JOSUÉ 6:23 - Biblia Guarani Tumpa Iñee

²³ Jayave oporopïaro vae reta oike jare güɨnoe Rahab, jare tu, ichɨ, ikɨvɨ reta, jare opaete imbae vae reta; güɨnoe reta vi opaete jëtara, jare oñono reta Israel iñemuña reta jeyupa güi ikatu pe.

JOSUÉ 6:23 ပူးပေါင်းရင်းမြစ်များ

GÉNESIS 12:2

Ndegüi ayapota tëtaguasu tuicha yae vae, jare cheporerekuata nderé, jare ambotuicha yaeta nderee opaete ɨvɨ rupi, jare cheporerekuata jeta vae reta re ndereko pegua.

GÉNESIS 18:24

Güɨramoi oime cincuenta jupi vae tëta guasu pe: ¿Remboaita pa jeseve tëta guasu? ¿Ngaraa pa neɨ̈ro jókuae cincuenta vae reaɨu jeko pegua?

GÉNESIS 19:29

Jökorai Tumpa opa omboai opaete tëta reta ñuu rupigua, Lot oikose pɨpe vae; ërei Tumpa imaendúa Abraham re jeko pegua güɨroasayepe Lot kañɨtei güi.

NÚMEROS 31:19

Pe reta, oipotagüe oporoyuka vae, ani tëogüe oyavɨkɨ vae, topɨta teyupa güi ikatu pe chiu ara; jare peyetɨo jare vi perembipɨɨ reta mboapɨa ara pe jare chiúa ara pe.

Hechos 10:28

Jayave Pedro jei chupe reta: —Pe reta peikuaa kavi ko kërai pɨ̈chɨi yae ko metei judío oñemoïru vaerä ani oyea vaerä ketɨgua ndive. Ërei Tumpa oechauka cheve agüɨye vaerä jae kia pe ave ikɨa ko Tumpa jóvai vae.

Hechos 27:24

Araɨgua jei cheve: “Pablo, agüɨye ekɨɨye, echa reo ñotai ko reyemboɨ César jóvai. Jare Tumpa ipɨakavi nde ndive ramo, oepɨta vi opaete kuae nderupíe yogüɨraja vae reta.”

1 Corintios 5:12

Echa mbaetɨ ko chepuere ajäa oporogüɨroviambae vae reta, pe reta pejäa ko pe ndive ñogüɨnoi vae oporogüɨrovia vae reta.

Efesios 2:12

jókuae ara rupi peikose Cristombae reve, peiko tee Israel pegua reta güi, jare Tumpa iporogüɨrökuavee päve güi, mbaetɨ mbae penoi peäro vaerä jare peTumpambae kuae ɨvɨ pe.

Hebreos 11:31

Iporogüɨrovia rupi kuña iyaguasa pota vae Rahab mbaetɨ okañɨtei oporogüɨroviambae reta ndive, Echa jae omboresive kavi Israel pegua temimondo oporopïaro vae reta.

Hebreos 11:7

Iporogüɨrovia rupi Noé oyapo barco guasu jëtara reta oasayepe vaerä ɨporu guasu güi. Echa ndei ɨporu guasu ou mbove, Tumpa oikuaauka Noé pe. Jáeramo Noé oyapo barco guasu oipoɨu güi, jo pegua reta oyemboasauka vaerä; jare jókuae iporogüɨrovia rupi Noé oikuaauka ɨvɨ pegua reta pe ikavimbae vae oyapo vae reta ko, jare güɨnoi yembojupi iporogüɨrovia rupi.

JOSUÉ 2:13

kërai pemondoyepe vaerä cheru, chesɨ, chekɨvɨ reta, jare chepɨkɨɨ reta jekove, jare opaete imbae vae reta. ¡Orereroasayepe mano güi!

JOSUÉ 2:16

Jare jei chupe reta: —Pekua ɨvɨtɨ kotɨ, agüɨye vaerä peraɨkuemoña vae reta peväe chupe; jare peñemi joko pe mboapɨ ara rupi, jókuae peraɨkuemoña vae reta opa ye oyerova regua; javoi ramo pekua ye peyúa rupi.

JOSUÉ 2:18

Ërei ore roike ma kuae ɨvɨ pe yave, nde eñapɨti kuae tɨmasa pɨ̈ta vae kuae ventana orembogüeyɨ jupi vae re; jare emboatɨ ndero pe nderu jare ndesɨ, ndekɨvɨ reta jare opaete nderu jëtara reta.

JUECES 1:25

Jare jókuae kuimbae omombeu chupe reta kerupi oike reta vaerä jókuae tëta pe, jare jae reta oike opa oyuka kɨsepuku pe jókuae tëta pegua reta; ërei iñɨ̈ro reta jókuae omombeu chupe reta vae pe jare opaete jëtara reta pe.