JOSUÉ 6:1 - Biblia Guarani Tumpa Iñee

¹ Tëta guasu Jericó oyeokenda oï, oyeokenda kavi yae oï Israel iñemuña reta jeko pegua; mbaetɨ etei kia ave oike vae ani oë vae.

JOSUÉ 6:1 ပူးပေါင်းရင်းမြစ်များ

2 SAMUEL 10:5

David oikuaa jókuae yave omondo oövaiti reta vaerä jei reve chupe reta: “Pepɨta Jericó pe, okuakuaa ye perañɨka-raa regua, jayave ramo peyu ye.” Echa jae reta imara yae yogüɨreko reta.

2 REYES 17:4

Ërei mburuvicha guasu Asiria pegua oipokou Oseas oñemopüa vɨari ko oiko ikotɨ vae; echa omondo jekovia pe kuimbae reta imiari vaerä So mburuvicha guasu Egipto pegua ndive, jare mbaetɨ ombaemboepɨ oiko año ñavo oyapose rami; jáeramo mburuvicha guasu Asiria pegua oñono tembipɨɨrɨru pe,

2 REYES 2:4

Jaɨkue rupi Elías jei Eliseo pe: —Epɨta kuae pe, echa yandeYa chemondo Jericó kotɨ. Ërei Eliseo jei chupe: —YandeYa jee re jare nderee re, ¡ngaraa roeya! Jayave yogüɨraja päve reta Jericó kotɨ.

SALMOS 127:1

YandeYa iporomborɨ mbaetɨ yave, oparavɨkɨiño ma ko tupao imopüaa reta. YandeYa mbaetɨ yave oyangareko tëta guasu re, oyangarekoiño ma ko tëta guasu iyangarekoa reta.

JOSUÉ 16:7

Janoa güi ogüeyɨ Atarot jare Naarat kotɨ, jare ojo oya Jericó re, javoi oë ɨ̈aka Jordán kotɨ.

JOSUÉ 18:21

Tëta guasu reta, Benjamín iñemuña reta jëtara ñavo pe oyemboyao vae jae ko: Jericó, Bet-hogla, ɨvɨtɨ päu Casis,

JOSUÉ 2:1

Josué, Nun taɨ omondo vɨari Sitim güi mókoi oporopïaro vae, jei reve chupe reta: “Pekua pemae ɨvɨ re jare tëta guasu Jericó re.” Jayave jae reta opa yogüɨraja jare oike reta opɨta metei kuña iyaguasa pota vae, Rahab jee vae jo pe.

JOSUÉ 2:24

Jei reta Josué pe: “YandeYa omee yandepo pe opaete kuae ɨvɨ. Opaete kuae ɨvɨ ipo reta ipɨtu ñogüɨnoi yanderenonde.”

JOSUÉ 2:7

Jare jókuae kuimbae reta yogüɨraja jaɨkue ɨ̈aka Jordán kotɨ tape ojo vae rupi, opa yogüɨraja oväe ɨ jembeɨ tɨpɨmbaea pe. Jare oyeokenda tëta guasu jöke oporoaɨkuemoña vae reta opa yogüɨraja güire.

JOSUÉ 5:15

Jare yandeYa isundaro reta Juvicha jei Josué pe: —Eekɨ ndepɨapaa ndepɨ güi, echa kuae reïa Tumpa pe oñeñono tee vae ko. Jare Josué jökorai oyapo.

JOSUÉ 6:2

Ërei yandeYa jei Josué pe: “Mase, che amee Jericó ndepo pe, jare joko pegua mburuvicha guasu opaete kuimbae ñeraro regua ndive.