San Juan 5:39 - Biblia Guarani Tumpa Iñee

³⁹ Pe reta peyemboe kavi Tumpa Iñee re. Echa peyemongeta pɨpe peväeta tekove opambae vae. Ërei jae ko imiari cheregua.

Nuevo Testamento Guaraní Pe

³⁹ Jecuaeño pemongueta Tumpa iñee pe oyecuatía oi vae. Echa peñemongueta joco pe pevae quirai pepuere penoi tecove opa mbae vae. Jare Tumpa iñee pe oyecuatía oi vae che co chemombeu —jei Jesús chupe reta—.

San Juan 5:39 ပူးပေါင်းရင်းမြစ်များ

SALMOS 1:2

jaeño oñono ipɨa yandeYa iporookuai re vae, jeseño oyemongeta ara rupi jare pɨ̈tu yave vae.

SALMOS 119:11

Chepɨa pe añovatu neñee reta, agüɨye vaerä cheyoa ndekotɨ.

SALMOS 133:3

Ɨsápɨi ɨvɨtɨ Hermón re rami, oa ɨvɨtɨ reta Sión re. Echa joko pe yandeYa ombou mborerekua jare tekove opambae vae.

SALMOS 16:11

Reechaukata cheve tape tekove pegua; reikoa pe oime avei tuichagüe vɨakatu, yerovia katu opambae vae oime ndeɨpɨ pe.

SALMOS 21:4

Tekove oiporu ndeve jare remee chupe; oikopuku vaerä jekuae avei pegua.

SALMOS 36:9

echa nde renoi ɨ tekove pegua, ndereño orepuere roikove.

PROVERBIOS 6:23

Echa mborookuai reta jare mboromboe reta tembipe rami ko, yemboarakuaa reta tape tekove pegua ko.

ISAÍAS 34:16

Pemongeta yandeYa iñee reta oyekuatía oï vae, emongeta, oime ra oata mbae nunga mɨmba; mbaetɨ metei pe ave oata iñeïrurä, echa yandeYa ko jei jökorai, iEspíritu etei ko opata omboatɨ.

ISAÍAS 8:20

¡Peyeko mborookuai reta re! Mbaetɨ pere jökorai yave, mbaetɨño ko peikuaa kavi.

JEREMÍAS 8:9

Ërei jókuae yarakuaa yae vae reta oñemomichita opɨta, okɨɨye yae retata, mɨmba ñuai pe oï vae rami. Güɨröɨro reta cheñee yave, ¿ketɨ pa oime oï iyarakuaa?

DANIEL 12:2

Jeta omanogüe reta opüa yeta: Amogüe opüata tekove iyapɨmbae peguarä, ïru reta opüata ñemomarai peguarä jare mbaeporara iyapɨmbae peguarä.

San Mateo 22:29

Ërei Jesús jei chupe reta: —Peyavɨ ko. Mbaetɨ ko peikuaa kavi Tumpa Iñee jare Tumpa imbaepuere.

San Marcos 10:3

Jesús jei chupe reta: —¿Mbae pa peokuai Moisés?

San Marcos 12:10

¿Mbaetɨ pa pemongeta Tumpa Iñee pe oyekuatía oï vae?: ‘O iyapoa reta güɨröɨro ita vae, ou opɨta o ekina iguapɨkarä.

San Lucas 16:29

Jayave Abraham jei chupe: ‘Oime güɨnoi reta Moisés jare ñeemombeúa reta jembikuatía. Toyeapɨsaka reta jókuae re.’

San Lucas 16:31

Ërei Abraham jei chupe: ‘Mbaetɨ oipota oyeapɨsaka Moisés jare ñeemombeúa reta jembikuatía re yave, ngaraa güɨrovia reta, yepe tëi kia oikove ye ojo chupe reta omanogüe vae reta ipɨte güi.’ ”

San Lucas 24:25

Jayave Jesús jei chupe reta: —¡Yarakuaambae reta! Mbegüe rupi yae perovia opaete ñeemombeúa reta jei vae.

San Lucas 24:27

Jayave Jesús omboɨpɨ omombeu kavi chupe reta Moisés jembikuatía reta güive jare opaete ñeemombeúa reta oikuatiagüe, kërai opaete jókuae Tumpa Iñee imiari jese vae.

San Lucas 24:44

Jayave jei chupe reta: —¿Mbaetɨ pa pemaendúa pe reta ndive aiko ramboeve che jae peve vae re? Kërai oyembopo tai ko cheré Moisés iporookuai, ñeemombeúa reta oikuatiagüe jare Salmo reta pe jei vae.

San Juan 1:45

Jayave Felipe oväe Natanael jare jei chupe: —Roväe jókuae Moisés oikuatía jesegua mborookuai pe vae. Jare ñeemombeúa reta. Jae ko Jesús, José Nazaret pegua taɨ.

San Juan 5:32

Ërei ïru ko imiari cheré, jare aikuaa jókuae imiari cheré vae añete ko.

San Juan 5:36

Ërei che oime anoi imiari cheré vae, oasa yé chemombeu Juan imiari cheré vae güi. CheRu oipota opa ayapo vaerä mbaravɨkɨ omee cheve vae, jókuae ko oechauka cheRu ko chembou vae.

San Juan 5:40

Ërei mbaetɨ peipota peyu chekotɨ penoi vaerä jókuae tekove.

San Juan 5:46

Echa Moisés jembikuatía re perovia yave, chereroviata tëi ko. Echa jae oikuatía ko cheregua.

San Juan 7:52

Ïru reta jei chupe: —¿Nde jae vi pa Galileaɨgua? Emongeta kavi Tembikuatía, jare eecha mbaetɨi ko metei ave ñeemombeúa oë Galilea güi vae.

Hechos 13:27

Echa Jerusalén pegua reta jare juvicha reta mbaetɨ oikuaa kia ra ko Jesús vae ani ñeemombeúa reta jeigüe, ara mbutuu ñavo pe jae reta omongeta tëi vae. Jáeramo jae reta jei Jesús oyeyukauka vaerä, jare jökorai ombopo reta oyekuatía oï jese vae.

Hechos 17:11

Jare joko pegua judío reta iyarakuaa yae Tesalónica pegua reta güi. Ikɨ̈reɨ ngatu reve oyeapɨsaka Tumpa iñee re, jare ara ñavo omongeta kavi Tumpaa Iñee, oikuaa vaerä añete ra Pablo jei vae.

Hechos 26:27

Mburuvicha guasu Agripa, ¿rerovia pa ñeemombeúa reta oikuatiagüe? Che aikuaa rerovia ko.

Romanos 1:2

jae güɨrökuavee arakae güive iñeemombeúa reta Tumpa Iñee oyapo vae rupi,

Romanos 3:2

Jeta pe ko opaete mbaembae rupi. Tenonde ete: Oñemee Tumpa iñee chupe reta.

DEUTERONOMIO 18:15

YandeYa Tumpa omopüata pepɨte güi ñeemombeúa che rami vae, jese peyeapɨsaka jare peyapo jeigüe.

DEUTERONOMIO 18:18

Cheñeemombeúa amopüata chupe reta, jëtara reta ipɨte güi oëta metei nde rami vae; che ameeta iñeerä jare imiarita chupe reta opaete che ayókuai rami.

DEUTERONOMIO 29:29

Opaete mbaembae yaikuaambae, yandeYa Tumpaño ko oikuaa; ërei oikuaauka vae yandeveguarä ko jare yanderaɨ reta peguarä ko, jekuae avei pegua, yayapo vaerä opaete ñee reta kuae mborookuai pe oyekuatía oï vae.

DEUTERONOMIO 32:47

Echa mbae nungaiñoä ko kuae ñee reta; tekove ko peveguarä, kuae mborookuai rupi ko peiko pukuta jókuae ɨvɨ peota peiko pɨpe vae pe, kuri peasa ma ɨ̈aka Jordán yave.”

Colosenses 3:16

Cristo iñee toiko avei pepɨa pe. Peyomboe jare peyomboarakuaa päve opaete arakuaa rupi. Peyerovia katu reve petairari yandeYa pe, salmo reta rupi jare tairari reta Tumpa pegua rupi.

Hebreos 11:16

Ërei oipota reta tëta ikavi yae vae jókuae güi. Oipota reta tëtaguasu ara pegua. Jáeramo Tumpa mbaetɨ oñerenoi oiko vaerä jae reta iTumparä, echa omokätɨro chupe reta metei tëtaguasu.

Hebreos 11:35

Amogüe kuña reta omboresive ye omano chugüigüe oikove ye vae. Ërei ïru vae reta omano oiporara yae reve, oñemaeño reve oikove ye vaerä kuri ikavi yae vae peguarä.

JOSUÉ 1:8

Agüɨye embosɨrɨ ndeyuru güi kuae mborookuai, ara pe jare pïtu yave eyemongeta jese, reyapo jare reñovatu vaerä opaete oyekuatía oï pɨpe vae; echa jayave oë kavita ndeve opaete mbaembae reyapo vae.

Apocalipsis 19:10

Jayave ayetavatɨka chetindɨasɨ reve araɨgua jóvai amboete vaerä, ërei jae jei cheve: “Agüɨye chemboete. Che Tumpa pe ayeokuai vae vi ko, nde jare nderɨvɨ reta imiari Jesús regua vae reta rami. Emboete Tumpa.” Echa Jesús regua oyemombeu vae, ñeemombeúa reta omoërakua vae ko.