JOSUÉ 7:19 - Biblia Guarani Tumpa Iñee

¹⁹ Jayave Josué jei Acán pe: —Cheraɨ, emee mbaemboete yandeYa pe, Israel iTumpa pe, emboete, ere añave cheve mbae ko reyapo vae; agüɨye eikuaku chegüi.

JOSUÉ 7:19 ပူးပေါင်းရင်းမြစ်များ

2 REYES 20:15

Isaías jekuae oparandu ye chupe: —¿Mbae pa oecha reta ndero pe? Ezequías jei: —Oecha reta opaete oï chero pe vae, mbaetɨ etei mbae, che aechaukambae chupe reta vae.

2 CRÓNICAS 30:22

Jare Ezequías oyapo yasoropai opaete levita reta oechauka kërai oyeokuai yandeYa pe vae reta pe. Javoi okaru reta arete chiu ara vae pe, omee reta reve mɨmba oyeyukagüe yembopɨakatu pegua jare omee reta reve yasoropai yandeYa pe, iñemuñagüe reta iTumpa pe.

SALMOS 32:5

Cheyoa amombeu ndeve, mbaetɨ añomi ndegüi mbaeyoa ayapogüe. Jae: “Tamombeu cheYa pe mbaetɨ iporookuai ayapo vae.” Jare nde neɨ̈ro cheyoa ikavimbae re.

SALMOS 51:3

Echa che aikuaa chepɨapochɨ ko vae, cheyoa güi mbaetɨ chepuere cheakañɨ.

PROVERBIOS 28:13

Ngaraa oiko kavi, imbaeyoa reta oikuaku vae, ërei oyemombeu vae jare oeya ete iyoa vae, oikota mboroparareko rupi.

ISAÍAS 13:12

Mbovɨ yaeta kuimbae reta ɨvɨ pe, oro ikavi yae vae Ofir pegua mbovɨ yae rami.

JEREMÍAS 13:16

Pemboete peYa Tumpa, ndei jae ombou mbove pɨtumimbi vae, jare ndei pepɨ̈sa-yeyuka mbove ɨvɨtɨ reta rupi; peäro tëi tembipe, ërei jae oipoepɨ pɨtumimbiasɨ pe peve, ñamano rape katu vae pe.

DANIEL 9:4

Ayerure cheYa Tumpa pe, ayemombeu reve chupe körai: ‘CheYa, Tumpa tuicha yae vae, jupi ko oyepoɨu vaerä ndegüi, reñererökuavee vae rembopo avei; nde ndeporoparareko, nderaɨu vae reta re jare ndeporookuai oyapo vae reta re;

San Lucas 17:18

¡Jaeño kuae metei judiombae vae ou ye omboete vaerä Tumpa!

San Juan 9:24

Jayave judío reta oenɨi ye kuimbae tenonde yave jesambae oiko vae, jare jei reta chupe: —Ere Tumpa jee re oreve añete vae. Echa roikuaa kuae kuimbae iyoa vae ko.

Romanos 10:10

Echa yandepɨa ndive ko yaroviata, yayembojupiuka vaerä, ërei yandeyuru pe ko yae yayemboasauka vaerä.

2 Timoteo 2:25

tomboe oñemomichi reve oyembopɨapochɨ vae reta, echa güɨramoi Tumpa omaeñota jese reta oeya vaerä iyemongeta ikavimbae vae jare oikuaa vaerä añete vae,

Tito 2:2

Ndechi reta agüɨye tei teiiño, jeko tisɨmbi, toyeandu katu, tipɨ̈rata iporogüɨrovia pe, iporoaɨu pe jare tipɨaguasu.

Santiago 1:20

echa iyarasɨ vae ngaraa oyapo jupi vae Tumpa omboyerovia vae.

JOSUÉ 7:20

Jare Acán jei Josué pe: —Añetete ko cheyoa yandeYa, Israel iTumpa kotɨ. Ayapo vae jae ko:

Apocalipsis 16:9

Jare ɨvɨ pegua reta ókai kuaraɨ jakugüe pe. Ërei mbaetɨ oyerova reta Tumpa kotɨ omboete vaerä. Jókuae güɨnoi mbaepuere opaete kuae susere reta re vae kotɨ.

1 SAMUEL 14:43

Jayave Saúl jei Jonatán pe: —Eyemombeu cheve, ¿mbae pa reyapo? Jare Jonatán oyemombeu jei: —Añetete, jau ei cheɨvɨra iyapɨ re anoe vae. ¡Ko aï, tamano!

1 SAMUEL 6:5

Peyapo pire mbaerasɨ ñakɨ̈ta vae iä jare anguya reta iä, peɨvɨ güɨrokomegua vae jare pemee mbaemboete Israel iñemuña reta iTumpa pe, güɨramoi mbaetɨta ma oiporarauka peve, petumpa reta pe jare peɨvɨ pe.