San Juan 1:4 - Biblia Guarani Tumpa Iñee

⁴ Jese ko oï tekove, jare jókuae tekove jae ko tembipe ɨvɨ pegua reta pe.

Nuevo Testamento Guaraní Pe

⁴ Jae omee tecove opaete pe, jare cuae tecove rupi jae oyecuaa ɨvɨ pegua reta pe mbaembae oyecuaa tembipe rupi rami.

San Juan 1:4 ပူးပေါင်းရင်းမြစ်များ

SALMOS 49:6

Imbaembae reño oyeko vae reta, jare jeta yae imbaeyekou re oyemboete vae reta,

SALMOS 84:11

Echa yandeYa Tumpa ko omboesape jare oporoepɨ vae; jae omeeta mboroaɨu jare mboromboete, ngaraa opɨ̈ro mbae ikavi vae, ipɨa jupi rupi oguata vae güi.

ISAÍAS 42:16

Jesambae reta arajata tape, jae reta oikuaambaea rupi, jae reta japerä rupi pɨtumimbi amoembipeta, tape pɨ̈chɨi vae ambokavita. Kuaekuae, ayapota chupe reta, mbaetɨta aeya reta jae aeño.

MALAQUÍAS 4:2

Ërei pe reta peipoɨu chegüi vae, oëta peve Jupi yae vae, kuaraɨ oë rami, jare jembipe güeruta peve tekove katu jare pe reta peëta pechäguariko guaka raɨ jókai güi oë rami.

San Mateo 4:16

Pɨtumimbi pe yogüɨrekose vae reta oecha ma tembipe tuicha yae vae. Mano ipo pe yogüɨrekose vae reta re tembipe oesape.”

San Lucas 2:32

Jae ko tembipe ramita judiombae vae reta pe. Jare ndembae vae Israel pegua reta iyemboetearä.”

San Juan 11:25

Jesús jei chupe: —Che ko oporomoingove vae jare tekove omee vae. Cheré güɨrovia vae, yepe tëi omano oï, oikove yeta ko.

San Juan 12:35

Jesús jei chupe reta: —Tembipe oimeño pe reta ndive ramboeve peguata tembipe pe, agüɨye vaerä pepokou pɨ̈tu. Echa pɨtumimbi pe oguata vae mbaetɨ oikuaa kerupi ojo.

San Juan 12:46

Ayu ɨvɨ pe amee vaerä tembipe ɨvɨ pegua reta pe, agüɨye vaerä cheré güɨrovia vae oiko pɨtumimbi pe.

San Juan 14:6

Jesús jei chupe: —Che ko jae tape, añetete vae jare tekove. Mbaetɨ kia ipuere ojo cheRu oïa pe, jaeño cherupi.

San Juan 3:19

Tembipe ou ma ɨvɨ pe, ërei ɨvɨ pegua reta oaɨu yae iyeupe pɨtumimbiño, tembipe güi, echa jembiapo reta ikavimbae vaeño. Jáeramo oñejäauka reta ma ko.

San Juan 5:21

Tu omoingove ye omano vae reta. Jaeramiño vi Taɨ omee tekove, jae oipota vae pe.

San Juan 5:26

Echa cheRu güɨnoi tekove iyé etei. Jaeramiño vi omee cheve anoi vaerä tekove cheyé etei.

San Juan 8:12

Kuae jaɨkue rupi Jesús jei jeta vae reta pe: —Che ko tembipe ɨvɨ peguarä. Oiko che ndive vae ngaraa oguata pɨtumimbi pe. Echa güɨnoita tembipe tekove pegua.

San Juan 9:5

Kuae ɨvɨ pe aï ramboeve, che ko tembipe ɨvɨ peguarä.

Hechos 26:23

Echa jae reta jei Cristo oiporara ñotai ko, jare jae tenonde oikove yeta ko omanogüe reta ipɨte güi, oechauka vaerä tembipe judío reta jare judiombae vae reta pe.”

1 Corintios 15:45

Echa oyekuatía oï körai: “Tumpa omee tekove kuimbae tenondegua Adán pe.” Ërei Adán taɨkuegua vae ko tekove omee vae.

Efesios 5:14

Jáeramo Tumpa jei: “Esareko mo, nde reke vae. Epüa ye omanogüe vae reta ipɨte güi, jare Cristo ndemboesapeta.”

Colosenses 3:4

Cristo ko perekove. Cristo oyekuaa ye yave, pereta vi peyekuaata jae ndive mbaemboetea reve.

1 Juan 1:1

Roikuatía peve Ñee tekove opambae vae regua. Jae oikoño mai ndei ɨvɨ oyeapo mbove. Jare ore roendu jókuae Ñee. Roecha kavi, romae jese. Royavɨkɨ vi orepo pe etei.

1 Juan 1:2

Jókuae Ñee tekove opambae vae etei ko, ore etei roecha. Romoërakua peve jae ko tekove opambae vae. Jae oimeño mai oiko yandeRu Tumpa ndive, ërei oyekuaa oreve.

1 Juan 5:11

Jare Tumpa omombeu yandeve vae jae: Jae omee yandeve tekove opambae vae; kuae tekove oï Taɨ re.

Apocalipsis 22:1

Jayave araɨgua oechauka cheve ɨ̈aka ikɨambae ɨ tekove pegua, jësakaasɨ vidrio rami, oë Tumpa jare Vecha kuimbae taɨrusu vae iguapɨa güi.

Apocalipsis 22:16

“Che Jesús ambou chearaɨgua oikuaauka vaerä opaete kuaekuae oporogüɨrovia vae reta pe. Che ko jae David Iyɨpɨ jare iñemuña pegua. Che ko jae yasɨtata guasu jembipeasɨ köe pota yave vae.”