San Juan 14:17 - Biblia Guarani Tumpa Iñee

¹⁷ Jae ko Espíritu añetete pegua. Oporogüɨroviambae vae reta ngaraa ipuere omboresive. Echa mbaetɨ oecha ani oikuaa. Ërei pe reta peikuaa. Echa jae oime oï pe ndive jare oikota pepɨa pe.

Nuevo Testamento Guaraní Pe

¹⁷ Jae imiarita añete vae re. Oporogüɨrovia mbae vae reta ngaraa ipuere omboresive Espíritu Santo. Echa oporogüɨrovia mbae vae reta mbaeti oecha jare mbaeti oicuaa. Erei pe reta peicuaa. Echa jae oico pe reta ndive jare oicota pepɨa pe —jei—.

San Juan 14:17 ပူးပေါင်းရင်းမြစ်များ

PROVERBIOS 14:10

Yande aeño yaikuaa yandeyegua, yandepɨatɨtɨ yave ani yayerovia yave.

ISAÍAS 57:15

Echa Tuicha yae ete vae, oikoño mai vae, jae ko jee iYoambae, jae jei: “Che aiko ɨvate jare oñeñono teea pe, ërei aiko vi oiporara jare ipɨatɨtɨ vae reta ndive, amee chupe tekove, jäta ngatu vaerä.

ISAÍAS 59:21

YandeYa jei: “Kuae jae cheporogüɨrökuavee päve ayapo pe reta ndive vae, chembaepuere jare cheporomboe ngaraa oata peve jare peñemuña reta pe.” Jei yandeYa jekuae avei pegua.

EZEQUIEL 36:27

Añonota peɨvɨte pe cheespíritu, jare poapota peiko vaerä cheporookuai rupi; peñovatuta jare peyapota.

San Mateo 10:20

Echa peRu iEspíritu pemborɨta pemiari vaerä, mbaetɨ ko pe aeño pemiari.

San Juan 14:16

Jare che ayerureta cheRu pe jae ombou vaerä peve ïru Oporombopɨakatu vae. Oiko avei vaerä pe ndive.

San Juan 14:23

Jesús jei chupe: —Cheraɨu vae oyapota che jae vae. Jare cheRu oaɨuta. Jare royuta roiko vaerä jae ndive.

San Juan 15:26

Ërei ambou ma peve cheRu güi Oporombopɨakatuta vae jae ko Espíritu añete pegua, cheRu güi ou vae yave, jae imiarita peve cheregua.

San Juan 16:13

Ërei Espíritu añetete pegua ou ma yave, oikuaauka kavita peve añete vae. Echa ngaraa imiari iyeugüi aeño, imiarita opaete oendugüe re jare oikuaaukata peve opaete mbaembae outa vae re.

San Juan 6:40

Jare kuae ko jae chembou vae jemimbota: Opaete omae cheré jare güɨrovia cheré vae, güɨnoi vaerä tekove opambae vae; jare che amoingove yeta ara taɨkuegua pe.

1 Corintios 14:15

¿Kërai pa jayave? Tayerure espíritu rupi jare tayerure vi aikuaa reve kavi. Jaeramiño vi tatairari espíritu rupi jare tatairari vi aikuaa reve kavi.

1 Corintios 2:14

Ërei oporogüɨroviambae mbaetɨ oikuaa mbaembae Tumpa iEspíritu regua, echa mbokere ko chupeguarä. Ipuereä oikuaa. Echa jaeño Espíritu Santo rupi ipuere oikuaa.

1 Corintios 3:16

¿Mbaetɨ pa peikuaa pe reta ko jae Tumpa jo jare Tumpa iEspíritu oiko pepɨa pe vae?

1 Corintios 6:19

¿Mbaetɨ pa peikuaa perete ko jae Espíritu Santo jo? Echa Tumpa ombou peve Espíritu Santo, jare jae oiko pepɨa pe. Jáeramo perete pembaeä ma ko.

2 Corintios 13:5

Jekuaeño pemae kavi peyé peikuaa vaerä añetete ra oporogüɨrovia vae. ¿Mbaetɨ pa peikuaa Jesucristo oiko pepɨa pe vae?, ani ¿mbaetɨ ra?

2 Corintios 6:16

¿Tumpa jo oñemoïruta pa tumpa-raanga reta ndive? Echa pe reta ko jae Tumpa oikove vae jo. Tumpa jei rami: “Aikota jare aguatata ipɨte reta rupi. Aikota jae reta iTumparä jare jae reta yogüɨrekota chembaerä.”

Gálatas 4:6

Jare taɨ reta ma yaiko ramo, Tumpa ombou yandepɨa pe Taɨ iEspíritu. Jae jei: “CheRu, cheRu.”

Efesios 2:22

Cristo rupi pe reta vi peyeapo metei rami, peiko vaerä Tumpa oikoarä, Espíritu rupi.

Efesios 3:17

Cristo toiko pepɨa pe peporogüɨrovia rupi, jökorai tätagüe jare pepɨ̈rata vaerä mboroaɨu pe,

Colosenses 1:27

Echa Tumpa ikɨ̈reɨ oikuaauka chupe reta kërai kuae yaikuaambae vae iyemboetea tuicha yae judiombae vae reta peguarä vae; jae ko Cristo oiko pepɨa pe vae, jese peäro mbaemboetea vae.

2 Timoteo 1:14

Eñovatu ñee añete vae oñemee ndeve Espíritu Santo oiko yandepɨa pe vae rupi.

1 Juan 2:27

Ërei Tumpa omee ma peve Espíritu Santo vae oiko pepɨa pe. Jáeramo mbaetɨ ma kia ipuere pemboe ye vaerä, echa Espíritu Santo etei pemboe opaete mbaembae re, jare añetete ko, mbaetɨ apu; jae pemboe rami peiko avei Jesucristo re.

1 Juan 3:24

Jare Tumpa iporookuai reta oyapo vae oiko avei ko Tumpa re, jare Tumpa jese. Jare kuae re yaikuaa Tumpa oiko ko yanderé vae: Jae ko Espíritu Santo omee vae rupi.

1 Juan 4:4

Cheraɨ aaɨu vae reta, pe reta ko jae Tumpa imbae reta, jare pemoamɨri ma añetembae re oporomboe vae reta. Echa oï peré vae tuichagüe yae ko jókuae kuae ɨvɨ pe oï vae güi.

1 Juan 4:6

Ërei yande ko jae Tumpa imbae reta. Kia oikuaa Tumpa vae, oyeapɨsaka yanderé. Ërei kia Tumpa imbaeä vae, mbaetɨ oyeapɨsaka yanderé. Körai yandepuere yaikuaa añete vae pegua espíritu ani tavɨ pegua.

1 Juan 5:7

Oime ko mboapɨ ara pe omombeu kuae regua vae, jae ko: YandeRu, Ñee jare Espíritu Santo. Kuae mboapɨ reta meteiño ko.

Apocalipsis 2:17

Oipota oyeapɨsaka vae, toyeapɨsaka Espíritu Santo jei oporogüɨrovia vae reta pe vae re. Oporomoamɨri vae pe ameeta jou vaerä jókuae maná oñeomi oï vae, jare ameeta vi chupe metei ita raɨ tïi vae. Jókuae ita re oime metei tee ipɨau vae oyekuatía oï, jókuae tee mbaetɨ etei kia oikuaa, jaeño omboresive vae.’