JOSUÉ 6:19 - Biblia Guarani Tumpa Iñee

¹⁹ Ërei opaete korepoti, oro, tembiporu jiero iyu vae pegua, jare jiero pegua, toñeñono tee yandeYa peguarä, jare toike yandeYa jo pe mbaembae jepɨ vae oñeñovatúa pe.”

JOSUÉ 6:19 ပူးပေါင်းရင်းမြစ်များ

2 SAMUEL 8:11

Jare David omee vi jókuae korepoti jare oro yandeYa peguarä, ïru korepoti jare oro reta ketɨ ketɨ güi, tëtaguasu reta omoamɨrigüe kotɨ güi güeru vae ndive oñemee rami:

1 REYES 14:26

jare opa opɨ̈ro yandeYa jo pe mbaembae jepɨ vae oñeñovatu vae jare mburuvicha guasu jo pe mbaembae jepɨ vae oñeñovatu vae opaetei güɨnoe; opaetei vi güɨraja yeopiaka oro pegua Salomón oyapogüe.

1 REYES 7:51

Mburuvicha guasu Salomón oyapouka yandeYa jo peguarä vae, opa oyeapo. Güɨraja vi tu David oñono tee yandeYa peguarä vae mbaembae reta oro pegua jare korepoti pegua, jare oñovatu yandeYa jo pe oï mbaembae oñeñovatúa pe.

2 REYES 24:13

Jaɨkue rupi Nabucodonosor güɨnoe joko güi opaete yandeYa jo pe mbaembae jepɨ vae oñeñovatu vae, jare opaete mbaembae jepɨ vae mburuvicha guasu jo pe oñeñovatu vae, jare opaetei oyoka mbaembae oro pegua, Salomón mburuvicha guasu Israel pegua oyapo yandeYa jo peguarä vae reta, yandeYa omoërakua rami.

1 CRÓNICAS 18:11

Opaete kuae mbaembae reta David omee yandeYa pe, oro jare korepoti opɨ̈ro tëtaguasu reta Edom, Moab, Amón iñemuña reta, filisteo reta jare Amalec reta güi vae ndive.

1 CRÓNICAS 26:20

Levita reta güi, Ahías ipo pe opɨta oyangareko vaerä Tumpa jo pe mbaembae jepɨ vae re, jare mbaembae jepɨ vae oñeñono tee Tumpa peguarä vae oñeñovatúa re.

1 CRÓNICAS 26:26

Selomit jëtara reta ndive güɨnoi ipo pe oyangareko vaerä opaete mbaembae David jare tëtara itenondegua reta, sundaro itenondegua reta, jare jeta vae reta itenondegua, sundaro ruvicha itenondegua reta oñono tee reta Tumpa peguarä vae oñeñovatúa re.

1 CRÓNICAS 26:27

Jae ko opɨ̈ro reta güeru ñeraroa güi vae jare omee reta tupao oyeapo kavi vaerä vae.

1 CRÓNICAS 26:28

Jaeramiño vi mbae re oecha voi vae Samuel, jare Saúl, Cis taɨ, jare Abner, Ner taɨ, jare Joab, Sarvia imembɨraɨe oñono tee reta Tumpa peguarä vae. Jare opaete mbaembae oñeñono tee Tumpa peguarä vae oï Selomit jare jëtara reta ipo pe.

1 CRÓNICAS 28:12

Omee vi chupe opaete oyemongeta oyapo vaerä vae iä oñejäa kavi reve tupao joka jare o raɨ reta ñogüɨnoita iyɨ́vɨri rupi vae, mbae jepɨ vae reta oñeñovatu pɨpe vaerä, jare mbota reta oñeñono tee vae oñeñovatu pɨpe vaerä,

2 CRÓNICAS 15:18

Jare güeru tupao guasu pe tu jare jae oñono tee Tumpa peguarä vae korepoti, oro jare tembiporu reta.

2 CRÓNICAS 31:12

oñono reta pɨpe mbaagüɨyerɨpɨ reta, jare payandepo ñavo vae güi metei oñemee vae reta jare mbaembae oñeñono tee yandeYa peguarä vae metei rami kavi. Jare oñono reta joko pe tenondeguarä, oyangareko vaerä opaete jókuae re levita Conanías jare jëtara Simei jae imborɨarä.

NEHEMÍAS 10:38

Jare jókuae levita reta yogüɨraja güeru vaerä jókuae payandepo güi metei vae yave, ojota jupíe metei sacerdote Aarón iñemuña. Javoi levita reta güɨraja yoapɨ yeta payandepo vae güi metei tupao guasu pe mbaembae oñeñovatúa pe, jókuae payandepo güi metei vae omboresivegüe güi,

JEREMÍAS 38:11

Jare Ebed-melec oeka kuimbae reta, jare oike mburuvicha guasu jo ɨvɨkotɨgua pe, mbaembae oñeñovatúa pe, jare güɨnoe joko güi tarapo indechigüe jare temimonde ipächagüe; jare tɨmasa pe ombogüeyɨ Jeremías pe jókuae ɨrɨru pe.

LEVÍTICO 19:24

Jare irundɨa año pe opaete iagüe peñono tee cheve,

MIQUEAS 4:13

¡Tëta guasu Sión, epüa jare embaembopiriri!, echa Tumpa jei: “Roapota toro ipɨ̈rata yae vae rami, toro jäti jiero rami jare ipɨ̈sa jiero iyu vae rami; remoamɨri vaerä jetagüe tëta guasu reta, jare reñono teeta cheve, jae reta opɨ̈rogüe, imbaeyekou reta reñono teeta opaete ɨvɨ iYa pe.”

NÚMEROS 31:11

Jare opaete mbaembae opɨ̈rogüe, kuña jare michia reta jare mɨmba reta,

NÚMEROS 31:12

güeru reta Moisés pe, sacerdote Eleazar jare opaete Israel iñemuña reta pe, Moab pegua ñuu, ɨ̈aka Jordán iyɨpɨ pe, Jericó re katu.

NÚMEROS 31:22

Oipotagüe mbaembae oro pegua, korepoti pegua, jiero iyu vae pegua, jiero pegua, estaño jare plomo pegua,

San Mateo 27:6

Jayave sacerdote reta itenondegua reta omonoo jókuae korepoti jare jei: —Jupiä ko ñañono ye vaerä kuae korepoti tupao pegua korepoti jɨru pe. Echa mano jepɨ ko.

San Marcos 12:41

Metei ara Jesús oguapɨ oï korepoti jɨru jóvai tupao pe, jare oecha kërai jeta yogüeru vae reta oñono korepoti pɨpe. Jare oikokatu vae reta oñono jeta rupi korepoti.

JOSUÉ 7:11

Israel iñemuña reta iyoa, oyavɨ cheporogüɨrökuavee päve che ayókuai reta tëi vae. Oipɨɨ reta mbaembae yepopeyu oï jese vae güi; oñomi reta, yapu reta, jare oñovatu reta imbaembae ipɨte pe.