San Juan 12:25 - Biblia Guarani Tumpa Iñee

²⁵ Oaɨu jekove vae, okañɨteita ko. Ërei mbaetɨ oaɨu jekove kuae ɨvɨ pe vae, oñovatu ko tekove opambae vae peguarä.

Nuevo Testamento Guaraní Pe

²⁵ Oyeaɨu vae ngaraa oñemboasauca. Erei mbaeti oyeaɨu cuae ɨvɨ pe vae oñemboasaucata co. Güɨnoita tecove opa mbae vae —jei—.

San Juan 12:25 ပူးပေါင်းရင်းမြစ်များ

ECLESIASTÉS 2:17

Jáeramo, aröɨro tekove, echa opaete kuae ɨvɨ pe oyeapo vae ikaviä etei cheve. Echa opaete kuae reta mbaeä etei ko, ¡yayemoambekoiño ma ko jese!

San Mateo 10:39

Jekoveño oaɨu vae, okañɨteita ko. Ërei omee jekove chereko pegua vae, oikoveta ko.

San Mateo 16:25

Echa opaete oipota oepɨ jekove vae, okañɨteita ko. Ërei opaete omee jekove chereko pegua vae, oikoveta ko.

San Mateo 19:29

Jare oime yave kia oeya jo reta, ani tɨkeɨ reta, ani tɨvɨ reta, ani jeindɨ reta, tɨke ani ipɨkɨɨ ani ikɨvɨ, ani tu, ani ichɨ, ani jembireko, ani imichia reta, ani iɨvɨ reta yepe chereko pegua vae, jeta yaeta jekovia chupe, jare güɨnoita imbaerä tekove opa mbae vae.

San Marcos 8:35

Echa opaete oipota oepɨ jekove vae, okañɨteita ko. Ërei opaete omee jekove chereko pegua jare Tumpa iñee ikavi vae jeko pegua vae, güɨroasayepeta.

San Lucas 14:26

“Oime yave kia oipota ojo cherupíe vae, ërei ombotenonde yave tu, ichɨ, jembireko, imichia reta, tɨkeɨ jare tɨvɨ, jeindɨ jare jae etei oyembotenonde yave, ngaraa ipuere oiko cheremimboerä.

San Lucas 17:33

Echa opaete oipota oñovatu jekove vae, okañɨteita ko. Ërei jókuae omee jekove chereko pegua vae güɨroasayepeta.

Hechos 20:24

Ërei mbaetɨ akɨɨye. Mbaetɨ aɨu cherekoveño. Jaeño aipota amboapɨ kavi ayerovia reve mbaravɨkɨ yandeYa Jesús omee cheve vae. Echa jae cheokuai chemiari vaerä ñee kavi Tumpa ipɨakavi regua.

Hechos 21:13

Ërei Pablo jei: —¿Maera pa peyaeo jare chembopɨatɨtɨ? Echa mbaetɨ ko añeñono ayepokua vaeräño Jerusalén pe. Aï ko amano vaerä etei yandeYa Jesús jee re.

Hebreos 11:35

Amogüe kuña reta omboresive ye omano chugüigüe oikove ye vae. Ërei ïru vae reta omano oiporara yae reve, oñemaeño reve oikove ye vaerä kuri ikavi yae vae peguarä.

Apocalipsis 12:11

Jare yanderɨvɨ reta omoamɨri Satanás Vecha kuimbae taɨrusu vae jugüɨ rupi jare Tumpa iñee omoërakua reta vae rupi, ërei jae reta mbaetɨ güɨrokɨɨye jekove, mbaetɨ etei okɨɨye reta omano regua.