San Juan 18:28 - Biblia Guarani Tumpa Iñee

²⁸ Jayave güɨraja reta Jesús Caifás jëta güi mburuvicha oporojäa pe. Ndeimboveasɨ ko jare jae reta mbaetɨ oike mburuvicha oporojäa pe, agüɨye vaerä oyemongɨa, jare jökorai reve jou vecha kuimbae taɨrusu vae isoo Pascua pe.

Nuevo Testamento Guaraní Pe

²⁸ Jayave güɨraja reta Jesús Caifás jo güi pretorio jee vae pe. Neimbove asɨ vɨteri. Jae reta mbaeti oique pretorio japɨpe pe. Echa oique yave joco pe jocuae ara, iporomboe omombeu chupe reta oñemonguɨata tei co, jare ngaraa tei ipuere jou vecha isoo pascua pegua.

San Juan 18:28 ပူးပေါင်းရင်းမြစ်များ

SALMOS 35:16

Chemboete raanga, cheyóyai yóyai reta, omae reta cheré chemotareɨ yae reve.

PROVERBIOS 1:16

echa osɨi katu oyapo reta ikavimbae; yogüɨraja vaerä oporoyuka jarembae voi.

PROVERBIOS 4:16

Echa jae reta mbaetɨ ko oke oyapoä ñogüɨnoi ikavimbae yave; oyembojopeɨä reta mbaetɨ yave kia oitɨ reta.

EZEQUIEL 45:21

Yasɨ tenondegua, catorce araa pe peyapota arete Pascua, arete chiu ara vae, jókuae ara reta rupi oyeuta mbɨyape oyembovumbae.

MIQUEAS 2:1

¡Paravete, jókuae jupa pe ñogüɨnoi yave ave mbae pɨ̈chɨi re oyemongeta vae, jare köe yave oyapo reta, echa güɨnoi reta mbaepuere!

San Mateo 27:27

Jayave mburuvicha isundaro reta güɨraja Jesús mburuvicha oporojäa pe, jare omboatɨ jese opaete ïru sundaro reta.

San Marcos 15:16

Jayave mburuvicha isundaro reta güɨraja Jesús mburuvicha oporojäa pe, jare omboatɨ jese opaete ïru sundaro reta.

San Lucas 22:66

Jare köe ma yave, tëta guasu pegua reta itenondegua reta jare sacerdote reta itenondegua reta jare mborookuai re oporomboe vae reta oyomboatɨ. Jare güeru reta Jesús jókuae reta jóvai jare jei reta chupe:

San Juan 11:55

Jare köiño ma ou judío reta iarete Pascua, jare joko güi jeta judío reta yogüɨraja Jerusalén pe ndei Pascua mbove, oyetɨo reta vaerä Tumpa jóvai arete peguarä.

San Juan 18:13

Jayave güɨraja Jesús Anás pe räri jae ko Caifás jovaya, Caifás jae ko sacerdote tenondegua ete jókuae año.

San Juan 18:15

Simón Pedro jare ïru temimboe yogüɨraja Jesús jaɨkue. Jare kuae ïru temimboe oike sacerdote tenondegua joka pe Jesús oike yave. Echa sacerdote tenondegua oikuaa kuae temimboe.

San Juan 18:33

Jayave Pilato oike ye morojäa renda pe jare oenɨi Jesús jei chupe: —¿Nde pa ko jae judío reta Juvicha guasu?

San Juan 18:39

Ërei pe reta peyepokuaa ko oyeyora vaerä peve metei tembipɨɨ Pascua pe. ¿Peipota pa ayora vaerä peve kuae peruvicha guasu?

San Juan 19:11

Jesús jei chupe: —Ngaraa tëi mbaepuere renoi cheré, Tumpa omaeñoä nderé yave. Jáeramo chemee ndeve vae iyoa yae ma ko.

San Juan 19:14

Jare jókuae ara judío reta oyeapokatu ñogüɨnoi Pascua peguarä, jare ara mbɨte seri ma. Jayave Pilato jei judío reta pe: —Ko oï peruvicha guasu.

San Juan 19:9

Jayave oike ye morojäa renda pe jare oparandu Jesús pe: —¿Kia pegua pa nde? Ërei Jesús kïriiño chugüi.

Hechos 10:28

Jayave Pedro jei chupe reta: —Pe reta peikuaa kavi ko kërai pɨ̈chɨi yae ko metei judío oñemoïru vaerä ani oyea vaerä ketɨgua ndive. Ërei Tumpa oechauka cheve agüɨye vaerä jae kia pe ave ikɨa ko Tumpa jóvai vae.

Hechos 10:32

Emondo kuimbae reta Jope pe, güeru vaerä metei kuimbae Simón jee vae, oyeero Pedro pe vae. Jae oime oï Simón guakapi imopɨ̈taa jo pe, ɨguasu jembeɨ pe. Jae ou yave omombeuta ndeve mbae reyapo vaerä.”

Hechos 11:3

Jei reta: —¿Maera pa reike judiombae vae reta jo pe? ¿Maera pa rekaru jae reta ndive?

Hechos 3:13

Ñaneñemuñagüe reta Abraham, Isaac, Jacob iTumpa omboeteuka ma Taɨ Jesús. Kuae Jesús pe reta pemee, jare peröɨro Pilato jóvai; Pilato jei tëi oyorauka vaerä yave.

Hechos 4:27

Echa añetete ko, Herodes, Poncio Pilato, judiombae vae reta jare Israel pegua reta oyomboatɨ kuae tëta guasu pe ndeRaɨ iyoambae Jesús kotɨ. Jae ko nde reiparavo vae.

DEUTERONOMIO 16:2

Pascua iara pe pemee guaka jare vecha yandeYa Tumpa pe, jókuae jae oiparavo jee oïta pɨpea pe.