San Juan 6:2 - Biblia Guarani Tumpa Iñee

² Jare jeta vae yogüɨraja jaɨkue, echa oecha reta mɨakañɨ oyapo ombogüera imbaerasɨ vae reta yave.

Nuevo Testamento Guaraní Pe

² Jare tenonde yave Jesús ombogüera amogüe imbaerasɨ vae reta, jare jeta yae vae oecha ma mɨacañɨ Jesús oyapo vae reta. Jae rambue añave cuae reta yogüɨraja Jesús jaɨcue.

San Juan 6:2 ပူးပေါင်းရင်းမြစ်များ

San Mateo 12:15

Jesús kuae oikuaa yave, ojo joko güi. Jare jeta vae reta yogüɨraja jaɨkue, jare jae ombogüera opaete imbaerasɨ vae reta.

San Mateo 13:2

Jare jeta vae oyemboatɨ jae oïa pe. Jáeramo jae oyeupi metei barco raɨ ɨguasu pe oï vae pe, jare oguapɨ pɨpe. Jare yatɨ vae reta ñogüɨnoi ɨguasu jembeɨ pe.

San Mateo 14:14

Jare Jesús ogüeyɨ barco raɨ güi yave, oecha jeta yae vae, jare oiparareko omae jese reta. Ombogüera imbaerasɨ vae reta jae reta ndive ñogüɨnoi vae.

San Mateo 8:1

Jare Jesús ogüeyɨ ma ɨvɨtɨ guasu güi yave, jeta vae yogüeru jupíe.

San Marcos 1:45

Ërei jókuae kuimbae ojo, jare omboɨpɨ omoërakua jeta vae reta pe, jókuae oyeapo chupe vae. Jáeramo Jesús mbaetɨ ma ipuere oike tëta guasu pe yavaimbae reve. Opɨta tëtambaea rupi, jare yogüeru jae oïa pe opaete ketɨ ketɨ rupi güi.

San Marcos 6:33

Ërei jeta vae reta oecha yogüɨraja, jare oikuaa kia ko jae vae. Jare yogüɨraja ɨvɨ rupi tëta guasu reta güi Jesús ojoa pe, jare yogüɨraja oväe ndei Jesús ojo oväe mbove, jare oyemboatɨ joko pe.

San Juan 11:47

Jayave sacerdote reta itenondegua reta jare fariseo reta omboatɨ opaete mburuvicha reta, jare jei reta: —¿Mbae pa yayapota? Kuae kuimbae jekuae ñoi oyapo jeta mɨakañɨ reta.

San Juan 12:18

Jáeramo jeta vae yogüɨraja oövaiti Jesús. Echa oikuaa ma oyapo jókuae mɨakañɨ vae.

San Juan 12:37

Yepe tëi Jesús oyapo jeta mɨakañɨ reta jae reta jovake, ërei mbaetɨ güɨrovia reta jese,

San Juan 2:11

Jesús kuae oyapo Caná, Galilea pegua pe. Körai jae omboɨpɨ oechauka iyemboetea. Jare jemimboe reta güɨrovia jese.

San Juan 2:23

Jesús oï ramboeve Jerusalén pe arete Pascua pe, jeta vae güɨrovia jese oecha yave jókuae mɨakañɨ reta oyapo vae.

San Juan 20:30

Jesús oyapo vi jemimboe reta jovake jeta ïru mɨakañɨ reta, yepe tëi mbaetɨ oyekuatía oï kuae tembikuatía pe.

San Juan 3:2

Kuae kuimbae ou Jesús oïa pe pɨ̈tu yave jare jei chupe: —Oporomboe vae, roikuaa ko Tumpa ndembou reporomboe vaerä. Echa mbaetɨ kia ipuere oyapo kuae mɨakañɨ reta reyapo vae Tumpa mbaetɨ oï yave jae ndive.

San Juan 6:14

Jare joko pe ñogüɨnoi vae reta oecha ma yave kuae mɨakañɨ Jesús oyapo vae, jei reta: —Añetete, jae kuae jókuae ñeemombeúa outa kuae ɨvɨ pe vae.

San Juan 6:22

Pɨareve pe jeta vae reta ɨguasu jovaicho peño ñogüɨnoi vae, imaendúa meteiño ko barco raɨ oï joko pe vae, jare oecha reta Jesús mbaetɨ ojo pɨpe jemimboe reta ndive. Jemimboe retaño opa yogüɨraja.

San Juan 6:26

Jayave Jesús jei chupe reta: —Añetete che jae peve, pe reta chereeka mbɨyape peu jare peyemoangapɨɨ pɨpe ramoño, mbaetɨ chereeka mɨakañɨ peecha ramo.

San Juan 6:30

Jayave jei reta chupe: —¿Mbae nunga mɨakañɨ pa reyapo, roecha vaerä jare rogüɨrovia vaerä nderé? ¿Mbaembae pa reyapo?