JOSUÉ 7:12 - Biblia Guarani Tumpa Iñee

¹² Jáeramo Israel iñemuña reta ngaraa ipuere oñeraro jovaicho reta ndive, otekuaraiñota jovaicho reta güi; echa oa reta cheyepopeyu pe; ngaraa ye ma aï pe ndive, mbaetɨ yave pemboai peyeugüi yepopeyu oï jese vae, kuae pepɨte pe oï vae.

JOSUÉ 7:12 ပူးပေါင်းရင်းမြစ်များ

SALMOS 44:10

Orembotekuaraiuka orerovaicho reta pe, jare oremotareɨ vae reta opa opɨ̈ro orembaembae güɨraja iyeupe.

SALMOS 60:10

Echa nde, cheRu Tumpa, oremombo, ¡mbaetɨ ma reo oresundaro reta ndive!

PROVERBIOS 28:1

Iyoa vae otekuarai mbaetɨ tëi reve kia oaɨkuemoña, ërei jupi vae oiko okɨɨyembae reve yaguapope rami.

ISAÍAS 59:2

Ërei peyoa reta pemboyao peTumpa güi, peyoa reta oñovauka Tumpa jova pegüi, agüɨye vaerä oyeapɨsaka peré.

JEREMÍAS 23:33

Jeremías, kia nunga vae tëta pegua oparandu ndeve yave, ani metei ñeemombeúa, ani metei sacerdote: ‘¿Mbae pa ko yandeYa jei?’ Ere chupe reta: ‘YandeYa jei peve, pereeyata.’

JEREMÍAS 6:8

Jerusalén, eyapo kavi ndereko, echa mbaetɨ yave, asɨrɨta ndegüi, jare ñuurä repɨtata, ɨvɨ ipombae vaerä.”

OSEAS 9:12

Jare yepe tëi ombokuakuaa imichia reta, apɨ̈rota chugüi reta, ngaraa amaeño yogüɨreko. Echa, ¡oiporara yaeta che asɨrɨ chugüi reta yave!

HABACUC 1:13

Ikɨa vaeä ko nde remae vaerä ikavimbae re jare ndepɨakatu vaerä jese; jayave, ¿maera pa remaeño oporoyuka vae reta re, jare kïriiño remae jeko kavimbae vae reta re omboai yave jeko ikavi chugüi vae reta?

NÚMEROS 14:39

Moisés jei kuae mbaembae opaete Israel iñemuña reta pe yave, ipɨatɨtɨ yae opaete vae.

NÚMEROS 14:42

Agüɨye pekua, echa yandeYa mbaetɨ oï pe ndive, agüɨye peyeyukaukaiño perovaicho reta pe.

NÚMEROS 14:43

Echa Amalec iñemuña reta jare Cam iñemuña reta oime ñogüɨnoi joko pe perenonde, peyeyukaukata ko chupe reta; echa peäteɨ ma peguata yandeYa jupíe, jáeramo ngaraa ma yandeYa oï pe ndive.

NÚMEROS 14:45

Jayave ñogüɨnoe chupe Amalec iñemuña reta jare Cam iñemuña reta, jókuae ɨvɨtɨ re yogüɨreko vae reta, jare kuae reta oyuka jare omoamɨri reta, jare oaɨkuemoña reta güɨraja oeya Horma pe.

DEUTERONOMIO 7:26

Agüɨye peru mbae pɨ̈chɨi vae pero pe, agüɨye vaerä yepopeyu oï jese vae peru, opaetei mbae peroɨ̈ro jare pɨ̈chɨi pemae jese, echa yepopeyu pe ko oï.

JOSUÉ 6:18

Ërei pe reta peyeandu jókuae kañɨtei peguarä oï vae güi; agüɨye peyavɨkɨ, agüɨye etei peupi peyeupe mbae yepe jókuae güi, echa güɨramoi peñonoukata vi Israel iñemuña reta jeyupa Tumpa iyepopeyu pe, jare pembosusereuka.

JUECES 16:20

Jare jei chupe: —¡Sansón, ko filisteo reta yogüeru ndeve! Sansón okuera oke oï vae güi yave, oyemongeta oyeyora vaerä tenonde yave rami, ërei jae mbaetɨ oikuaa yandeYa osɨrɨ ko chugüi vae.

JUECES 2:14

Jáeramo yandeYa iyarasɨ Israel iñemuña reta kotɨ, omee imonda vae reta opɨ̈ro vaerä chugüi reta imbaembae, jare omee vi jovaicho reta iyɨvɨrigua reta pe, jare mbaetɨ ma ipuere jovaicho reta re.

JUECES 2:4

YandeYa iaraɨgua opa imiari yave, opaete Israel iñemuña reta jäse täta oyaeo.

1 SAMUEL 14:38

Jáeramo Saúl jei: —Toya katu cheré opaete sundaro ruvicha reta, toyekuaa kia ra iyoa kuae ara.