San Juan 11:47 - Biblia Guarani Tumpa Iñee

⁴⁷ Jayave sacerdote reta itenondegua reta jare fariseo reta omboatɨ opaete mburuvicha reta, jare jei reta: —¿Mbae pa yayapota? Kuae kuimbae jekuae ñoi oyapo jeta mɨakañɨ reta.

Nuevo Testamento Guaraní Pe

⁴⁷ Jayave sacerdote reta itenondegua reta jare fariseo reta omboatɨ opaete mburuvicha reta. —¿Mbae pa yayapota? —jei reta—. Cuae cuimbae jecuaeño oyapo jeta mɨacañɨ reta.

San Juan 11:47 ပူးပေါင်းရင်းမြစ်များ

San Mateo 26:3

Jayave sacerdote reta itenondegua reta jare mborookuai re oporomboe vae reta jare tëta guasu pegua reta itenondegua reta oyomboatɨ sacerdote tenondegua ete Caifás joka pe.

San Mateo 5:22

Ërei che jae peve, oime yave kia pochɨ japicha pe vae, oñejäaukata ko. Jare oime yave kia jei japicha pe ‘osirivembae’, oñejäaukata judío reta iporojäa renda pe. Jare oime yave kia jei japicha pe ‘yaɨmba’, tata guasu pe oiporarata.

San Marcos 14:1

Mókoi araño ma oata arete Pascua oyeapo vaerä. Jókuae arete pe judío reta jou mbɨyape oyembovumbae. Jare sacerdote reta itenondegua reta jare mborookuai re oporomboe vae reta oeka kërai oipɨɨ vaerä yembotavɨ rupi Jesús, oyukauka vaerä.

San Lucas 22:2

Jayave sacerdote reta itenondegua reta jare mborookuai re oporomboe vae reta oeka kërai oyuka vaerä Jesús. Ërei okɨɨye opaete vae reta güi.

San Juan 11:57

Echa sacerdote reta itenondegua reta jare fariseo reta oyókuai ma opaete vae, oime yave kia oikuaa kia pe Jesús oï vae, omombeu vaerä, oipɨɨ reta vaerä.

San Juan 12:19

Jayave fariseo reta jei oyoupe: —Mase, mbaetɨ mbae yandepuere yayapo. Echa opaete vae yogüɨraja jupíe.

San Juan 2:11

Jesús kuae oyapo Caná, Galilea pegua pe. Körai jae omboɨpɨ oechauka iyemboetea. Jare jemimboe reta güɨrovia jese.

San Juan 6:2

Jare jeta vae yogüɨraja jaɨkue, echa oecha reta mɨakañɨ oyapo ombogüera imbaerasɨ vae reta yave.

San Juan 7:32

Jare fariseo reta oendu jeta vae reta imiari ñogüɨnoi Jesús re. Jayave sacerdote reta itenondegua reta jare fariseo reta ombou jembiokuai reta oipɨɨ vaerä Jesús.

San Juan 7:45

Jayave sacerdote reta itenondegua reta jare fariseo reta jembiokuai reta yogüeru ye jökoraiño chupe reta. Jayave oparandu reta: —¿Maera pa perúä?

Hechos 5:21

Kuae oendu güire, Pedro jare Juan oike tupao pe ndeimboveasɨ jare oporomboe reta. Jökorai ramboeve, sacerdote tenondegua ete jare jae ndive ñogüɨnoi vae reta oenɨi opaete mburuvicha judío reta jare Israel iñemuña itenondegua reta. Jare omondo reta güeruruka vaerä tembipɨɨrɨru güi temimondo reta.

Hechos 5:24

Kuae oendu yave, sacerdote tenondegua ete, tupao järoa reta juvicha jare sacerdote reta itenondegua reta ipɨakañɨ, jare mbaetɨ oikuaa reta mbae ra oasata.