San Juan 6:35 - Biblia Guarani Tumpa Iñee

³⁵ Jesús jei chupe reta: —Che ko jae mbɨyape tekove pegua. Oipotagüe ou chekotɨ vae ngaraa ye ma iyɨmbɨaɨ; jare oipotagüe cheré güɨrovia vae ngaraa ye ma iɨuve.

Nuevo Testamento Guaraní Pe

³⁵ —Che co jae jocuae tembíu tecove omeeta vae —jei Jesús—. Oipotagüe cheré guɨrovia vae ngaraa ñɨmbɨaɨ, jare oipotagüe cheré güɨrovia vae ngaraa iyúe —jei—.

San Juan 6:35 ပူးပေါင်းရင်းမြစ်များ

ISAÍAS 49:10

‘Mbaetɨta peyɨmbɨaɨ ani peɨuve yepe, araku ani kuaraɨ ave mbaetɨta peaporai, echa che poaɨu jare che ko pogüɨroatata, pogüɨrajata ɨesaɨ katuaía rupi.

San Mateo 11:28

Opaete peyemoambeko jare pepɨatɨtɨ peiko vae reta, peyu chekotɨ. Jare che pomombutuuta.

San Lucas 6:25

¡Paravete, pe añave peangapɨɨ vae reta!, echa peyɨmbɨaɨta. ¡Paravete, pe añave pepuka vae reta!, echa pepɨatɨtɨta jare peyaeota.

San Juan 4:15

Jare kuña jei: —CheYa, emee tau jókuae ɨ, agüɨye ye vaerä cheɨuve, jare agüɨye ye vaerä mo ayu kuae pe ɨ anoe.

San Juan 5:40

Ërei mbaetɨ peipota peyu chekotɨ penoi vaerä jókuae tekove.

San Juan 6:37

Opaete cheRu omee cheve vae reta yogüeruta chekotɨ; jare oipotagüe ou chekotɨ vae ngaraa amombo.

San Juan 6:41

Jayave judío reta iñeenguru Jesús re. Echa jei: “Che ko jae mbɨyape ara güi ou vae.”

San Juan 6:65

Jayave jei chupe reta: —Jáeramo amombeu ma peve ngaraa kia ou chekotɨ cheRu güi oñemeeä yave chupe.

Apocalipsis 22:17

Espíritu Santo jare Vecha kuimbae taɨrusu vae imenda ïru jei: “¡Eyu!” Jare oendu vae, tei: “¡Eyu!” Jare iɨuve vae tou toɨu; ikɨ̈reɨ vae tou ɨ tekove pegua güi jepɨmbae.

Apocalipsis 7:16

Ngaraa ye ma iyɨmbɨaɨ ani iɨuve reta, ani jasɨ chupe reta kuaraɨ, ani araku chupe reta;