San Juan 7:14 - Biblia Guarani Tumpa Iñee

¹⁴ Jare arete mbɨte ma oyeapo yave, Jesús ojo tupao pe jare omboɨpɨ oporomboe.

Nuevo Testamento Guaraní Pe

¹⁴ Arete mbɨte ma yave, Jesús ojo Tumpa jo pe omboɨpɨ oporomboe.

San Juan 7:14 ပူးပေါင်းရင်းမြစ်များ

MALAQUÍAS 3:1

YandeYa Imbaepuere yae ete vae jei: “Mase, ko amondo cheñeemombeúa, jae oyapo kavita cheraperä; jare yandeYa outa güɨramoiño tupao guasu pe jókuae pe reta peeka vae, araɨgua morogüɨrökuavee päve pegua, jókuae pe reta peipota vae.”

NÚMEROS 29:17

Ara mokoía pe pemee doce toro taɨrusu vae, mókoi vecha kuimbae, jare catorce vecha kuimbae taɨrusu vae, metei año vae, jete kavi vae.

NÚMEROS 29:20

Ara mboapɨa pe pemee once toro taɨrusu vae, mókoi vecha kuimbae, jare catorce vecha kuimbae taɨrusu vae, metei año vae, jete kavi vae.

San Mateo 21:12

Jesús oike tupao pe, jare omoë omombo joko güi opaete omaemee vae reta jare ombaegua tupao pe vae reta, omboyapara korepoti ipoepɨa reta imesa reta jare pɨkasu reta imeea reta jenda.

San Mateo 26:55

Jayave voi Jesús jei jókuae yogüeru vae reta pe: —¿Maera pa peyu kɨsepuku jare ɨvɨra ndive chepɨɨ vaerä, imonda vae kotɨ rami? Ara ñavo aguapɨ pe reta ndive tupao pe aporomboe. Jare mbaetɨ chepɨɨ.

San Lucas 19:47

Jare Jesús oporomboe tupao pe ara ñavo. Ërei sacerdote reta itenondegua reta jare mborookuai re oporomboe vae reta jare tëta guasu pegua reta itenondegua reta oeka kërai oyuka vaerä.

San Juan 18:20

Jayave Jesús jei chupe: —Che chemiari ko opaete vae jovake. Aporomboe avei judío reta itupao reta pe jare tupao pe, judío reta jeta oyemboatɨa pe. Mbaetɨi chemiari vɨari.

San Juan 5:14

Jaɨkue rupi Jesús oväe jókuae kuimbae tupao pe, jare jei chupe: —Mase, rekuera ma. Agüɨye ye ndeyoa, agüɨye vaerä ou nderé mbae ikavimbae yae vae.

San Juan 7:2

Jare oyearo ma judío reta iarete, o ñairaka pegua arete.

San Juan 7:28

Jáeramo Jesús oporomboe tupao pe oï yave, iñeeäta reve jei: —Pe reta chekuaa ko, jare peikuaa ko ketɨ güi ayu vae. Ërei mbaetɨ ko ayu cheyeugüi aeño. Echa chembou vae añetete vae ko, pe reta mbaetɨ peikuaa vae.

San Juan 7:37

Jókuae ara ma arete opata yave, arete tuichagüe jare ikavi yae vae pe, Jesús oyemboɨ jare iñeeäta reve jei: —Oime yave kia iɨuve vae, tou chekotɨ jare toɨu.

San Juan 8:2

Pɨareve pe ndeimboveasɨ Jesús ojo ye tupao pe. Jayave jeta vae yogüeru jae oïa pe, jare jae oguapɨ omboe reta oï.

San Juan 8:20

Kuae jei Jesús tupao pe korepoti rɨru iyɨpɨ pe. Echa joko pe oporomboe. Ërei mbaetɨ kia ave oipɨɨ. Echa ndei ave iora oyepɨɨ vaerä.