JOSUÉ 8:31 - Biblia Guarani Tumpa Iñee

³¹ Moisés, yandeYa jembiokuai oyókuai Israel iñemuña reta rami, Moisés omombeu mborookuai vae oyekuatía oï rami: “Mɨmba oyeyuka oyeapɨ jese vae ita reta oñeopambae pegua.” Jayave Israel iñemuña reta omee mɨmba oyeyukagüe opaetei oyeapɨ vae, jare omee reta mɨmba oyeyukagüe yembopɨakatu pegua.

JOSUÉ 8:31 ပူးပေါင်းရင်းမြစ်များ

2 REYES 14:6

Ërei mbaetɨ oyuka oporoyuka vae reta taɨ, Moisés iporookuai pe oyekuatía oï rami, yandeYa oyókuai jei chupe yave: “Agüɨye kia tomano taɨ reta jeko re, ani tu reta jeko re, metei vae ñavo tomano iyoa ae re.”

2 REYES 22:8

Jayave sacerdote tenondegua Hilcías jei ombaekuatía vae Safán pe: “Aväe chupe tembikuatía mborookuai regua Moisés jembikuatía yandeYa jo pe.” Hilcías omee tembikuatía Safán pe jare omongeta.

2 CRÓNICAS 25:4

Ërei mbaetɨ oyuka jókuae oporoyuka vae reta taɨ reta, mborookuai pe oyekuatía oï rami, Moisés jembikuatía pe, yandeYa oporookuai vae jei: “Agüɨye kia reta tomano taɨ reta jeko re ani taɨ reta tu reta jeko re, metei vae ñavo tomano iyoa ae re.”

2 CRÓNICAS 35:12

Javoi ombosɨrɨ reta mɨmba ikɨragüe opata oyeapɨ vae güi, omee reta tëtara ñavo pe, jae reta omee vaerä yandeYa pe, Moisés jembikuatía pe mborookuai oyekuatía oï rami; jökoraiño vi oekɨ reta toro taɨrusu vae reta güi.

ESDRAS 6:18

Jare oñono reta sacerdote reta iparavɨkɨ ae rupi, jare levita reta iparavɨkɨ ae rupi, oyeokuai reta vaerä Tumpa pe, Jerusalén pe, Moisés jembikuatía pe oï rami.

NEHEMÍAS 13:1

Jókuae ara rupi oyemongeta Moisés jembikuatía, jare opaete vae reta oendu oyekuatía oï pɨpe, kërai tëta Tumpa imbae vae reta agüɨyeta kërai ave oñemoïru Amón iñemuña reta jare Moab iñemuña reta ndive vae.

ÉXODO 18:12

Jare Jetro, Moisés jovaya omee mɨmba oyeyukagüe opaetei oyeapɨ vae jare mɨmba oyeyukagüe Tumpa peguarä. Javoi Aarón jare opaete Israel iñemuña itenondegua reta ndive yogüeru okaru vaerä Moisés jovaya ndive Tumpa jóvai.

ÉXODO 24:5

Omondo Israel iñemuña reta güi, taɨrusu vae reta omee vaerä yandeYa pe mɨmba reta oyeyukagüe opaetei oyeapɨ vae jare toro taɨrusu vae reta, mɨmba oyeyukagüe mbɨakatu pegua.

San Mateo 12:26

Satanás ombosɨrɨ yave, Satanás oya jese vae reta güi, jaeiño ko oyemboyao oï. ¿Këraita pa oiko avei jayave iporookuaía?

DEUTERONOMIO 27:2

Jókuae ara peasa ma Jordán, peike vaerä yandeYa Tumpa omee ɨvɨ peve vae pe yave, pemopüa ita tuichagüe jare pemotï tövati pe,

DEUTERONOMIO 27:8

Pemboyekuaa kavi ñee reta peikuatía ita re, opaete kuae mborookuai reta.”

JOSUÉ 1:8

Agüɨye embosɨrɨ ndeyuru güi kuae mborookuai, ara pe jare pïtu yave eyemongeta jese, reyapo jare reñovatu vaerä opaete oyekuatía oï pɨpe vae; echa jayave oë kavita ndeve opaete mbaembae reyapo vae.