San Juan 16:21 - Biblia Guarani Tumpa Iñee

²¹ Metei kuña imembɨ oata oï yave, oiporara yae jasɨ chupe ramo, echa oväe iora. Ërei imembɨ oa ma yave, mbaetɨ ma imaendúa oiporara yae vae re. Echa oyerovia imembɨ oa vae re.

Nuevo Testamento Guaraní Pe

²¹ Metei cuña imembɨ oata ma oi yave, cuña ipɨatɨtɨ jasɨ chupe rambue. Erei imembɨ oa ma yave, mbaeti ma imaendúa jasɨ chupe vae re. Echa oyerovia imembɨ oa ma rambue —jei—.

San Juan 16:21 ပူးပေါင်းရင်းမြစ်များ

GÉNESIS 3:16

Kuña pe jei: —Ndepurúa yave ambojetata ndeve mbae jasɨ; membɨrasɨ reiporarata reiko; ndepɨa jemimbota neme jeia re oikota, jare jae ipo igüɨ pe reikota.

JOB 11:16

Jare neakañɨta reiporaragüe güi, neakañɨta chugüi ɨ oasagüe güi rami.

SALMOS 113:9

Jae omee kuña imembɨmbae pe, imembɨ vaerä, jare oyekou vaerä imembɨ reta re. ¡Aleluya!

ISAÍAS 13:8

okɨɨye yaeta vae, ipɨatɨtɨ yaeta jare mbae jasɨ yae vae ombokepeguata kuña imembɨrasɨ vae rami. Omae oyoe yave, ipɨakañɨta oyoe, echa jova iyu yaeta oyekuaa.

ISAÍAS 21:3

Jáeramo, cherete orɨrɨi akɨɨye güi, ayandu chepɨa pe jasɨ, kuña imembɨrasɨ oï vae oiporara rami, jókuae mbaetɨ omaeño aendu, kɨɨye mbaetɨ omaeño aecha.

ISAÍAS 66:7

Ndei imembɨ iara oa vaerä tëi mbove, oa ma, ndei imembɨrasɨ mbove, oa imembɨ kunumi.

MIQUEAS 4:10

Sión pegua reta, mbae tijasɨ peve jare peräse kuña imembɨrasɨ vae rami; echa añave opata peë jare peikota kaa rupi, peväe regua Babilonia pe, joko pe peyeyorauka yeta; joko pe yandeYa pepɨ̈rota perovaicho reta güi.

MIQUEAS 4:9

Añave ¿maera pa neräse mbatee kuña imembɨrasɨ vae rami? ¿Mbaetɨ pa nderuvicha guasu? ¿Ndemboarakuaa vae reta opa pa omano?

Gálatas 4:27

Echa Tumpa Iñee oyekuatía oï körai: “Imembɨmbae vae, eyerovia, nde mbaetɨi nemembɨ vae; esapúkai, eyerovia güi, nde mbaetɨ membɨrasɨ reiporara vae; echa kuña oyeeyagüe, jeta yaeta ko imembɨ, kuña ime ndive oï vae güi.”

1 Tesalonicenses 5:3

ɨvɨ pegua reta jei yave: “Mbɨakatu jare pɨagüive.” Jayave iparanoe outa chupe reta kañɨtei, jare oiporarata kuña imembɨrasɨ vae rami, jare ngaraa oasayepe reta.