San Juan 19:28 - Biblia Guarani Tumpa Iñee

²⁸ Kuae jaɨkue rupi Jesús jei: —Cheɨuve. Körai oyembopo ma Tumpa Iñee pe oyekuatía oï vae. Echa Jesús oikuaa opaete iparavɨkɨ opa ma.

Nuevo Testamento Guaraní Pe

²⁸ Cuae jaɨcue rupi Jesús jei: —Ɨ ayúe. Corai oyeapo ma Tumpa iñee pe oyecuatía oi vae. Echa Jesús oicuaa opaete iparavɨquɨ opa ma.

San Juan 19:28 ပူးပေါင်းရင်းမြစ်များ

SALMOS 22:15

Cheyuru otini takɨpe rami, chekü oya cheäpeku re; ¡nde cheñono amano vaerä!

SALMOS 69:21

Cherembiurä oñono reta mbae iroasɨ vae, jare cheɨuve yave omee reta jau vinagre.

San Lucas 12:50

Che aiporara yaeta ko, jare yavai yaeta cheve opa oyeapo regua.

San Lucas 18:31

Jayave Jesús oenɨi jókuae doce jemimboe reta, jare jei chupe reta: “Mase, ko yaja Jerusalén kotɨ, jare opaete ñeemombeúa reta oikuatía che Kuimbaerä oyeapo vae regua vae, oyembopota ko cheré.

San Lucas 22:37

Echa che jae peve, oyeapotai ko cheve Tumpa Iñee pe oyekuatía oï cheré vae. Echa jei körai: “Oyepapa iyoa vae reta ndive.” Echa oyekuatía oï cheregua vae, oyembopota ko.

San Lucas 9:31

Mókoi reve oyekuaa jembipeasɨ yae vae pe, jare imiari reta Jesús omanota ko Jerusalén pe vae re.

San Juan 13:1

Ndei arete Pascua mbove. Jesús oikuaa ara oväe ma oeya vaerä kuae ɨvɨ ojo ye vaerä Tu oïa pe. Jare kërai oaɨu imbae vae reta ɨvɨ pe ñogüɨnoi vae, jare oaɨu yae iyapɨ regua.

San Juan 17:4

Che romboeteuka kuae ɨvɨ pe. Echa opa ma ayapo mbaravɨkɨ nde nemee ayapo vaerä vae.

San Juan 18:4

Jayave Jesús oë oövaiti, jare jei chupe reta: —¿Kia pa peeka? Echa jae oikuaa ma mbae oyeapota chupe vae.

San Juan 19:24

Jayave sundaro reta jei oyoupe: —Agüɨye yamondoro, yayembosuerte jese, yaikuaa vaerä kia ra güɨrajata vae. Körai oyeapo Tumpa Iñee pe oyekuatía oï vae oyembopo vaerä. Echa oyekuatía oï körai: “Omboyao reta oyoupe cheremimonde; jare cheremimonde re oyombosuerte reta.” Jökorai oyapo sundaro reta.

San Juan 19:30

Jare Jesús jou ma yave vinagre, jei: —¡Opa ma ayapo! Jayave iñäkatindɨ jare omano.

San Juan 19:36

Echa opaete kuae oyeapo Tumpa Iñee pe oyekuatía oï vae oyembopo vaerä. Echa oyekuatía oï körai: “Ngaraa ikägüe ave opë.”

San Juan 4:34

Jesús jei chupe reta: —Cherembíu jae ko, ayapo vaerä chembou vae jemimbota, jare opa vaerä iparavɨkɨ ayapo.

Hechos 13:29

Jare jae reta opa ma oyapo chupe opaete jese oyekuatía oï vae yave, ombogüeyɨuka reta kurusu güi, jare oñonouka tɨvɨa pe.