San Juan 8:15 - Biblia Guarani Tumpa Iñee

¹⁵ Pe reta peporojäa ɨvɨ pegua reta oporojäa rami. Che mbaetɨ kia ajäa.

Nuevo Testamento Guaraní Pe

¹⁵ Pe reta peporojaa opaete ɨvɨ pegua reta oporojaa rami. Che mbaeti quia ajaa —jei—.

San Juan 8:15 ပူးပေါင်းရင်းမြစ်များ

AMÓS 5:7

¡Pe reta perokomegua jupi vae, jare jupi vae pemombo ko ɨvɨ re!

AMÓS 6:12

¿Osɨita pa kavayu ɨ̈vavira rupi? ¿Ani oyeara pa güeye pe jokoropi? ¿Maera pa pe reta perokomegua ñejäa jare jupi vae?

HABACUC 1:4

Mbaetɨ oyeapo mborookuai jei vae, morojäa mbaetɨ oyeapo jupi rupi, iyoa vae reta omotareɨ jeko kavi vae, jáeramo mbaejupi oikomegua.

San Lucas 12:14

Ërei Jesús jei chupe: —Kuimbae, ¿kia pa cheñono peve mburuvicha oporojäa vaerä ani ombaemboyao vaerä?

San Juan 12:47

Cheñee re oyeapɨsaka vae mbaetɨ oyapo yave, che ngaraa ajäa. Echa mbaetɨ ayu ajäa vaerä ɨvɨ pegua reta, ayu ko amboasa vaerä.

San Juan 18:36

Jesús jei: —Cheporookuaía kuae ɨvɨ peguaä ko; cheporookuaía kuae ɨvɨ pegua ko yave, cherembiokuai reta oñerarota tëi ko, agüɨye vaerä añemee judío reta ipo pe. Ërei cheporookuaía kuae peguaä ko.

San Juan 3:17

Tumpa mbaetɨ ko ombou Taɨ ojäa vaerä ɨvɨ pegua reta, ombou ko ɨvɨ pegua reta oyemboasauka vaerä.

San Juan 7:24

Agüɨye peporojäa peecha vae rupiño. Peporojäa kavi jupi rupi.

San Juan 8:11

Jare kuña jei: —Mbaetɨ kia ave, cheYa. Jayave Jesús jei chupe: —Che mbaetɨ vi aipota remano. Ekua, agüɨye ye ndeyoa.

Romanos 2:1

Jáeramo nde kuimbae: “Mbaetɨ aikuaa” rere rapeä ko. Echa nde remboeko yave ïru vae, reyemboeko vi ko nde aeño, echa nde reporomboeko vae, teko iyapoa vi ko.

1 Corintios 2:15

Echa Espíritu Santo oiko ipɨa pe vae ipuere oikuaa kavi opaete kuae mbaembae. Ërei mbaetɨ kia ipuere oyangao vae.

2 Corintios 5:16

Jáeramo añave güive ngaraa yandepɨa pe yayemongeta ïru vae re jae ko ɨvɨ peguaño. Yepe tëi Cristo re ñamae yepi kuae ɨvɨ peguaño ko vae, ërei añave mbaetɨ ma yayemongeta jese jökorai.

Santiago 2:4

jökorai yave peporoparavo ma ko peï oyoupii. Peyeapo oporojäa vae rami peyemongeta kavimbae rupi.

1 SAMUEL 16:7

Ërei yandeYa jei Samuel pe: “Agüɨye emae jova re, ani vi ipukugüe reño, echa che aröɨro ko; che mbaetɨ ko amae kuimbae omae vae re; echa kuimbae omae jesa róvai oï vae reño, ërei che ko amae ipɨa re.”