San Juan 7:26 - Biblia Guarani Tumpa Iñee

²⁶ Ërei mase, ko oï kuae pe, imiari oï opaete vae jóvai. Ërei mbaetɨ kia mbae jei chupe. ¿Oikuaa ma ra yanderuvicha reta jae ko Cristo vae?

Nuevo Testamento Guaraní Pe

²⁶ Mase, co oi cuae pe, jare imiari oi opaete vae pe. Erei mbaeti quia mbae jei chupe. Güɨramoi ñanderuvicha reta oicuaa ma jae co Cristo —jei reta—.

San Juan 7:26 ပူးပေါင်းရင်းမြစ်များ

PROVERBIOS 28:1

Iyoa vae otekuarai mbaetɨ tëi reve kia oaɨkuemoña, ërei jupi vae oiko okɨɨyembae reve yaguapope rami.

ISAÍAS 42:4

Ngaraa ikangɨ jare ipɨtu, oñono regua jupi vae opaete kuae ɨvɨ pe; jare tëtaguasu reta ɨguasu jembeɨ rupigua reta oärota mborookuai jae omeeta vae.”

San Mateo 22:16

Jayave jae reta omondo jemimboe reta herodiano reta ndive Jesús oïa pe. Jae reta jei Jesús pe: —Oporomboe vae, roikuaa nde rere vae añete ko. Jare nde reporomboe kavi Tumpa jemimbota re. Nde mbaetɨ reipoɨu kia güi ave, echa nde mbaetɨ remae kuimbae jova reño.

San Lucas 23:13

Jayave Pilato omboatɨuka sacerdote reta itenondegua reta, mburuvicha reta jare tëta guasu pegua reta.

San Lucas 7:30

Ërei fariseo reta jare mborookuai re oporomboe vae reta mbaetɨ oyapo Tumpa jei oyapo vaerä vae. Echa mbaetɨ oyembobautisauka Juan pe.

San Juan 12:42

Ërei jeseve jeta mburuvicha reta güɨrovia Jesús re. Ërei mbaetɨ omboyekuaa reta fariseo reta jeko pegua, agüɨye vaerä oyemombouka reta judío reta itupao güi.

San Juan 18:20

Jayave Jesús jei chupe: —Che chemiari ko opaete vae jovake. Aporomboe avei judío reta itupao reta pe jare tupao pe, judío reta jeta oyemboatɨa pe. Mbaetɨi chemiari vɨari.

San Juan 3:1

Oiko metei fariseo Nicodemo jee vae. Jae ko judío reta ipɨte pe tuichagüe yae vae.

San Juan 4:29

—Peyu pemae kuimbae opaete ayapogüe omombeu cheve vae re. ¿Jaeä ra ko Cristo?

San Juan 7:25

Jayave amogüe Jerusalén pegua reta jei: —¿Jaeä ra kuae oeka reta oyuka vaerä vae?

San Juan 7:31

Jare joko pe ñogüɨnoi vae güi jeta güɨrovia jese vae, echa jei reta: —Cristo ou yave, ¿oyapota ra jeta yae ete mɨakañɨ kuae kuimbae oyapo vae güi?

San Juan 7:48

¿Güɨrovia ma ra jese kia nunga vae mburuvicha reta ani amogüe fariseo reta?

San Juan 9:22

Körai jei tu reta, okɨɨye reta ramo judío reta güi. Echa judío reta jei ma oyoupe: “Jókuae ‘Jesús ko jae Mesías’, jei vae toyemombo yandetupao güi.”

Hechos 4:13

Jayave oecha reta yave kërai Pedro jare Juan okɨɨyembae reve imiari, jare oikuaa reta mbaetɨ ko oyemboe vae. Ipɨakañɨ yae jese reta, jare oikuaa reta Jesús jemimboe ko vae.

Filipenses 1:14

Jare jeta yanderɨvɨ reta oñemoäta ngatu yandeYa kotɨ, oikuaa reta tembipɨɨrɨru pe oyeapo cheve vae ramo. Jare jae reta jei ete omombeu Tumpa iñee okɨɨyembae reve.