JOSUÉ 6:2 - Biblia Guarani Tumpa Iñee

² Ërei yandeYa jei Josué pe: “Mase, che amee Jericó ndepo pe, jare joko pegua mburuvicha guasu opaete kuimbae ñeraro regua ndive.

JOSUÉ 6:2 ပူးပေါင်းရင်းမြစ်များ

2 SAMUEL 5:19

Jayave David oparandu yandeYa pe jei reve: —¿Aëta pa añoraro filisteo reta ndive? ¿Remoamɨriuka retata pa cheve? Jayave yandeYa jei chupe: —Eë chupe, echa ameeta ndepo pe, remoamɨri reta vaerä.

NEHEMÍAS 9:24

Jare jae reta oike opɨ̈ro ɨvɨ Canaán, jare remomichi jae reta jóvai opaete kuae ɨvɨ pegua reta, juvicha guasu reta, opaete kuaeɨgua reta, jökorai jae reta oyapo vaerä chupe ipɨa jemimbota.

DANIEL 2:21

Jae oipoepɨ ara reta jare año reta; jae oekɨ jare jae oñono mburuvicha guasu reta, arakuaa omee yarakuaa vae reta pe arakuaa katu omee yarakuaa katu vae reta pe.

DANIEL 2:44

Jare kuae mburuvicha guasu reta iara rupi, Tumpa ara pe oï vae omopüata metei mborookuaía mbaetɨ eteita oyemboai vae, jare mbaetɨta kuae mborookuaía oyeeya ïru tëta ipo pe; omonguruvita jare omokañɨteita opaete kuae mborookuaía reta, ërei jae oikota jekuae avei,

DANIEL 4:17

Kuae yemongeta oë ikotɨ vae araɨgua omaangareko vae reta güi ko, jókuae iyoambae reta güi, opaete oikove vae reta oikuaa vaerä Tuichagüe yae ete vae ko güɨnoi mbaepuere kuimbae reta iporookuaía re, echa jae omee kia nunga vae pe oipota omee yave, oñono mburuvicharä mbaeä etei kuimbae reta ipɨte pe vae.

DANIEL 4:35

Opaete ɨvɨ pegua reta mbaeä etei ko. Jae oyapo jemimbota ara pe jare ɨvɨ pegua reta pe. Mbaetɨ kia ipuere oyopia imbaepuere jare jei chupe: ¿Mbae pa reyapo?’

DANIEL 5:18

Tumpa Tuichagüe yae ete vae, omee neñemuñagüe Nabucodonosor pe mborookuaía, yembotuicha jare iyemboetea.

DEUTERONOMIO 7:24

Omeeta pepo pe mburuvicha guasu reta, jare pe reta pemboaita jee reta kuae ɨvɨ güi, ngaraa etei kia ipɨ̈rata peróvai opa regua pemboai.

JOSUÉ 12:9

Mburuvicha guasu reta ñamɨrigüe jae ko: Jericó pegua, Hai pegua, kuae tëta guasu oï Bet-el iyɨpɨ pe,

JOSUÉ 2:24

Jei reta Josué pe: “YandeYa omee yandepo pe opaete kuae ɨvɨ. Opaete kuae ɨvɨ ipo reta ipɨtu ñogüɨnoi yanderenonde.”

JOSUÉ 2:9

—Aikuaa peYa ko omee peve kuae ɨvɨ; echa opaete ore rokɨɨye yae pegüi. Opaete kuae tëta guasu pegua reta okɨɨye yae ko ñogüɨnoi pereko pegua.

JOSUÉ 20:1

YandeYa jei Josué pe:

JOSUÉ 6:1

Tëta guasu Jericó oyeokenda oï, oyeokenda kavi yae oï Israel iñemuña reta jeko pegua; mbaetɨ etei kia ave oike vae ani oë vae.

JOSUÉ 6:3

Opaete kuimbae ñeraro regua reta, peyere tëta guasu re metei vese ara ñavo; ova ara peyapo kuae.

JOSUÉ 8:1

YandeYa jei Josué pe: “Agüɨye ekɨɨye, agüɨye vi eyembopɨtu, emboatɨ ndeyeupe opaete kuimbae reta ñeraro regua, jare eporepeña tëta Hai re. Mase, che amee ko ndepo pe mburuvicha guasu Hai pegua, opaete joko pegua reta, tëta jare iɨvɨ.

JUECES 11:21

Ërei oreYa Israel iTumpa omee Sehón jare opaete vae, Israel iñemuña reta ipo pe, jare oporomoamɨri Israel iñemuña reta, jökorai oyemombae opaete jókuae ɨvɨ re amorreo reta yogüɨreko pɨpe vae re;

JUECES 11:24

Netumpa Quemos omee mbae ndeve yave, ¿ndembaeä pa? Jökorai ko oreYa Israel iTumpa opa omoë omombo vae reta imbaegüe opɨta orembaerä.