JOSUÉ 7:26 - Biblia Guarani Tumpa Iñee

²⁶ Jare omboatɨ reta jese jeta ita, jókuae oimeño añave rupi. Jökorai yandeYa iyarasɨ poi. Kuae jeko pegua jókuae ɨvɨtɨ päu jekuaeño jee Acor, añave rupi.

JOSUÉ 7:26 ပူးပေါင်းရင်းမြစ်များ

2 SAMUEL 18:17

Javoi oipɨɨ reta Absalón jetegüe jare oitɨ reta metei ɨvɨkua guasu jókuae kaa pe oï vae pe, jare iárambo omboatɨ reta jeta ita. Opaete Israel pegua reta otekuarai jo ñavo kotɨ.

2 SAMUEL 21:14

Jare oñotɨ reta Saúl jare taɨ Jonatán ikägüegüe Zela pe, Benjamín iñemuñagüe reta iɨvɨ pe; oñotɨ tu amɨri Cis jɨvɨa oïa pe. Oyeapo opaete mburuvicha guasu jei rami. Javoi Tumpa ipɨakatu ye jókuae ɨvɨ pegua reta pe.

2 CRÓNICAS 29:10

Añave, che añeñono ayapo vaerä morogüɨrökuavee päve yandeYa ndive, Israel iTumpa ndive, agüɨye vaerä mo iyarasɨ yandekotɨ.

ESDRAS 10:14

oreruvicha reta topɨta kuae pe orerekovia pe, jare opaete orerëta guasu pegua reta güɨreko ketɨgua kuña reta vae, toyogüeru ara oyembojee chupea pe, jare jae reta ndive toyogüeru tenondegua reta, jare mburuvicha oporojäa vae reta, rombosɨrɨ regua oreyeugüi ñaneTumpa iyarasɨ kuae re vae.

SALMOS 85:4

CheRu Tumpa, orereroasayepe vae, ¡oremopüa pɨau ye! ¡Ndearasɨ poi mo orekotɨ!

ÉXODO 32:12

¿Remaeñota pa Egiptoɨgua reta jei: “Ikavimbae oyapo chupe reta vaeräño opa güɨnoe, opa vaerä oyuka ɨvɨtɨ re, opa vaerä omboai ɨvɨ iárambo güi”? Agüɨye ndearasɨ, eipoepɨ ndeyemongeta, ikavimbae reyapota ndembae vae reta pe vae.

ISAÍAS 40:2

pemiari kavi mboroaɨu ndive Jerusalén ndive; pesapúkai reve pere chupe, kërai oiporara vae iyapɨta ma, iyoa re cheɨ̈ro ma chupe; echa aiporarauka yae ma chupe reta, opaete iyoa reta re.”

ISAÍAS 65:10

Jare ɨvɨpe kavi Sarón vecha reta ikarúa jendarä, ɨvɨpe kavi Acor guaka reta ikarúa jendarä, tëta chereeka vae güɨnoita imbaerä.

LAMENTACIONES 3:53

aikove reveño chereitɨ reta ɨrɨru pe, jare ita oñono reta jókuae ɨrɨru jöke re.

OSEAS 2:15

Jare joko pe amee yeta chupe iuvarupa, jare aipoepɨta ɨvɨtɨ päu Acor, oasa vaerä mbɨatɨtɨ güi yerovia pe. Joko pe otairarita cheve taɨrusu yave rami, ɨvɨ Egipto güi anoe yave rami.

OSEAS 2:17

Echa aekɨta peyuru güi baal reta jee, jare ngaraa ye ma oyeendu jókuae tee reta.

JOEL 2:13

Peyembopɨatɨtɨ, agüɨye pemondoroiño peremimonde; peyerova ye yandeYa Tumpa kotɨ; echa iporoparareko yae vae ko jae jare iyeaeä vae ko, mbaetɨ iyarasɨ raivi vae ko, tuicha yae mboroparareko pe, ñenupa oeyaño vae ko.

JOEL 2:18

Jayave yandeYa oipararekota imbae vae reta jare iñïrota chupe reta,

JONÁS 1:15

Jare oipɨɨ reta omombo Jonás ɨguasu pe; jayave ramo ɨguasu kïrii iyarasɨ güi.

ZACARÍAS 6:8

Jaɨkue rupi chereenɨi jare jei cheve: “¡Mase, ɨvɨtuguasu kotɨ yogüɨraja vae reta cheEspíritu pe omee oputuu vaerä chearasɨ ɨvɨtuguasu kotɨgua reta pe vae güi!”

NÚMEROS 25:8

jare ojo jókuae Israel iñemuña reta pegua jaɨkue o guakapi pegua pe, jare oɨe rasa päve, kuimbae Israel iñemuña pegua jare kuña Madián pegua. Javoi osondo mbaerasɨ pɨ̈chɨi yae vae oparapiti oï Israel iñemuña reta ipɨte rupi vae,

DEUTERONOMIO 13:17

Agüɨye topɨta pepo pe mbae nunga okañɨtei vaerä vae, yandeYa agüɨye vaerä iyarasɨ pekotɨ, jaeño togüɨnoi mboroparareko peré, jare tomee jeta vaerä peñemuña, güɨrökuavee jee re peñemuñagüe reta pe rami,

DEUTERONOMIO 13:18

peyapo yave yandeYa Tumpa jei vae, peñovatu reve opaete mborookuai reta añave poyókuai jese peyapo vaerä sɨmbi vae yandeYa Tumpa jesa róvai.

JOSUÉ 10:27

Jare kuaraɨ oiketa ma ojo yave Josué ombogüeyɨuka ɨvɨra güi jare oñonouka ɨvɨkua pe, jókuae jae reta oñemía pe. Jaɨkue rupi oñono reta ita tuicha vae reta jókuae ɨvɨkua jöke re, jökorai oimeño añave rupi joko pe.

JOSUÉ 7:24

Jayave Josué jare opaete Israel iñemuña reta ndive oipɨɨ Acán, Zera taɨ, jókuae korepoti, temimonde, oro, jare taɨ reta, tayɨ reta, igüeye reta, imburika reta, ivecha reta, iküaraɨa guakapi pegua jare opaete imbaembae, jare opa güɨraja reta ɨvɨtɨ päu Acor jee vae pe.

JOSUÉ 8:29

Jare mburuvicha guasu Hai pegua ombosagüɨu metei ɨvɨra re kaaru regua, jare kuaraɨ oike ma yave ombogüeyɨuka ɨvɨra güi jetegüe, jare oñonouka tëta jöke pe jare omboatɨuka jese ita. Jókuae ita yatɨ oï vae oimeño añave rupi.