San Juan 18:37 - Biblia Guarani Tumpa Iñee

³⁷ Jayave Pilato jei chupe: —¿Jayave, nde pa ko jae mburuvicha guasu? Jesús jei chupe: —Rere ma ko nde etei che mburuvicha guasu vae. Kuaerä aa. Kuaerä ayu ɨvɨ pe. Ayu amombeu vaerä añete vae. Opaete añete vae güɨrovia vae reta oyeapɨsaka cheñee re.

Nuevo Testamento Guaraní Pe

³⁷ Jayave Pilato jei chupe: —¿Nde pa co jae metei mburuvicha guasu? —Nde rere ma che co jae metei mburuvicha guasu —jei Jesús—. Cuaera ayeapo cuimbaera. Cuaera ayu ɨvɨ pe. Ayu amombeu vaera añete vae. Opaete añete vae güɨrovia vae reta oyeapɨsaca cheñee re —jei.

San Juan 18:37 ပူးပေါင်းရင်းမြစ်များ

ISAÍAS 55:4

Mase, che ko añono imiari vaerä tëta reta pe, oiko vaerä mburuvicha guasurä jare tëtaguasu reta imboearä.

San Mateo 26:64

Jayave Jesús jei chupe: —Rere ma ko. Ërei jae yeta vi peve, che Kuimbaerä ayeapo vae chereechata ko aguapɨ aï Tumpa imbaepuere vae iyakatu kotɨ. Jare chereechata vi ayu amapɨtu re ara güi.

San Mateo 27:11

Jare Jesús oyemboɨ mburuvicha Pilato jóvai. Jayave jae oparandu chupe: —¿Nde pa ko jae judío reta juvicha guasu? Jesús jei chupe: —Jae ko che.

San Marcos 14:62

Jesús jei chupe: —Jae ko che. Jare che Kuimbaerä ayeapo vae chereechata ko aguapɨ aï Tumpa imbaepuere vae iyakatu kotɨ. Jare chereechata vi ayu amapɨtu re.

San Marcos 15:2

Jayave Pilato oparandu Jesús pe: —¿Nde pa ko jae judío reta juvicha guasu? Jesús jei chupe: —Jae ko che.

San Lucas 22:70

Jare opaete jae reta oparandu chupe: —¿Jayave nde pa ko jae Tumpa Taɨ? Jesús jei chupe reta: —Pere ma ko pe reta etei.

San Lucas 23:3

Jayave Pilato oparandu Jesús pe: —¿Nde pa ko jae judío reta juvicha guasu? Jesús jei chupe: —Rere ma ko.

San Juan 1:14

Jókuae Ñee oyeapo Kuimbaerä, jare ou oiko orepɨte rupi mbɨakatu ndive jare añetegüe rupi. Jare ore roecha iyemboetea, Tumpa Taɨ jae vaeño vae iyemboetea.

San Juan 1:17

Moisés rupi oñemee mborookuai. Ërei Jesucristo rupi ou, Tumpa ipɨakavi jare añete vae.

San Juan 14:6

Jesús jei chupe: —Che ko jae tape, añetete vae jare tekove. Mbaetɨ kia ipuere ojo cheRu oïa pe, jaeño cherupi.

San Juan 3:32

Jae omoërakua oecha jare oendu vae, ërei mbaetɨ kia güɨrovia jae omoërakua vae re.

San Juan 7:17

Oipotagüe ikɨ̈reɨ oyapo Tumpa jemimbota vae, oikuaata cheporomboe Tumpa iporomboe ra ko, ani cheyeugüi aeño ra chemiari vae.

San Juan 8:14

Jayave Jesús jei chupe reta: —Yepe tëi chemiari cheyé aeño, ërei chemiari vae añetete ko. Echa che aikuaa ko ketɨ güi ayu jare ketɨ aja vae. Ërei pe reta mbaetɨ peikuaa ketɨ güi ayu jare ketɨ aja vae.

San Juan 8:45

Ërei che añete vae re chemiari vae mbaetɨ chererovia.

San Juan 8:46

¿Kia pa pegüi reta ipuere jei cheve: “Ndeyoa ko”? Echa che chemiari peve añete vae re. ¿Maera pa mbaetɨ chererovia?

San Juan 8:47

Tumpa taɨ reta oyeapɨsaka jae iñee re. Pe reta Tumpa taɨä ko. Jáeramo peipotaä peyeapɨsaka jese.

1 Timoteo 6:13

Royókuai Tumpa omee tekove opaete mbaembae pe vae jóvai, jare Jesucristo omombeu kavi añete vae regua Poncio Pilato jóvai vae jee re,

1 Pedro 1:22

Perovia añete vae ramo pepɨa oyetɨo Espíritu Santo rupi, añetete peyoaɨu yae vaerä. Peyoaɨu opaete vae pepɨa jupi reve.

1 Juan 2:21

Mbaetɨ ko aikuatía peve añete vae mbaetɨ peikuaa ramo, aikuatía ko peve peikuaa ramo. Jare pe reta peikuaa ko añete vae güi ngaraa etei oë apu.

1 Juan 3:14

Yande yaikuaa yaasa ma ko mano güi tekove pe, jókuae yaikuaa yayoaɨu vae rupi. Mbaetɨ oaɨu ïru oporogüɨrovia vae, omano vɨteri ko oï.

1 Juan 3:19

Kuae re yaikuaa yande ko añete vae pegua, jare yandepuere ñaï pɨagüive jae jóvai.

1 Juan 4:6

Ërei yande ko jae Tumpa imbae reta. Kia oikuaa Tumpa vae, oyeapɨsaka yanderé. Ërei kia Tumpa imbaeä vae, mbaetɨ oyeapɨsaka yanderé. Körai yandepuere yaikuaa añete vae pegua espíritu ani tavɨ pegua.

1 Juan 5:20

Jaeramiño vi yaikuaa ko Tumpa Taɨ ou kuae ɨvɨ pe jare omee yandeve yaikuaa vaerä Tumpa añetete vae; jare ñaï ma añetete vae re, jae ko Jesucristo Tumpa Taɨ re. Jae ko kuae Tumpa añetete vae jare tekove opambae.

Apocalipsis 1:4

Che Juan aikuatía kuae tupapire chiu tëta reta Asia pegua pe peporogüɨrovia vae reta pe, Tumpa ipɨakavi jare ipɨakatu pemboresive, jae ko iyɨpɨ güive, añave jare outa vae, jare chiu espíritu vae, Tumpa iguapɨa jóvai oï vae

Apocalipsis 3:14

Eikuatía Laodicea pegua oporogüɨrovia vae reta iaraɨgua pe: Mase, ko Amén, jupi rupi imiari vae, añetete vae, opaete mbaembae Tumpa oyapo jae rupi vae, jei: