San Juan 14:28 - Biblia Guarani Tumpa Iñee

²⁸ Peendu ma kërai che jae: “Ajata jare ayu yeta pépɨri.” Cheraɨu yave mona, peyeroviata tëi ko. Echa ajata cheRu oïa pe, jare cheRu imbaepuere tuicha yae chembaepuere güi.

Nuevo Testamento Guaraní Pe

²⁸ Peendu ma quirai che jae: “Ajata ma jare ayu yeta peve”. Cheraɨu yave mona, peyeroviata tei. Echa ajata cheRu pɨri, jare cheRu imbaepuere tuicha yae chembaepuere güi —jei—.

San Juan 14:28 ပူးပေါင်းရင်းမြစ်များ

SALMOS 68:18

Reyeupi ɨvate, reraja reve tembipɨɨ reta, remee mbota reta kuimbae reta pe, ipɨapochɨ vae reta pe ave, reiko vaerä jae reta ipɨte pe, cheYa Tumpa.

SALMOS 68:9

CheRu Tumpa, nde ko rembou jeta okɨ vaerä, ndeɨvɨ otini yae vae rembogüera katu ye.

ISAÍAS 42:1

“Mase, ko oï cherembiokuai, che ayangarekota jese vae; cherembiparavo, chepɨa oyerovia jese vae; jese añono cheEspíritu; jae güeruta jupi vae opaete tëtaguasu reta peguarä.

ISAÍAS 53:11

Oechata oiporaragüe jekovia, jare ipɨakatuta opɨta; cherembiokuai jupi vae iyarakuaa katu rupi ombojupita jeta vae, güɨrajata jae reta iyoa.

San Mateo 12:18

“Mase, ko oï cherembiokuai, cherembiparavo. Cherembiaɨu. Chemboyerovia yae vae. Ameeta chupe cheEspíritu, jare jae omoërakuata jupigüe vae judiombae vae reta pe.

San Juan 10:38

Ërei ayapo ko cheRu iparavɨkɨ yave, yepe tëi mbaetɨ chererovia, ërei perovia ayapogüe reta re, peikuaa vaerä cheRu oï ko che ndive jare che aï ko jae ndive.

San Juan 13:16

Añetete che jae peve, metei tembiokuai mbaetɨi ko ma yae iya güi. Ani temimondo mbaetɨi vi tuichagüe yae imondoa güi.

San Juan 14:12

Añetete che jae peve, cheré güɨrovia vae oyapota vi mbaravɨkɨ reta ayapo vae. Jare ma yae oyapota, echa che ajata cheRu oïa pe.

San Juan 14:18

Che ngaraa poeya tɨ̈reɨ. Ayu yeta ko pépɨri.

San Juan 16:7

Ërei amombeu peve añete vae. Ikavita ko peve che aja vaerä. Echa che mbaetɨ aja yave, ngaraa ou peve Oporombopɨakatuta vae. Ërei aja yave, ambouta peve.

San Juan 20:17

Jayave Jesús jei chupe: —Agüɨye chepɨɨ. Echa ndei ayeupi cheRu pɨri. Ërei ekua emombeu cherɨvɨ reta pe che jae körai: “Ajata ma cheRu pɨri, jae ko peRu vi. Jae ko cheTumpa, jae ko peTumpa vi.”

San Juan 20:21

Jayave Jesús jei ye chupe reta: —Mbɨakatu toï pe ndive. CheRu chembou rami, che pomondo vi.

San Juan 5:18

Kuae jeko pegua judío reta jeiete oipota oyuka Jesús. Echa jae omboeteä ara mbutuu jare jei vi Tumpa etei ko jae Tu vae, jókuae rupi oyemboyovake Tumpa ndive.

San Juan 7:33

Jayave Jesús jei: —Aïta pe reta ndive michi peguaño ma. Jare ajata chembou vae pɨri.

1 Corintios 11:3

Ërei aipota peikuaa kavi Cristo ko jae kuimbae iñäka, jare kuimbae jae ko kuña iñäka jare Tumpa jae ko Cristo iñäka.

1 Pedro 1:8

Yepe tëi mbaetɨ peecha Jesucristo, ërei peaɨu. Yepe tëi añave mbaetɨ peecha, ërei perovia jese, jare penoi yerovia tuichagüe yaupitɨ rapembae ñanemiari jese vae,

Apocalipsis 1:11

jare jei: “Che ko jae Alfa jare Omega, tenondegua ete jare taɨkuegua ete. Eikuatía metei tupapire pe nde reecha reï vae, javoi emondo chiu tëta reta Asia pegua pe oporogüɨrovia vae reta pe, jae ko: Efeso, Esmirna, Pérgamo, Tiatira, Sardis, Filadelfia jare Laodicea pe.”