San Juan 16:28 - Biblia Guarani Tumpa Iñee

²⁸ Ayu ko cheRu güi kuae ɨvɨ pe. Aja yeta ko kuae ɨvɨ güi cheRu oïa pe.

Nuevo Testamento Guaraní Pe

²⁸ Ayu co cheRu güi cuae ɨvɨ pe. Aja yeta ma cuae ɨvɨ güi cheRu pɨri —jei chupe reta.

San Juan 16:28 ပူးပေါင်းရင်းမြစ်များ

San Lucas 24:51

Jare jei ñee kavi ikotɨ reta ramboeve, oeya jare oyereraja chugüi reta ara kotɨ.

San Lucas 9:51

Jare oväeta ma Jesús ojo ye vaerä ara pe yave, oñeñono okɨɨyembae reve ojo vaerä Jerusalén pe.

San Juan 13:1

Ndei arete Pascua mbove. Jesús oikuaa ara oväe ma oeya vaerä kuae ɨvɨ ojo ye vaerä Tu oïa pe. Jare kërai oaɨu imbae vae reta ɨvɨ pe ñogüɨnoi vae, jare oaɨu yae iyapɨ regua.

San Juan 14:28

Peendu ma kërai che jae: “Ajata jare ayu yeta pépɨri.” Cheraɨu yave mona, peyeroviata tëi ko. Echa ajata cheRu oïa pe, jare cheRu imbaepuere tuicha yae chembaepuere güi.

San Juan 16:10

Mbaejupi vae regua, echa ajata cheRu oïa pe jare pe reta ngaraa ye ma chereecha.

San Juan 16:16

Michi peguaño ma pe reta chereechata. Ërei ɨmambae chereecha yeta. Echa ajata cheRu oïa pe.

San Juan 16:30

Añave roikuaa nde reikuaa ko opaete mbaembae vae, jare mbaetɨ reeka kia oparandu vaerä ndeve mbae re. Kuae jeko pegua rogüɨrovia nde reyu ko Tumpa güi vae.

San Juan 16:5

Ërei ajata chembou vae pɨri. Jare metei ave mbaetɨ peparandu cheve ketɨ ra ajata vae.

San Juan 17:11

Jare mbaetɨta ma aï kuae ɨvɨ pe. Ërei jae reta opɨtañota kuae ɨvɨ pe. Che ajata ma ndépɨri. CheRu Tumpa iyoambae, kuae remee cheve vae reta, eñovatu nderee re; yogüɨreko vaerä metei ramiño, yande metei ramiño yaiko rami.

San Juan 17:13

Ërei ajata ma ndépɨri. Körai chemiari chupe reta ɨvɨ pe aiko ramboeve, jae reta oyerovia yae vaerä che ayerovia rami.

San Juan 17:5

Ndei ɨvɨ oyeapo mbove aiko nde ndive yave ayemboeteuka ko. Jökorai añave chemboeteuka ye ndeɨpɨ pe.

San Juan 8:14

Jayave Jesús jei chupe reta: —Yepe tëi chemiari cheyé aeño, ërei chemiari vae añetete ko. Echa che aikuaa ko ketɨ güi ayu jare ketɨ aja vae. Ërei pe reta mbaetɨ peikuaa ketɨ güi ayu jare ketɨ aja vae.

San Juan 8:42

Jayave Jesús jei chupe reta: —Tumpa ko jae peRu yave mona, pe reta cheraɨuta tëi ko. Echa che Tumpa güi ko ayu. Mbaetɨ ko ayu cheyeugüi aeño, jae ko chembou.