JOSUÉ 5:7 - Biblia Guarani Tumpa Iñee

⁷ Jókuae jeko pegua Josué ombocircuncida jókuae kuimbae taɨ reta, yandeYa oiparavo jókuae kuimbae reta jekoviarä vae reta; echa mbaetɨ oyembocircuncida reta oguata reta ñuu rupi yogüɨreko yave.

JOSUÉ 5:7 ပူးပေါင်းရင်းမြစ်များ

GÉNESIS 34:14

Jei reta chupe reta: —Mbaetɨ orepuere romee orereindɨ kuimbae oyembocircuncidambae pe, echa kuae pɨ̈chɨi yae ko oreve.

NÚMEROS 14:31

Ërei ngatu, pemichia reta perokɨɨye tëi tembipɨɨrä güi vae, che aroike retata, jare jae reta oikuaata jókuae ɨvɨ, pe reta peröɨro vae.

DEUTERONOMIO 1:39

Jare pemichia reta pe, tembipɨɨrä yogüɨrekota pere chupe vae, ndei ave oikuaa ikavi vae ani ikavimbae vae, jae reta oiketa jókuae ɨvɨ pe, chupe reta ameeta ɨvɨ imbaerä.

JOSUÉ 5:6

Echa Israel iñemuña reta oguata yogüɨreko ñuu rupi cuarenta año, opaete kuimbae ñeraro regua opa ma omano regua, yandeYa iñee mbaetɨ güɨrovia reta jeko pegua; jáeramo yandeYa jee re ae jei chupe reta, mbaetɨta oechauka chupe reta iñemuñagüe reta pe jae güɨrökuavee jee re ae ɨvɨ omee vaerä vae, ɨvɨ ikavi yae vae.

JOSUÉ 5:8

Opa ma oyembocircuncida reta yave, opɨta reta jókuae ñogüɨnoia peño teyupa pe, opa okuera reta regua.