San Juan 2:16 - Biblia Guarani Tumpa Iñee

¹⁶ Jare jei pɨkasu imeea reta pe: —Penoe kuae reta kuae güi. CheRu jo agüɨye peyapo maemee renda.

Nuevo Testamento Guaraní Pe

¹⁶ Jare jei pɨcasu omee vae reta pe: —Peraja cuae güi cuae reta. Agüɨye pemee mbaembae cheRu jo pe —jei.

San Juan 2:16 ပူးပေါင်းရင်းမြစ်များ

JEREMÍAS 7:11

¿Kuae o cheree oñeenɨi pɨpe vae, peve jae pa ko imonda vae reta iñemía? Opaete jókuae che aecha ko. Che peYa jae kuae.

San Mateo 21:12

Jesús oike tupao pe, jare omoë omombo joko güi opaete omaemee vae reta jare ombaegua tupao pe vae reta, omboyapara korepoti ipoepɨa reta imesa reta jare pɨkasu reta imeea reta jenda.

San Mateo 21:13

Jare jei chupe reta: —Tumpa Iñee pe oyekuatía oï körai: “Chero oyembojeeta o yerure pegua pe.” Ërei pe reta peyapo ma imonda vae reta iñemía rami.

San Mateo 22:5

Ërei jae reta mbaetɨ yogüeru. Amogüe vae ojo iko pe. Ïru vae ojo omaemee.

San Marcos 11:17

Jare jei joko pe ñogüɨnoi vae reta pe: —Tumpa Iñee pe oyekuatía oï körai: “Chero oyembojeeta o yerure pegua opaete ɨvɨ pegua reta peguarä.” Ërei pe reta peyapo ma imonda vae reta iñemía rami.

San Lucas 2:49

Jayave Jesús jei chupe reta: —¿Maera pa chereeka? ¿Mbaetɨ pa peikuaa ikavi ko ayapo vaerä cheRu iparavɨkɨ?

San Juan 10:29

CheRu omee ma cheve kuae vecha reta vae, imbaepuere tuicha yae opaete vae güi. Jare ngaraa kia ipuere opɨ̈ro cheRu güi.

San Juan 2:15

Jayave Jesús oyapo chikote jare omoë omombo tupao güi opaete omaemee vae reta, vecha reta jare güeye reta. Jare opa opɨyere korepoti ipoepɨa reta güi ireare jare omboyapara imesa reta.

San Juan 20:17

Jayave Jesús jei chupe: —Agüɨye chepɨɨ. Echa ndei ayeupi cheRu pɨri. Ërei ekua emombeu cherɨvɨ reta pe che jae körai: “Ajata ma cheRu pɨri, jae ko peRu vi. Jae ko cheTumpa, jae ko peTumpa vi.”

San Juan 5:17

Ërei Jesús jei chupe reta: —CheRu mbaetɨ ko opoi iparavɨkɨ güi, jare che vi aparavɨkɨ.

San Juan 8:49

Jesús jei: —Mbaetɨ ko aña oya cheré. Che amboete ko cheRu, ërei pe reta chemboeteä.

1 Timoteo 6:5

Jókuae reta oyoakaiño yarakuaambae reta ndive, mbaetɨ oikuaa añete vae. Oyemongeta Tumpa iparavɨkɨ rupi omongana yae vaerä. Agüɨye eñemoïru jókuae nunga reta ndive.

2 Pedro 2:3

Jare jae reta ikorepoti potarai güi pembotavɨta iporomboe rupi pekorepoti re. Ërei ɨma ma Tumpa ojäa reta. Jáeramo okañɨteita ma.