JOSUÉ 6:22 - Biblia Guarani Tumpa Iñee

²² Ërei Josué jei jókuae mókoi kuimbae reta opa yogüɨraja omae ɨvɨ re vae pe: “Peike jókuae kuña iyaguasa pota vae jo pe jare penoe joko güi jókuae kuña jare opaete imbae vae reta, pe perökuavee Tumpa jee re chupe rami.”

JOSUÉ 6:22 ပူးပေါင်းရင်းမြစ်များ

2 SAMUEL 21:2

Jayave mburuvicha guasu oenɨi Gabaón pegua reta, jare imiari jae reta ndive. (Gabaón pegua reta, mbaetɨ ko Israel iñemuña reta, amorreo reta iñemuñagüe ko, jókuae Israel iñemuña reta oyapo arakae ñererökuavee chupe vae reta agüɨye vaerä oyuka; kuae reta yepe Saúl opa pota tëi oyuka, Israel jare Judá pegua reta re jägüɨro ramo.)

2 SAMUEL 21:7

Mburuvicha guasu iñɨ̈ro Mefi-boset, Jonatán taɨ pe, jae ko Saúl jɨmɨmino. Jókuae ñererökuavee päve yandeYa jee re David jare Jonatán oyapo reta oyoupe vae.

SALMOS 15:4

omotareɨ omae, oñemotareɨuka vae re vae, ërei güɨnoi mboromboete jókuae Tumpa güi oipoɨu vae re; ombopo avei iñee, yepe tëi yavai, mbaetɨ oipoepɨ iyemongeta.

EZEQUIEL 17:13

Javoi oiparavo metei mburuvicha guasu iñemuña pegua güi, jare oyapo morogüɨrökuavee päve jae ndive, jeiuka chupe Tumpa jee re oiko vaerä jae jeia re; jare güɨraja jupíe tuichagüe reta jókuae ɨvɨ güi,

EZEQUIEL 17:16

Che jae cheyé aeño jei yandeYa Tumpa, omanota ko Babilonia pe, jókuae mburuvicha guasu oñono tëi mburuvicharä Judá pe vae oikoa pe, echa jae mbaetɨ ombopo iñee jare morogüɨrökuavee päve mburuvicha guasu ndive oyapo vae güɨrokomegua.

Hebreos 11:31

Iporogüɨrovia rupi kuña iyaguasa pota vae Rahab mbaetɨ okañɨtei oporogüɨroviambae reta ndive, Echa jae omboresive kavi Israel pegua temimondo oporopïaro vae reta.

JOSUÉ 6:17

Kuae tëta guasu, yandeYa oñono tee kañɨtei peguarä, opaete mbaembae oï pɨpe vae ndive; jaeño Rahab iyaguasa pota vae oikoveta opaete jo pe ñogüɨnoi vae ndive, echa yambou omae vae reta omoñemi.

JOSUÉ 6:23

Jayave oporopïaro vae reta oike jare güɨnoe Rahab, jare tu, ichɨ, ikɨvɨ reta, jare opaete imbae vae reta; güɨnoe reta vi opaete jëtara, jare oñono reta Israel iñemuña reta jeyupa güi ikatu pe.

JOSUÉ 9:15

Jayave Josué oyapo ñemoïru mbɨakatu pegua jae reta ndive, agüɨye vaerä oyuka reta; jaeramiño vi oñererökuavee Tumpa jee re, Israel iñemuña mburuvicha reta.

JUECES 1:25

Jare jókuae kuimbae omombeu chupe reta kerupi oike reta vaerä jókuae tëta pe, jare jae reta oike opa oyuka kɨsepuku pe jókuae tëta pegua reta; ërei iñɨ̈ro reta jókuae omombeu chupe reta vae pe jare opaete jëtara reta pe.