiokuai ani tembiokuaimbae vae, kuimbae ani kuña. Echa Cristo Jesús re opaete pe reta metei ramiño ko.

Gálatas 6:11

Mase, tuicha ko kuae chepo pe etei aikuatía peve vae.

Efesios 1:1

Che Pablo, Jesucristo jemimondo Tumpa jemimbota rupi vae, aikuatía opaete peporogüɨrovia vae Cristo Jesús re Efeso pe peiko vae pe.

DEUTERONOMIO 21:9

jökorai peekɨ pepɨte güi teko, jekombae jugüɨ oyepɨyere vae re, peyapo yave jupi vae yandeYa jesa róvai.

DEUTERONOMIO 9:10

Jayave yandeYa omee cheve mókoi ita ipe vae, oyekuatía Tumpa ipoäka pe vae, jese oyekuatía opaete ñee yandeYa omombeu ɨvɨtɨ re, tata jendɨ vae mbɨte güi vae, jókuae ara opaete vae yandeatɨ yave.

Filipenses 1:1

Che Pablo jare Timoteo Jesucristo jembiokuai reta, roikuatía opaete peporogüɨrovia vae Cristo Jesús re jare petenondegua reta jare oporomborɨ vae reta Filipo pe peiko vae pe.

Filipenses 1:27

Jaeño peiko kavi, echa perovia ma ñee ikavi vae Cristo regua. Güɨramoi aja apou pépɨri ani mbaetɨ, ërei aipota perërakua kavi cheve, kërai peñemomɨ̈rata metei ramiño jare peñemoäta ngatu peporogüɨrovia ñee ikavi vae re vae,

Colosenses 1:2

roikuatía peve kuae tupapire cherɨvɨ reta Colosas pe peiko vae pe. YandeRu Tumpa jare yandeYa Jesucristo ipɨakavi jare ipɨakatu toï pe ndive.

1 Tesalonicenses 2:2

Yepe tëi roiporara yae Filipos pe, pe reta peikuaa rokɨɨyembae reve Tumpa re romombeu peve Tumpa ñee ikavi vae, yemboavai jeta yae tëi reve.

1 Timoteo 1:18

Cheraɨ Timoteo, royókuai tenonde yave oyemombeu nderegua rami, reñoraro kavi vaerä ikavimbae vae ndive,

1 Timoteo 6:12

Eñeraro kavi ndeporogüɨrovia re, egüɨ̈rakua tekove opambae vae re, echa kuaerä Tumpa ndeparavo. Jáeramo remombeu ndeporogüɨrovia jeta vae jóvai.

2 Timoteo 1:13

Eiko mboromboe añete vae re, chegüi reendu vae, mborogüɨrovia jare mboroaɨu Cristo Jesús re.

Tito 1:4

Aikuatía kuae tupapire ndeve Tito, cheraɨ añetete vae mborogüɨrovia rupi: YandeRu Tumpa jare yandeYa Jesucristo ipɨakavi jare iporoparareko jare ipɨakatu toï nde ndive.

Hebreos 13:22

Cherɨvɨ reta, pomoñera peropɨa vaerä kuae mbovɨ yemboarakuaa aikuatía peve vae.

Hebreos 6:9

Ërei, cherɨvɨ aaɨu vae reta, yepe tëi chemiari ma peve körai, ërei aikuaa pe reta mbaetɨ ko pepia yemboasa güi.

1 Pedro 5:12

Kuae mbovɨ aikuatía peve pomboarakuaa vaerä, jare arajaukata Silvano ndive peve, jae ko yanderɨvɨ jupi vae; amombeu peve kuae Tumpa ipɨakavi añetete vae ko, pe reta peï pɨpe vae.

2 Pedro 1:1

Che Simón Pedro, Jesucristo jembiokuai jare jemimondo, aikuatía peve pe peupitɨ mborogüɨrovia ikavigüe vae ñaneTumpa jare yandeYa Jesucristo jupi vae rupi, ore rami.

2 Pedro 2:21

Echa ikavi ko agüɨye etei oikuaa viña jupi vae regua, jare oyerova ye mborookuai oñemee chupe vae güi.

Judas 1:1

Che Judas, Jacobo tɨvɨ, Jesucristo jembiokuai, aikuatía yandeRu Tumpa oiparavo jare oñeñono tee vae reta pe. Jesucristo re oñeñovatu vae reta pe.

Judas 1:17

Ërei pe cherɨvɨ aaɨu vae reta, pemaendúa yandeYa Jesucristo jemimondo reta omombeu peve vae re,

Judas 1:20

Ërei pe cherɨvɨ aaɨu vae reta, peñemomɨ̈rata peporogüɨrovia ikɨambae pe, peyerure reve Espíritu Santo rupi.

Apocalipsis 12:11

Jare yanderɨvɨ reta omoamɨri Satanás Vecha kuimbae taɨrusu vae jugüɨ rupi jare Tumpa iñee omoërakua reta vae rupi, ërei jae reta mbaetɨ güɨrokɨɨye jekove, mbaetɨ etei okɨɨye reta omano regua.

Apocalipsis 2:10

Agüɨye etei ekɨɨye reiporarata vae güi. Mase, aña guasu peñoñaukata amogüe pe reta tembipɨɨrɨru pe, oyekuaa vaerä peporogüɨrovia añetete ra; jare peiporarata payandepo ara pegua. Nepɨ̈rata ndeporogüɨrovia pe remano regua, jare ameeta ndeve tekove opambae vae.