San Juan 12:50 - Biblia Guarani Tumpa Iñee

⁵⁰ Jare aikuaa cheRu cheokuai vae tekove opambae vae pegua ko. Jáeramo che jae peve vae cheRu cheokuai vae ko.”

Nuevo Testamento Guaraní Pe

⁵⁰ Jare aicuaa cheRu cheócuai vae tecove opa mbae vae pegua co. Jae rambue che jae peve cheRu jei cheve vae —jei.

San Juan 12:50 ပူးပေါင်းရင်းမြစ်များ

San Juan 17:3

Jare tekove opambae vae jae ko: Ndekuaa reta vaerä nde ko jae meteiño Tumpa añetete vae, jare che Jesucristo nde rembou vae.

San Juan 20:31

Ërei kuae oyekuatía ko, perovia vaerä Jesús ko jae Cristo, Tumpa Taɨ, jare penoi vaerä tekove jese perovia yave.

San Juan 5:19

Jayave Jesús jei chupe reta: “Añetete che jae peve, Tumpa Taɨ mbaetɨ iyeugüi aeño oyapo mbae. Oyapo ko jókuae oecha Tu oyapo oï vaeño. Echa opaete Tu oyapo vae Taɨ oyapo vi.

San Juan 6:63

Jaeño ko Espíritu omee tekove. Yanderete ipuereä omee yandeve kuae nunga tekove. Kuae amombeu peve vae Tumpa iEspíritu pegua ko jare tekove omee vae ko.

San Juan 6:68

Jare Simón Pedro jei chupe: —OreYa, ¿kia re pa rojota royemboya? Ndeño ko renoi ñee tekove opambae vae pegua.

San Juan 8:28

Jesús jei chupe reta: —Che Kuimbaerä ayeapo vae pe reta chereupi ma kurusu re yave, chekuaata CHE KO vae. Jare mbaetɨ mbae ayapo cheyeugüi aeño vae, jaeño cheRu chemboe vae rupiño chemiari.

DEUTERONOMIO 18:18

Cheñeemombeúa amopüata chupe reta, jëtara reta ipɨte güi oëta metei nde rami vae; che ameeta iñeerä jare imiarita chupe reta opaete che ayókuai rami.

1 Timoteo 1:16

Ërei kuae jeko pegua yandeYa cheparareko, oechauka vaerä cherupi opaete ipɨakavi, jökorai che ayu apɨta güɨroviata jese vae reta pe, tekove opambae vae güɨnoi vaerä vae reta pe.

1 Juan 2:25

Jare Jesucristo güɨrökuavee yandeve vae ko jae tekove opambae.

1 Juan 5:20

Jaeramiño vi yaikuaa ko Tumpa Taɨ ou kuae ɨvɨ pe jare omee yandeve yaikuaa vaerä Tumpa añetete vae; jare ñaï ma añetete vae re, jae ko Jesucristo Tumpa Taɨ re. Jae ko kuae Tumpa añetete vae jare tekove opambae.