JOSUÉ 5:1 - Biblia Guarani Tumpa Iñee

¹ Opaete mburuvicha guasu, amorreo reta juvicha reta ɨ̈aka Jordán güi kuaraɨ oikea kotɨ ñogüɨnoi vae reta jare opaete mburuvicha guasu Canaán pegua reta, köiño yogüɨreko ɨguasu güi vae reta oendu kërai yandeYa opa omondɨpa ɨ̈aka Jordán Israel iñemuña reta opa oasa regua yave, okɨɨye yae reta, mbaetɨ oñemokɨ̈reɨ reta oñeraro vaerä Israel iñemuña reta ndive.

JOSUÉ 5:1 ပူးပေါင်းရင်းမြစ်များ

GÉNESIS 12:6

Abram ojo ma oväe ɨvɨ Canaán pe yave, ojo More pe, tëta Siquem jee vae pe; jare kuimbae cananeo reta oimeño mai yogüɨreko jókuae ɨvɨ pe.

GÉNESIS 48:22

Jare tuicha amee ndeve nderɨkeɨ reta güi, amee ndeve Siquem, ñoraro pe apɨ̈ro amorreo reta güi vae.

2 SAMUEL 21:2

Jayave mburuvicha guasu oenɨi Gabaón pegua reta, jare imiari jae reta ndive. (Gabaón pegua reta, mbaetɨ ko Israel iñemuña reta, amorreo reta iñemuñagüe ko, jókuae Israel iñemuña reta oyapo arakae ñererökuavee chupe vae reta agüɨye vaerä oyuka; kuae reta yepe Saúl opa pota tëi oyuka, Israel jare Judá pegua reta re jägüɨro ramo.)

1 REYES 10:5

jaeramiño vi tembíu imesa pe oï vae, jare iyɨvɨrigua mburuvicha reta jo, oyeokuai chupe vae reta jemimonde jare kërai yogüɨreko vae, jare oporoëɨ vae itenondegua reta, jare yandeYa jo pe omee mɨmba oyeyukagüe opaetei oyeapɨ vae reta yave, ipɨakañɨ opɨta.

ESDRAS 9:1

Opa oyeapo kuaekuae reta yave, mburuvicha reta yogüeru chekotɨ jei reve: “Israel iñemuña reta, sacerdote reta, jare levita reta mbaetɨ oyembosɨrɨ kuae ɨvɨ pegua tëta reta güi, jae ko cananeo reta, heteo reta, ferezeo reta, jebuseo reta, amonita reta, moabita reta, Egiptoɨgua reta jare amorreo reta güi, oyapo reta teko pɨ̈chɨi jae reta rami.

SALMOS 135:11

Sehón, amorreo reta juvicha guasu, Og, mburuvicha guasu Basán pegua, jare opaete mburuvicha guasu Canaán pegua.

ÉXODO 23:28

Amondota perenonde kɨɨye, omoë vaerä ombotekuarai; heveo, cananeo jare heteo reta perenonde güi.

ISAÍAS 41:5

Tëtaguasu reta ɨguasu jembeɨ rupigua Tumpa oikuaambae reta oecha jare okɨɨye yae reta; opaetei ɨvɨ okana. Ko ma yogüeru, köi ma yogüeru.”

EZEQUIEL 16:3

Ere chupe reta: ‘Körai jei yandeYa Tumpa Jerusalén regua: Jerusalén, ndeɨpɨ jare rea pɨpe vae jae ko ɨvɨ Canaán; nderu jae ko amorreo jare ndesɨ jae ko Het iñemuña pegua.

EZEQUIEL 21:7

Jae reta jei yave ndeve: ¿Maera pa reyaeo? Nde ere chupe reta: Oime mbae jërakua; jare jókuae oyeapota yave, opaete vae ipɨatɨtɨta, mbaetɨ etei kia ipuereta mbae oyapo, orɨrɨita okɨɨye güi. Ko ma ou jare oyeapota, che ndeYa Tumpa jae.”

DANIEL 5:6

Jayave mburuvicha guasu opa jovaiyu, jare mbaetɨ etei oikuaa mbae jei vaerä, jare jete opa jëogüe, itava oyotaa päve oyoe.

AMÓS 2:9

Che ko opa amboai peve amorreo reta, jae reta ko pukugüe tëi ɨ̈vɨrare rami, jare täta ɨvɨra encina rami; opaetei ko amboai.

NÚMEROS 13:29

Amalec iñemuña reta oime ñogüɨnoi Neguev pe, heteo reta, jebuseo reta jare amorreo reta ñogüɨnoi ɨvɨtɨ reta re, jare cananeo reta ñogüɨnoi ɨguasu jare ɨ̈aka Jordán ipäu pe.

JOSUÉ 17:12

Ërei Manasés iñemuña reta mbaetɨ ipuere güɨnoe omombo jókuae tëta guasu pegua reta; jökorai cananeo reta opɨta yogüɨreko jókuae ɨvɨ pe.

JOSUÉ 17:18

jókuae ɨvɨ pembaerä ko; yepe tëi ɨvɨra katuai, pe opata peitɨ jare pepɨ̈rota pembaerä opaetei; echa opata pemoë pemombo cananeo reta, yepe tëi käretou jiero pegua güɨnoi reta ani imbaepuere yae reta tëi reve.

JOSUÉ 24:15

Ërei mbaetɨ peipota peyeokuai yandeYa pe yave, peiparavo peyeupe kia pe peyeokuai vaerä; tumpa reta, peñemuñagüe reta oyeokuai ɨ̈aka Éufrates jembeɨ pe yogüɨreko yave vae pe, ani amorreo reta kuae ɨvɨ pe yogüɨreko vae reta itumpa pe. Ërei che jare chero pegua reta ndive royeokuaita yandeYa peño.

JOSUÉ 3:16

jare ɨ ou ɨvate kotɨ güi vae opa opɨta meteia pe mombɨrɨ tëta Adam güi, tëta Saretán iyɨpɨ pe oï vae; jare ɨ ogüeyɨ Arabá, Ɨguasu Jembochɨ vae kotɨ vae opa tɨpa. Jökorai ɨ oyemboyao; jare opaete vae oasa Jericó oïa re katu.

JOSUÉ 3:17

Ërei sacerdote reta, yandeYa ikäjou morogüɨrökuavee päve pegua güɨraja vae reta ñogüɨnoi otini vae pe, ɨ̈aka Jordán mbɨte pe, opaete vae oasa regua; jare opaete Israel iñemuña reta oasa ɨvɨ otini vae rupi.

Apocalipsis 18:10

Ërei jae reta oyemboɨta mombɨrɨ tëta guasu güi, okɨɨye ramo oiporara oï vae güi, jei reve: “Paravete tëta guasu Babilonia, tëta guasu imbaepuere yae vae; echa neparanoe oväe reiporara yae vaerä.”

JUECES 1:1

Josué omano güire, Israel iñemuña reta oparandu yandeYa pe oikuaa reta vaerä kia nunga ñemuña ra tenonde oyeupita ojo oñeraro cananeo reta ndive.

JUECES 11:23

Jayave, ¿nde reipota pa opa renoe remombo oreYa opɨ̈ro amorreo reta güi jare omee Israel iñemuña reta imbaerä vae?

JUECES 3:3

Opɨta pandepo filisteo reta juvicha, opaete cananeo reta, Sidón pegua reta jare heveo reta ɨvɨtɨ Líbano pe yogüɨreko vae reta, ɨvɨtɨ Baal-hermón güive ojoi oya tëta guasu Hamat re.

JUECES 4:2

jare yandeYa omee reta Jabín mburuvicha guasu Canaán pegua ipo pe, oporookuai tëta Hazor pe vae. Isundaro reta juvicha ko jae Sísara, jae oiko Haroset-goim pe.

1 SAMUEL 25:37

Ërei pɨareve ndeimbove pe, Nabal mbaetɨ ma osavaɨpo yave, Abigail imiari kavi chupe mbae ko oasa vae re, jayave Nabal omano tëi jare jete jëogüe opɨta.