JOSUÉ 8:33 - Biblia Guarani Tumpa Iñee

³³ Jare opaetei joko pegua reta: Israel iñemuña reta, ketɨgua reta, opaete tenondegua reta, mburuvicha reta, oporojäa vae reta, oñeñono Tumpa ikäjou iyɨke yɨke rupi, sacerdote Leví iñemuña reta yandeYa ikäjou morogüɨrökuavee päve pegua güɨraja vae reta jóvai. Güɨnoi vaerä Tumpa iporerekua Israel iñemuña reta, mbɨte chugüi reta ñogüɨnoi ɨvɨtɨ Gerizim kotɨ, jare ïru mbɨte ñogüɨnoi ɨvɨtɨ Ebal kotɨ, tenonde rupi Moisés, yandeYa jembiokuai oyókuai reta rami.

JOSUÉ 8:33 ပူးပေါင်းရင်းမြစ်များ

ÉXODO 12:49

Kuae mborookuai eteiño vi toï kuae ɨvɨ pegua reta pe jare ketɨgua reta pepɨte pe yogüɨreko vae pe.”

LEVÍTICO 24:22

Metei mborookuaiño toiko peveguarä jare ketɨgua reta peguarä. Echa che ko peYa Tumpa.”

NÚMEROS 15:15

Metei mborookuaiño toï peveguarä jare ketɨgua oiko pepɨte pe vae peveguarä; mborookuai jekuae avei pegua toiko peve jare peñemuña reta peguarä; yandeYa peguarä peyovake päve ko.

NÚMEROS 15:16

Metei mborookuaiño jare metei tekoño toï peveguarä jare ketɨgua oiko pepɨte pe vae peguarä.”

NÚMEROS 15:29

Metei mborookuaiño toï peveguarä jare ketɨgua yogüɨreko pepɨte pe vae pe; metei mborookuaiño toï oikuaambae reve oyavɨ vae peguarä.

San Juan 4:20

Oreñemuñagüe reta omboete Tumpa kuae ɨvɨtu guasu re. Ërei pe reta pere Jerusalén pe ko oyemboeteta Tumpa.

DEUTERONOMIO 11:29

YandeYa Tumpa pereroike ma yave ɨvɨ pepɨ̈rota peiko pɨpe vae pe, peñono mborerekua ɨvɨtɨ Gerizim re, jare yepopeyu ɨvɨtɨ Ebal re.

DEUTERONOMIO 31:12

Emboatɨuka opaete vae, kuimbae reta, kuña reta, michia reta, ketɨgua reta perëta pe yogüɨreko vae, oendu reta vaerä jare oyemboe reta vaerä, oipoɨu vaerä yandeYa Tumpa güi, oyapo reta vaerä opaete kuae mborookuai jei vae.

DEUTERONOMIO 31:25

oyókuai levita reta, yandeYa ikäjou morogüɨrökuavee päve pegua ivoɨa reta, jei chupe reta körai:

DEUTERONOMIO 31:9

Moisés oikuatía kuae mborookuai, jare omee sacerdote Leví iñemuña reta pe, käjou yandeYa iporogüɨrökuavee päve pegua ivoɨa reta, jare Israel iñemuña reta itenondegua reta pe,

JOSUÉ 23:2

oenɨi opaete Israel iñemuña itenondegua reta, jare mburuvicha reta, oporojäa vae reta, jare opaete ïru mburuvicha reta, jei chupe reta: “Che chendechi yae ma ko.

JOSUÉ 24:1

Josué omboatɨ opaete Israel iñemuña reta Siquem pe, oenɨi mburuvicha reta, tenondegua reta, oporojäa vae reta, jare kuimbae ñeraro regua juvicha reta jare oñeñono reta Tumpa jóvai.

JOSUÉ 3:14

Opaete vae reta opa güire yogüɨraja teyupa güi oasa reta vaerä ɨ̈aka Jordán, sacerdote reta güɨraja käjou morogüɨrökuavee päve pegua, opaete vae reta jenonde,

JOSUÉ 3:3

jare oyókuai reta opaete vae, jei reta reve: “Peecha käjou yandeYa Tumpa iporogüɨrökuavee päve pegua, jare ivoɨa sacerdote, Leví iñemuña reta güɨraja yave, pe reta peë peïa güi jare peguata jaɨkue.

JOSUÉ 3:6

Josué jei sacerdote reta pe: “Peipɨɨ käjou morogüɨrökuavee päve pegua jare peasa opaete vae jenonde.” Jare sacerdote reta oipɨɨ käjou morogüɨrökuavee päve pegua jare yogüɨraja opaete vae jenonde.

JOSUÉ 4:10

Ërei sacerdote reta, käjou güɨraja vae reta oyemboɨ ɨ̈ aka Jordán mbɨte pe, Israel iñemuña reta opa oyapo regua yandeYa oyókuai reta Josué rupi vae. Opaete mbaembae oyeapo Moisés oyókuai Josué rami. Jare opaete vae iyandeko oasa ɨ̈ aka Jordán,

JOSUÉ 4:18

jare sacerdote reta, yandeYa ikäjou morogüɨrökuavee päve pegua güɨraja vae reta ñogüɨnoe ɨ̈aka Jordán güi ɨvɨ otinía pe oyemboɨ ñoete ɨ̈aka Jordán pegua ɨ opa ye oyea, jare oyepɨyere yere etei osɨrɨ ye tenonde rami.

JOSUÉ 6:6

Jayave Josué Nun taɨ oenɨi sacerdote reta, jare jei chupe reta: “Peraja Tumpa ikäjou morogüɨrökuavee päve pegua, jare chiu sacerdote togüɨraja mimbɨ vecha kuimbae-räti pegua yandeYa ikäjou jenonde.”