JOSUÉ 6:27 - Biblia Guarani Tumpa Iñee

²⁷ YandeYa oiko Josué ndive, jare jee jërakua opaete ɨvɨ rupi.

JOSUÉ 6:27 ပူးပေါင်းရင်းမြစ်များ

GÉNESIS 39:21

ërei yandeYa oï José ndive, jare iporerekua jese, omboeko kavi tembipɨɨ reta iyangarekoa jesa róvai.

2 SAMUEL 7:9

jare aiko nde ndive opaete reoa rupi, jare amoamɨri ndeve opaete nderovaicho reta, amee ndeve nerërakua yae vaerä, kuae ɨvɨ pe amogüe kuimbae reta jërakua yae rami.

1 CRÓNICAS 14:17

Jare David jërakua yae opaete ɨvɨ rupi; jare yandeYa omee opaete tëtaguasu reta okɨɨye yae vaerä David güi.

ESTER 9:4

Echa Mardoqueo tuicha pegua yae ko mburuvicha guasu jo pe, jare jërakua opaete tëta reta rupi; jare imbaepuere okuakuaa ara ñavo.

San Mateo 14:1

Jókuae ara reta rupi mburuvicha guasu Herodes oendu Jesús jërakua yae vae regua.

San Mateo 18:20

Echa mókoi ani mboapɨ vae oyemboatɨ yave cheree re, che oime ko aï jae reta ipɨte pe.”

San Mateo 28:20

Pemboe reta opaete che poyókuai vae re. Jare che aïta pe ndive opaete ara kuae ɨvɨ iyapɨ regua. ¡Amén!

San Mateo 4:24

Jare opaete ɨvɨ Siria pegua reta pe jërakua Jesús oyapo vae regua. Jare güeru reta chupe oipotagüe mbae jasɨ chupe vae reta, oiporara oipotagüe mbaerasɨ vae, jare aña oya jese vae reta, omano mano vae reta jare jete jëogüe vae. Jare Jesús ombogüera reta.

2 Corintios 13:14

YandeYa Jesucristo ipɨakavi, Tumpa iporoaɨu jare Espíritu Santo iñemoïru toï opaete pe ndive. ¡Amén!

DEUTERONOMIO 31:6

Peñemomɨ̈rata jare peñemoäta ngatu; agüɨye pekɨɨye; agüɨye pekɨɨye chugüi reta, echa yandeYa Tumpa ko oï pe ndive; ngaraa pereeya peangarekoambae.”

2 Timoteo 4:17

Ërei yandeYa oï che ndive jae chemomɨ̈rata, che amoërakua vaerä ñee ikavi vae, opaete judiombae vae reta oendu vaerä, jökorai aasayepe vaerä yaguapope iyuru güi.

2 Timoteo 4:22

YandeYa Jesucristo toï nde ndive. Tumpa ipɨakavi toï pe ndive. ¡Amén!

JOSUÉ 1:5

Ngaraa etei kia ipuere nemoamɨri reikove reiko ramboeve; Moisés ndive aiko rami aikota nde ndive; ngaraa roeya, ngaraa roeya ndeangarekoambae.

JOSUÉ 1:9

Mase, royókuai reñemomïrata vaerä jare reñemoäta ngatu vaerä; agüɨye ekɨɨye jare agüɨye eyembopɨtu, echa che ndeYa Tumpa aïta nde ndive oipota rupi reoa rupi.”

JOSUÉ 9:1

Opaete kuae mbaembae oendu yave mburuvicha guasu reta ɨ̈aka Jordán jovaicho pe kuaraɨ oikea kotɨ yogüɨreko vae reta, ɨvɨtɨ guasu rupi, ɨvɨpe kavi rupi jare opaete ïguasu Mediterráneo jembeɨ rupi Líbano jóvai yogüɨreko vae reta, heteo reta, amorreo reta, cananeo reta, ferezeo reta, heveo reta jare jebuseo reta,

JOSUÉ 9:3

Ërei ngatu Gabaón pegua reta oikuaa Josué oyapo tëta guasu Jericó pe jare Hai pe vae yave,

JOSUÉ 9:9

Jare jae reta jei: —Mombɨrɨ güi ko royu peYa Tumpa jërakua yae jeko pegua. Roikuaa opaete jae oyapo Egipto pe vae,

JUECES 1:19

Jare yandeYa oï Judá iñemuña reta ndive, jae reta opa omoë omombo ɨvɨtɨ rupigua reta; ërei mbaetɨ ipuere opa omoë omombo ɨvɨpe rupigua reta, echa jae reta güɨnoi käretou jiero pegua reta ramo.

1 SAMUEL 18:14

Jare David oyapo opaete mbae yarakuaa katu reve kavi, echa yandeYa oï jae ndive.

1 SAMUEL 2:30

Jáeramo, Israel iTumpa jei tëi tenonde yave neñemuñagüe reta pe, ndeve jare neñemuña reta oyeokuai vaerä chupe jekuae avei, ërei añave jei: ‘Ngaraa ma ayapo jökorai, amboeteukata chemboete vae reta, ërei chereröɨro vae reta aröɨrota vi.