San Juan 16:33 - Biblia Guarani Tumpa Iñee

³³ Kuaekuae jae ma peve penoi vaerä mbɨakatu cheré. Kuae ɨvɨ pe peiko ramboeve, peiporarata ko. Ërei peyeko cheré, echa che amoamɨri tovaicho ɨvɨ pegua.

Nuevo Testamento Guaraní Pe

³³ Cuae che jae ma peve pepɨacatu vaera cheré perovia rambue. Cuae ɨvɨ pe peico rambueve, peiporarata co. Erei agüɨye pepɨatɨtɨ. Echa che chepuere yae ɨvɨ pegua reta güi —jei.

San Juan 16:33 ပူးပေါင်းရင်းမြစ်များ

SALMOS 68:18

Reyeupi ɨvate, reraja reve tembipɨɨ reta, remee mbota reta kuimbae reta pe, ipɨapochɨ vae reta pe ave, reiko vaerä jae reta ipɨte pe, cheYa Tumpa.

MIQUEAS 5:5

Jae oikota yandemombutuu vaerä, Asiriaɨgua reta yogüeru yave yandeɨvɨ pe, jare opɨ̈ro reta yave yanderuvicha guasu jo, jayave yamboyovaichota ikotɨ reta, chiu omaangareko vae reta, jare juri kuimbae tuichagüe tëta ruvicha.

San Mateo 9:2

Jare güeru reta chupe tupa pe metei kuimbae jete jëogüe vae. Jesús oecha jae reta iporogüɨrovia yave, jei jókuae kuimbae jete jëogüe vae pe: —Eñemoäta ngatu cheraɨ. Ndeyoa reta oyemboai ma.

San Lucas 19:38

jei reta reve: —¡Toyemboeteuka yandeRuvicha guasu yandeYa jee re ou vae! ¡Mbɨakatu toï ara pe! ¡Ara pegua reta tomboete Tumpa!

San Lucas 2:14

“¡Toyemboeteuka Tumpa ara pe, jare ɨvɨ pegua reta tipɨakatu, Tumpa ipɨakavi chupe vae reta!”

San Juan 12:31

Oväe ma ara oñejäa vaerä ɨvɨ pegua reta. Aña, kuae ɨvɨ juvicha oyemombo ma ko.

San Juan 14:1

Agüɨye peyembopɨajopa. Perovia Tumpa re, perovia vi cheré.

San Juan 14:27

Mbɨakatu aeya pe ndive. Mbɨakatu che anoi vae amee peve. Che ameeä peve ɨvɨ pegua reta omee rami. Agüɨye peyembopɨajopa, agüɨye vi pekɨɨye.

San Juan 16:11

Jare morojäa regua oikuaaukata, echa aña kuae ɨvɨ juvicha oñejäauka ma.

Hechos 14:22

Jare kuae tëta guasu reta rupi jae reta omoäta ngatu oporogüɨrovia vae reta, jare omboarakuaa jekuaeño vaerä güɨnoi reta mborogüɨrovia Tumpa kotɨ. Jare jei vi chupe reta: “Yaiporara ñotai ko jeta yaike vaerä Tumpa iporookuaía pe.”

Hechos 23:11

Jare pɨareve pe pɨ̈tu yave yandeYa oyekuaa Pablo pe jare jei chupe: “Eñemoäta ngatu, Pablo. Chemombeu Jerusalén pe rami, nemiarita vi cheregua Roma pe.”

Hechos 27:22

Ërei añave che jae peve peñemoäta ngatu vaerä. Echa ngaraa kia omano pepɨte pe. Jaeño barco okañɨteita.

Hechos 27:25

Jáeramo, kuimbae reta, peñemoäta ngatu. Echa che arovia Tumpa, jare jae jei cheve vae oyembopota ko.

Hechos 9:31

Jayave opaete Judea rupi, Galilea rupi jare Samaria rupi, oporogüɨrovia vae reta yogüɨreko pɨagüive jare oñemomɨ̈rata reta oipoɨu kavi reve yandeYa güi, jare Espíritu Santo iporomborɨ rupi jekuaeño jeta oñemoïru.

2 Corintios 1:3

Toyemboete Tumpa, yandeYa Jesucristo Tu. Jae ko yandeRu iporoparareko jare oporombopɨakatu vae,

2 Corintios 13:11

Yamboapɨ vaerä, cherɨvɨ reta, peyerovia, peyembojupi, peyombopɨakatu, peiko kavi metei rami, jare peiko päve mbɨakatu rupi; jare Tumpa ipɨakatu vae jare iporoaɨu vae oikota pe ndive.

2 Corintios 2:14

Yasoropai Tumpa pe, echa jae jekuaeño oremborɨ roporomoamɨri vaerä Cristo Jesús rupi, jare omee oreve ñee ikavi vae roikuaauka vaerä opaete kerupi, mbae ikäti kavi vae otimbo kavi opaete rupi rami.

2 Corintios 4:7

Jare oime rogüɨnoi mbae ikavi yae vae orerete pe, yepe tëi orerete ñaeu ramiño, oyekuaa vaerä kuae mbaepuere tuicha yae vae oime rogüɨnoi vae Tumpa imbaepuere ko, orembaeä ko.

2 Corintios 6:4

Jekuaeño roechauka ïru vae reta pe Tumpa jembiokuai ko ore vae. Mbɨaguasu rupi, tembiporara reta, mbaravete, mbɨatɨtɨ,

2 Corintios 7:4

Chemiari kavi ko peve aipoɨumbae reve; ayemboete yae peré. Chepɨakatu yae jare ayerovia yae aï, opaete yaiporara yae vae ipɨte pe.

Gálatas 1:4

YandeYa Jesucristo oñemee omano vaerä yandeyoa reta re, yandeyora vaerä teko ikavimbae vae ɨvɨ pegua güi. Echa kuae ko jae yandeRu Tumpa jemimbota.

Gálatas 6:14

Ërei yandeYa Jesucristo ikurusu reño ayemboeteta. Jesucristo re arovia ramo, chevegua ɨvɨ pegua teko omano, jare chupegua che amano vi.

Filipenses 4:7

Jare Tumpa omeeta peve ipɨakatu yandepuereä etei yaikuaa vae; jókuae mbɨakatu oñovatuta pepɨa jare peyemongeta Cristo Jesús re.

Colosenses 1:20

jare ombopɨakatu jae ndive Cristo rupi opaete mbaembae, ɨvɨ pe jare ara pe ñogüɨnoi vae reta, oyapo mbɨakatu kurusu re jugüɨ oyepɨyere vae rupi.

1 Tesalonicenses 3:4

Ore roiko pe ndive yave, romombeu voi ko peve roiporarata vae, jare jökorai oasa, pe peikuaa rami.

1 Tesalonicenses 3:7

Jáeramo, cherɨvɨ reta, roiporara jare orepɨatɨtɨ pɨte pe, orepɨakatu peporogüɨrovia re.

2 Tesalonicenses 3:16

Jare yandeYa oporombopɨakatu vae temee avei peve mbɨakatu. YandeYa toï opaete pe ndive.

2 Timoteo 3:12

Jare opaete Cristo Jesús re oipota oiko jupi rupi vae oiporara yaeta ko;

Hebreos 11:25

oiparavo oiporara vaerä Tumpa imbae vae reta ndive, oyerovia vaerägüe yerovia mbaeyoa pegua pe michi pegua,

Hebreos 7:2

Jayave Abraham omee Melquisedec pe payandepo güi metei opaete güɨnoi vae güi. Tee Melquisedec oipota jei: “Mburuvicha guasu jupi vae”. Kuae Melquisedec ko jae Salem pegua mburuvicha guasu, jare kuae oipota jei: “Mburuvicha guasu mbɨakatu pegua.”

1 Pedro 5:9

Ërei peñemomɨ̈rata chupe peporogüɨrovia pe, peikuaa ko kërai opaete ɨvɨ rupi ïru oporogüɨrovia vae reta oiporara vi ñogüɨnoi pe rami.

1 Juan 2:13

Tenondegua reta, aikuatía körai peve, echa peikuaa oimeño mai oiko ndei ɨvɨ oyeapo mbove vae. Taɨrusu reta, aikuatía körai peve pemoamɨri aña guasu ramo. Cheraɨ aaɨu vae reta, aikuatía körai peve, peikuaa yandeRu ramo.

1 Juan 4:4

Cheraɨ aaɨu vae reta, pe reta ko jae Tumpa imbae reta, jare pemoamɨri ma añetembae re oporomboe vae reta. Echa oï peré vae tuichagüe yae ko jókuae kuae ɨvɨ pe oï vae güi.

1 Juan 5:4

Tekove Tumpa güi güɨnoi vae omoamɨri ɨvɨ pegua teko. Yandeporogüɨrovia rupi ko ñamoamɨri ɨvɨ pegua teko.

Apocalipsis 12:11

Jare yanderɨvɨ reta omoamɨri Satanás Vecha kuimbae taɨrusu vae jugüɨ rupi jare Tumpa iñee omoërakua reta vae rupi, ërei jae reta mbaetɨ güɨrokɨɨye jekove, mbaetɨ etei okɨɨye reta omano regua.

Apocalipsis 3:21

Oporomoamɨri vae pe ameeta oguapɨ vaerä che ndive cheguapɨa pe, che aporomoamɨri jare aguapɨ cheRu ndive iguapɨa pe rami.

Apocalipsis 7:14

Jare che jae chupe: “Cheru, nde ko reikuaa.” Jayave jae jei cheve: “Kuae reta ko jae yogüeru tembiporara guasu güi vae. Oputuka jemimonde jare omotïi Vecha kuimbae taɨrusu vae jugüɨ pe vae.

JUECES 3:2

Jare oikatu vaerä oñeraro Israel iñemuña reta, mbaetɨ etei oikuaa kërai ko ñeraro vae.