San Juan 1:45 - Biblia Guarani Tumpa Iñee

⁴⁵ Jayave Felipe oväe Natanael jare jei chupe: —Roväe jókuae Moisés oikuatía jesegua mborookuai pe vae. Jare ñeemombeúa reta. Jae ko Jesús, José Nazaret pegua taɨ.

Nuevo Testamento Guaraní Pe

⁴⁵ Jayave Felipe ojo ovae Natanael jare jei chupe: —Rovae ma Moisés mboroócuai pe imiari jese vae. Aracae Tumpa iñee omombeu vae reta vi imiari jese —jei—. Jae co Jesús Nazaret pegua. Jae co José taɨ —jei chupe.

San Juan 1:45 ပူးပေါင်းရင်းမြစ်များ

GÉNESIS 22:18

Neñemuña rupi outa cheporerekua opaete kuimbae reta ɨvɨ pegua re, nde reyandu cheñee ramo.”

GÉNESIS 3:15

Añonota ñemotareɨ peyokotɨ, peñomotareɨ vaerä kuña ndive, neñemuña ndive jare kuña iñemuña ndive; jae ndembopereta neäka pe, jare nde rembopereta ipɨta pe.

GÉNESIS 49:10

Judá güi ngaraa kia ipuere opɨ̈ro mbaepuere, ngaraa vi ipo pegua oro pegua vae ave, ou regua Siloh, jókuae ipo pegua oro pegua iya, chupe opaete vae omeeta mbaemboete.

ISAÍAS 4:2

Jókuae ara, yandeYa ombojokɨta vae, ipörata jare imboetea yaeta, Israel pe jembɨreño vae reta peguarä; jare ɨvɨ pe yagüɨyeta vae, imboetea yaeta jare tuichagüe yaeta, Israel pe jembɨreño vae reta peguarä.

ISAÍAS 53:2

Jokɨ pɨau vae ramita oë yandeYa jembiokuai, jare japo ɨvɨ otini vae re oï ramita; mbaetɨ oyekuaa kavi jare mbaetɨ ipöra; yaechata, ërei ipörambae reve, yaaɨu yaeta.

ISAÍAS 7:14

Jáeramo, yandeYa etei oyapota mɨakañɨ peve: Mase, ko metei kuñatai ndei etei kuimbae ndive oasa vae ipuruata, oata imembɨ metei kunumi raɨ, jare ombojeeta Emanuel pe.

ISAÍAS 9:6

Echa metei michia oa yandeve, taɨ omee yandeve, jae mburuvicha ko; jare jeeta Oporombopɨakañɨ vae, Oporomboarakuaa vae, Tumpa Imbaepuere yae vae, cheRu oiko avei vae, mburuvicha mbɨakatu pegua.

MIQUEAS 5:2

Ërei nde Belén Efrata, nemichi yae reï vaerä opaete Judá pegua ñemuña reta ipɨte pe, ndegüi oëta cheve Israel iYarä vae, jae oiko vae ko iyɨpɨ güive voi, ara reta ndei oyemboɨpɨ güive.”

ZACARÍAS 6:12

Jare ere chupe körai: ‘YandeYa Imbaepuere yae ete vae jei körai: Mase, ko kuimbae Jokɨ pɨau jee vae jeñɨita japo güi aeño, jae omopüa pɨau yeta yandeYa itupao.

ZACARÍAS 9:9

¡Eyerovia yae tuicha tëta Sión! ¡Eyerovia esapúkai reve tëta Jerusalén! Mase, ko nderuvicha guasu outa ndekotɨ, jupi vae jare oporoepɨ vae, oñemomichi vae, opo ou metei mburika kuimbae taɨrusu vae re, mburikamí imembɨ re.

San Mateo 10:3

Felipe, Bartolomé, Tomás, Mateo mburuvicha peguarä okovara vae, Alfeo taɨ Jacobo jee vae, Lebeo (Tadeo jee vae),

San Mateo 13:55

Jae ko ɨvɨra pegua mbaravɨkɨ iyapoa taɨ. Ichɨ jae ko María. Jare Jacobo, José, Simón jare Judas jae ko tɨvɨ reta.

San Mateo 2:23

Jare José ojo oiko tëta Nazaret jee vae pe, oyembopo vaerä ñeemombeúa reta jei vae. Echa jei reta: “Oyembojeeta Nazaret-ɨgua.”

San Mateo 21:11

Jare jeta vae reta jei: —Kuae jae ko Jesús ñeemombeúa Nazaret pegua ɨvɨ Galilea pegua.

San Marcos 14:67

Jare oecha yave Pedro oyepee oï, omondo omae jese: —Nde vi ko reiko Jesús Nazaret-ɨgua ndive.

San Marcos 6:3

Kuae ko jae ɨvɨra pegua mbaravɨkɨ pe oparavɨkɨ vae. Jae ko María imembɨraɨe. Jae ko Jacobo, José, Judas jare Simón tɨkeɨ. Jare jeindɨ reta yogüɨreko vi yandepɨte pe. Jáeramo jae reta güɨroviaä etei Jesús.

San Lucas 18:37

Jayave omombeu reta chupe Jesús Nazaret-ɨgua ko oasa oï vae.

San Lucas 2:4

Jare José vi ojo Nazaret Galilea pegua güi tëta Belén Judea pegua pe. Echa jae ko David iñemuña reta pegua, echa David jëta ko jae Belén.

San Lucas 2:48

José jare Jesús ichɨ oecha yave, omopɨakañɨ yae reta, jare jei chupe: —Chemembɨ, ¿maera pa körai oreapo? Mase, che jare nderu roeka tëi opaete kerupi orepɨatɨtɨ yae reve.

San Lucas 24:27

Jayave Jesús omboɨpɨ omombeu kavi chupe reta Moisés jembikuatía reta güive jare opaete ñeemombeúa reta oikuatiagüe, kërai opaete jókuae Tumpa Iñee imiari jese vae.

San Lucas 24:44

Jayave jei chupe reta: —¿Mbaetɨ pa pemaendúa pe reta ndive aiko ramboeve che jae peve vae re? Kërai oyembopo tai ko cheré Moisés iporookuai, ñeemombeúa reta oikuatiagüe jare Salmo reta pe jei vae.

San Lucas 3:23

Jesús güɨnoi treinta año omboɨpɨ iparavɨkɨ yave. Ïru vae reta ipɨa pe oyemongeta jae ko José taɨ ete. José ko jae Elí taɨ.

San Lucas 4:22

Jare opaete joko pe ñogüɨnoi vae reta imiari kavi jese. Echa ipɨakañɨ reta ñee ikavigüe jei vae re, jei reta: —¿Jaeä yera kuae José taɨ?

San Juan 12:21

Jae reta oya katu Felipe re; Felipe jae ko Betsaidaɨgua ɨvɨ Galilea pegua, jae reta omoñera reve jei reta chupe: —Oreya, roipota tëi roecha Jesús.

San Juan 14:8

Felipe jei chupe: —OreYa, eechauka oreve ndeRu. Jokuaeño roipota.

San Juan 18:5

Jare jei reta chupe: —Jesús Nazaret-ɨgua. Jesús jei chupe reta: —“CHE KO jae.” Jare Judas, omee chupe reta pe vae oï vi jae reta ndive.

San Juan 18:7

Javoi Jesús oparandu ye chupe reta: —¿Kia pa peeka? Jei reta ye: —Jesús Nazaret-ɨgua.

San Juan 19:19

Pilato oikuatía kurusu re oñonouka vaerä. Körai oyekuatía oï: “JESÚS NAZARET-ƗGUA JUDÍO RETA JUVICHA GUASU.”

San Juan 21:2

Ñogüɨnoi päve yave Simón Pedro jare Tomás, Chaguakiri pe oyeero vae jare Natanael Caná ɨvɨ Galilea pegua, jare Zebedeo taɨ reta jare mókoi ïru temimboe reta.

San Juan 6:42

Jei reta: —¿Jaeä pa kuae Jesús, José taɨ? Yaikuaa katu ko tu jare ichɨ. ¿Kërai pa ipuere jei: “Ara güi ko ayu”?

San Juan 6:5

Jesús iñäka omopüa omae yave, oecha jeta vae yogüeru ikotɨ. Jayave oparandu Felipe pe: —¿Kia pe pa yaguata mbɨyape kuae reta jou vaerä?

San Juan 6:7

Felipe jei chupe: —Dosciento denario pegua mbɨyape vae ave ngaraa oupitɨ kuae reta jou vaerä kërai yepe.

Hechos 10:38

kërai Tumpa oiparavo Espíritu Santo rupi jare mbaepuere rupi Jesús Nazaret pegua, jare kërai jae ojo opaete kerupi oyapo ikavi vae, jare kërai ombogüera opaete aña guasu oiporarauka chupe vae reta. Echa Tumpa oiko jae ndive.

Hechos 2:22

Jei vi chupe reta: Kuimbae Israel iñemuña reta, peyeapɨsaka kuae re: Tumpa oyapo pepɨte pe mɨakañɨ reta Jesús Nazaret-ɨgua rupi. Jökorai Tumpa oechauka peve Jesús añete vae ko. Kuae peikuaa katu ko pe reta.

Hechos 22:8

Jayave che jae: ‘¿Kia pa ko nde, cheYa?’ Jayave jae jei cheve: ‘Che ko jae Jesús Nazaret pegua. Nde reñemopüa ikotɨ vae.’

Hechos 26:9

Che añetete arovia jupi ko ayapo vaerä jeta mbae ikavimbae Jesús Nazaret pegua jee kotɨ.

Hechos 3:6

Ërei Pedro jei: —Mbaetɨ anoi korepoti ani oro. Ërei anoi vae tamee ndeve. Jesucristo Nazaret pegua jee re epüa jare eguata.