JOSUÉ 6:17 - Biblia Guarani Tumpa Iñee

¹⁷ Kuae tëta guasu, yandeYa oñono tee kañɨtei peguarä, opaete mbaembae oï pɨpe vae ndive; jaeño Rahab iyaguasa pota vae oikoveta opaete jo pe ñogüɨnoi vae ndive, echa yambou omae vae reta omoñemi.

JOSUÉ 6:17 ပူးပေါင်းရင်းမြစ်များ

GÉNESIS 12:3

Cheporerekuata iporerekua nderé vae reta re, ërei ayepopeyuta oyepopeyu nderé vae reta re; nderupi opaete ɨvɨ pegua reta oyekouta.”

ESDRAS 10:8

Jare mboapɨ araa rupi kia nunga mbaetɨ ou yave, toñepɨ̈ro opaete imbaembae chugüi, mburuvicha reta jare tenondegua reta jei rami, jare toyemombo tembipɨɨ güi oyerova ye vae reta ipɨte güi.

ISAÍAS 34:6

YandeYa ikɨsepuku tugüɨ katuai jare mbaekɨra katuai oï, vecha kuimbae taɨrusu vae jare kavara kuimbae jugüɨgüe pe rami, vecha kuimbae ipɨ̈rɨkɨti ikɨragüe pe rami, echa yandeYa oporoyukata tëta guasu Bosra pe, jare jeta oyukata ɨvɨ Edom pe.

JEREMÍAS 46:10

Jae ko kuae yandeYa Imbaepuere yae ete vae iporojäa iara, jae ko ara oiporarauka vaerä oyovaicho ikotɨ vae reta pe, kɨsepuku oporoyukata yangapɨɨ regua, tugüɨ pe oyembosavaɨpo regua. Echa yandeYa Imbaepuere yae ete vae etei ko oporoyukaukata Ɨvɨtuguasu kotɨgua tëtaguasu pe, ɨ̈aka Éufrates jembeɨ pe.

EZEQUIEL 39:17

YandeYa jei cheve: “Nde kuimbae, ere oipotagüe güɨra reta pe, jare opaete mɨmba pochɨ vae reta pe: Peyomboatɨ jare peyu; peyomboatɨ oipota rupi güi ambaeyuka pevea pe ɨvɨtɨ reta Israel pegua pe, peu soo jare peɨu tugüɨ re.

LEVÍTICO 27:21

Jare año yeyora pegua pe jókuae ɨvɨ oyeyora vae, toñeñono tee topɨta cheveguarä, topɨta sacerdote imbaerä.

MIQUEAS 4:13

¡Tëta guasu Sión, epüa jare embaembopiriri!, echa Tumpa jei: “Roapota toro ipɨ̈rata yae vae rami, toro jäti jiero rami jare ipɨ̈sa jiero iyu vae rami; remoamɨri vaerä jetagüe tëta guasu reta, jare reñono teeta cheve, jae reta opɨ̈rogüe, imbaeyekou reta reñono teeta opaete ɨvɨ iYa pe.”

San Mateo 25:40

Jayave che Mburuvicha guasu jaeta chupe reta: ‘Opaete peyapo kuae cherɨvɨ reta michi vae pe vae, peyapo ko cheve etei.’

1 Corintios 16:22

Kia mbaetɨ oaɨu yandeYa Jesucristo vae, Tumpa toiporarauka chupe. ¡Eyu oreYa!

1 Corintios 2:7

Ërei oremiari ko Tumpa iyarakuaa yaikuaa rapembae vae, arakuaa oñemi vae; kuae ko Tumpa ombosɨrɨ ndei ɨvɨ oyeapo mbove, yayemboeteuka vaerä.

Gálatas 3:10

Echa opaete oyeko oyembojupi vaerä mborookuai jei vae rupi vae reta, ñogüɨnoi ko yepopeyu igüɨ pe. Echa oyekuatía oï körai: “Tijeko opaete mbaetɨ omboete ani mbaetɨ oyapo kuae mborookuai reta jeigüe vae.”

Gálatas 3:12

Jare mborookuai mbaetɨ ko mborogüɨrovia pegua. Echa oyekuatía oï körai: “Kuaekuae oyapo vae, oikoveta jókuae re.”

DEUTERONOMIO 20:17

opaetei pemboai heteo reta, amorreo reta, cananeo reta, ferezeo reta, heveo reta jare jebuseo reta, yandeYa Tumpa peokuai rami,

Hebreos 11:31

Iporogüɨrovia rupi kuña iyaguasa pota vae Rahab mbaetɨ okañɨtei oporogüɨroviambae reta ndive, Echa jae omboresive kavi Israel pegua temimondo oporopïaro vae reta.

Hebreos 6:10

Echa Tumpa jupi vae ko, ngaraa iñakañɨ peyapo vae güi, jare peporoaɨu peechauka ikotɨ vae güi, echa peyeokuai oporogüɨrovia vae reta pe añave regua.

Santiago 2:25

Jökorai vi Rahab aguasa rupi oiko vae oyembojupiuka jembiapo reta rupi, Israel pegua ñee jerajaa reta omboresive yave jo pe, jare omondo ye ambuae tape rupi yave.

JOSUÉ 2:1

Josué, Nun taɨ omondo vɨari Sitim güi mókoi oporopïaro vae, jei reve chupe reta: “Pekua pemae ɨvɨ re jare tëta guasu Jericó re.” Jayave jae reta opa yogüɨraja jare oike reta opɨta metei kuña iyaguasa pota vae, Rahab jee vae jo pe.

JOSUÉ 2:22

Jare yogüɨraja ɨvɨtɨ kotɨ, joko pe yogüɨreko mboapɨ ara rupi, oaɨkuemoña vae reta oyerova ye regua; jare oaɨkuemoña vae reta oeka tëi opaete tape rupi, ërei mbaetɨ oväe reta chupe.

JOSUÉ 7:1

Ërei Israel iñemuña reta ombaeyavɨ yandeYa iyepopeyu oï jese vae rupi; echa Acán, Carmi taɨ, Zabdi jɨmɨmino, Zera jɨmɨmino yoapɨ ye, Judá iñemuña pegua, oipɨɨ iyeupe yandeYa iyepopeyu pe oï vae. Jáeramo yandeYa iyarasɨ Israel iñemuña reta kotɨ.

1 SAMUEL 15:3

Jáeramo, ekua eporepeña Amalec iñemuña reta re, jare opa emboai opaete mbaembae güɨnoi vae, agüɨye nepïri jese reta; eyuka kuimbae reta, kuña reta, michia reta, jare oa ramo vae reta ave, guaka reta, vecha reta, camello reta jare mburika reta.”

1 SAMUEL 15:6

Jare Saúl jei ceneo reta pe: —¡Pesɨrɨ jare peë Amalec iñemuña reta ipɨte güi agüɨye vaerä pomokañɨtei jae reta ndive, echa pe reta pemboyekuaa peporoparareko Israel iñemuña reta kotɨ yogüeru reta yave Egipto güi! Jayave ceneo reta asɨrɨ Amalec iñemuña reta güi.