JOSUÉ 6:6 - Biblia Guarani Tumpa Iñee

⁶ Jayave Josué Nun taɨ oenɨi sacerdote reta, jare jei chupe reta: “Peraja Tumpa ikäjou morogüɨrökuavee päve pegua, jare chiu sacerdote togüɨraja mimbɨ vecha kuimbae-räti pegua yandeYa ikäjou jenonde.”

JOSUÉ 6:6 ပူးပေါင်းရင်းမြစ်များ

ÉXODO 25:14

Jare toësɨvo reta jókuae argolla reta rupi, käjou iyɨke yɨke regua rupi, pɨpe oyereraja vaerä käjou.

Hechos 9:1

Jare Saulo omomburu oyuka vaerä yandeYa re güɨrovia vae reta, jáeramo ojo sacerdote tenondegua ete oïa pe.

JOSUÉ 24:11

Jare peasa ɨ̈aka Jordán jare peyu Jericó pe. Jericó pe yogüɨreko vae reta oñeraro pe ndive: Amorreo reta, ferezeo reta, cananeo reta, heteo reta, gergeseo reta, heveo reta jare jebuseo reta, ërei che amee pepo pe opa pemoamɨri vaerä.

JOSUÉ 3:3

jare oyókuai reta opaete vae, jei reta reve: “Peecha käjou yandeYa Tumpa iporogüɨrökuavee päve pegua, jare ivoɨa sacerdote, Leví iñemuña reta güɨraja yave, pe reta peë peïa güi jare peguata jaɨkue.

JOSUÉ 3:6

Josué jei sacerdote reta pe: “Peipɨɨ käjou morogüɨrökuavee päve pegua jare peasa opaete vae jenonde.” Jare sacerdote reta oipɨɨ käjou morogüɨrökuavee päve pegua jare yogüɨraja opaete vae jenonde.

JOSUÉ 6:13

Jókuae chiu sacerdote reta güɨraja chiu mimbɨ vecha kuimbae-räti pegua yandeYa ikäjou jenonde, oguata reta tenonde omoñee reve temimbɨ. Tembiporu ñeraro pegua güɨnoi vae reta yogüɨraja jae reta jenonde, jare kuimbae taikue kotɨ oporoäro vae reta yogüɨraja yandeYa ikäjou jaɨkue, temimbɨ oñee ramboeve opɨtambae etei.

JOSUÉ 6:5

Peendu omoñee puku reta mimbɨ vecha kuimbae-räti pegua yave, opaete vae tosapúkai täta, jare tëta guasu ikësea osururuta; jayave opaete vae metei ñavo toyeupi sɨmbi jenonde kotɨ.”

JOSUÉ 6:7

Jare opaete vae pe jei: “Pekua peyere tëta guasu re; tembiporu ñeraro pegua güɨnoi vae reta, toyogüɨraja yandeYa ikäjou jenonde.”

JOSUÉ 6:8

Jökorai Josué opa ma imiari opaete vae pe yave, jókuae chiu sacerdote güɨraja chiu mimbɨ vecha kuimbae-räti pegua yandeYa ikäjou jenonde, jare omoñee reta mimbɨ; jare yandeYa ikäjou oyereraja jae reta jaɨkue.

1 SAMUEL 4:3

Yogüeru ye ma ñeraroa güi teyupa pe yave, Israel iñemuña itenondegua reta jei: “¿Maera pa yandeYa yandeyukauka filisteo reta pe? ¡Yaja yaru yandeYa ikäjou morogüɨrökuavee päve pegua Silo güi, jókuae käjou toï yandepɨte pe, yandereepɨ vaerä yanderovaicho reta güi!”