JOSUÉ 8:29 - Biblia Guarani Tumpa Iñee

²⁹ Jare mburuvicha guasu Hai pegua ombosagüɨu metei ɨvɨra re kaaru regua, jare kuaraɨ oike ma yave ombogüeyɨuka ɨvɨra güi jetegüe, jare oñonouka tëta jöke pe jare omboatɨuka jese ita. Jókuae ita yatɨ oï vae oimeño añave rupi.

JOSUÉ 8:29 ပူးပေါင်းရင်းမြစ်များ

2 SAMUEL 18:17

Javoi oipɨɨ reta Absalón jetegüe jare oitɨ reta metei ɨvɨkua guasu jókuae kaa pe oï vae pe, jare iárambo omboatɨ reta jeta ita. Opaete Israel pegua reta otekuarai jo ñavo kotɨ.

ESTER 7:10

Jökorai oeterasa reta Amán ɨvɨra omokätɨro tëi Mardoqueo peguarä vae re. Jökorai mburuvicha guasu iyarasɨ poi.

SALMOS 107:40

Tumpa omotareɨ oiporarauka chupe vae reta, jáeramo ko, opa ombojopauka reta ñuu rupi, tapembaea rupi omboguataukaiño reta.

SALMOS 110:5

YandeYa oï ndeakatu kotɨ; iyarasɨ iara pe, jae omokañɨteita mburuvicha guasu reta;

San Juan 19:31

Jókuae ara judío reta oyeapokatu ñogüɨnoi Pascua peguarä. Jáeramo oyerure reta Pilato pe omopëuka vaerä kurusu re ñogüɨnoi vae reta itɨmaka jare güɨrajauka vaerä joko güi. Echa oipotaä jetegüe reta opɨta vaerä kurusu reta re jókuae ara mbutuu pe. Echa jókuae ara ko arete mbaemboete pegua.

Hechos 12:23

Jare jupiveiño metei yandeYa iaraɨgua omombaerasɨ Herodes, echa mbaetɨ omboeteuka Tumpa. Jare taso opa jou jökorai omano.

JOSUÉ 10:30

YandeYa omee Israel iñemuña reta ipo pe, kuae tëta guasu joko pegua mburuvicha guasu ndive, jare oyuka reta kɨsepuku pe opaete joko pe yogüɨreko vae reta, oeyambae reve metei ave, jare oyapo mburuvicha guasu Libna pegua pe, jare Jericó pegua pe oyapo rami.

JOSUÉ 10:33

Jayave Horam, mburuvicha guasu Gezer pegua oë isundaro reta ndive omborɨ Laquis, ërei Josué omoamɨri Horam opaete isundaro reta ndive, oeyambae reve metei ave.

JOSUÉ 12:9

Mburuvicha guasu reta ñamɨrigüe jae ko: Jericó pegua, Hai pegua, kuae tëta guasu oï Bet-el iyɨpɨ pe,

JOSUÉ 7:26

Jare omboatɨ reta jese jeta ita, jókuae oimeño añave rupi. Jökorai yandeYa iyarasɨ poi. Kuae jeko pegua jókuae ɨvɨtɨ päu jekuaeño jee Acor, añave rupi.

JOSUÉ 8:23

Ërei mburuvicha guasu Hai pegua, oipɨɨ reta jekove reveño jare güeru reta Josué pe.