JOSUÉ 6:18 - Biblia Guarani Tumpa Iñee

¹⁸ Ërei pe reta peyeandu jókuae kañɨtei peguarä oï vae güi; agüɨye peyavɨkɨ, agüɨye etei peupi peyeupe mbae yepe jókuae güi, echa güɨramoi peñonoukata vi Israel iñemuña reta jeyupa Tumpa iyepopeyu pe, jare pembosusereuka.

JOSUÉ 6:18 ပူးပေါင်းရင်းမြစ်များ

2 SAMUEL 21:1

David oiko mburuvicharä yave oiko karuai mboapɨ año rupi. Jayave David oparandu yandeYa pe, jare yandeYa jei chupe: “Kuae karuai ou ko Saúl jare taɨ reta jare jëtara reta jeko pegua, echa oyuka reta tëta Gabaón pegua kuimbae reta.”

ECLESIASTÉS 9:18

Arakuaa ko ikavi yae ete tembiporu ñeraro pegua güi. Ërei metei mbae yayavɨ vae güɨrokomegua jeta mbae ikavi vae.

JONÁS 1:12

Jare jae jei chupe reta: —Chepɨɨ jare chemombo ɨguasu pe, jare ɨguasu kïriita peve; echa aikuaa chereko pegua ko ou kuae ama ɨvɨtuai reve vae peve.

Romanos 12:9

Peyoaɨu añetetegüe rupi. Pemotareɨ ikavimbae vae, pemomoe ikavi vae.

2 Corintios 6:17

Jáeramo jae jei vi peve körai: “Peë jae reta ipɨte güi, pesɨrɨ, jei yandeYa. Agüɨye peyavɨkɨ mbae ikɨa Tumpa jóvai vae. Jare che pomboresiveta.

Efesios 5:11

Agüɨye etei peñemoïru pɨtumimbi pe yogüɨreko vae reta jembiapo pe, ërei pemboete ikavimbae ko jókuae reta jembiapo vae.

DEUTERONOMIO 13:17

Agüɨye topɨta pepo pe mbae nunga okañɨtei vaerä vae, yandeYa agüɨye vaerä iyarasɨ pekotɨ, jaeño togüɨnoi mboroparareko peré, jare tomee jeta vaerä peñemuña, güɨrökuavee jee re peñemuñagüe reta pe rami,

DEUTERONOMIO 23:10

Oime yave pepɨte pe kia nunga vae ikɨa Tumpa jóvai, pɨ̈tu yave rupi oyemongɨa vae jeko pegua, toë teyupa güi ikatu pe jare agüɨye toike pɨpe opaete jókuae ara.

DEUTERONOMIO 7:26

Agüɨye peru mbae pɨ̈chɨi vae pero pe, agüɨye vaerä yepopeyu oï jese vae peru, opaetei mbae peroɨ̈ro jare pɨ̈chɨi pemae jese, echa yepopeyu pe ko oï.

Santiago 1:27

Mborogüɨrovia ikavi jare ikɨambae yandeRu Tumpa jóvai vae, jae ko: Yamborɨ tɨ̈reɨ reta jare imemano vae reta oiporara ñogüɨnoi vae, jare yayeangareko ɨvɨ pegua ikavimbae vae güi.

JOSUÉ 7:1

Ërei Israel iñemuña reta ombaeyavɨ yandeYa iyepopeyu oï jese vae rupi; echa Acán, Carmi taɨ, Zabdi jɨmɨmino, Zera jɨmɨmino yoapɨ ye, Judá iñemuña pegua, oipɨɨ iyeupe yandeYa iyepopeyu pe oï vae. Jáeramo yandeYa iyarasɨ Israel iñemuña reta kotɨ.

JOSUÉ 7:13

Epüa, eñono tee cheve opaete vae, ere chupe reta: “Peñeñono tee Tumpa pe pɨareve peguarä; echa yandeYa, Israel iTumpa jei körai: ‘Pe Israel iñemuña reta, yepopeyu oï jese vae oime penoi; mbaetɨta pepuere peñeraro perovaicho reta ndive, peekɨ regua pepɨte güi jókuae yepopeyu oï jese vae.’ ”

JOSUÉ 7:15

Jare jókuae oñeväe jese mbaembae yepopeyu pe oï vae yave, topa toyeapɨ, opaete imbaembae ndive, echa oyavɨ ko cheporogüɨrökuavee päve kotɨ, jare oyapo ikavimbae Israel iñemuña reta ipɨte pe.

JOSUÉ 7:25

Jare Josué jei chupe: —¿Maera pa orembosusere? Tandembosusere yandeYa kuae ara. Jare opaete Israel iñemuña reta oyapi ita pe, jare opa oapɨ reta oyuka güire ita pe.

1 Juan 5:21

Cheraɨ aaɨu vae reta, peyeandu tumpa-raanga reta güi. ¡Amén!

1 SAMUEL 15:9

Jare Saúl jare isundaro reta mbaetɨ oyuka Agag, jare vecha ikavigüe reta, jare mɨmba tuichagüe reta, jare mɨmba oyemongɨragüe reta, jare vecha kuimbae reta, jare opaete mbaembae ikavigüe, mbaetɨ oipota reta opa omboai; ërei opaete mbae ikavimbae jare pɨ̈chɨi vae reta opa omboai.