JOSUÉ 4:19 - Biblia Guarani Tumpa Iñee

¹⁹ Israel iñemuña reta oasa ɨ̈aka Jordán ara payandepo tenondegua yasɨ pe, jare oyembojeyupa reta Gilgal pe, Jericó güi kuaraɨ oëa kotɨ.

JOSUÉ 4:19 ပူးပေါင်းရင်းမြစ်များ

2 REYES 2:1

YandeYa oupita Elías metei kusumirou pe ara kotɨ yave, Elías, Eliseo ndive yogüeru yogüɨreko Gilgal kotɨ güi.

AMÓS 4:4

“Pekua Bet-el pe peyoa peikuaa reve, pemoïru pepɨapochɨ Gilgal pe, peru ndeimbove yave mɨmba oyeyukata vae, jare pediezmo mboapɨ ara ñavo.

AMÓS 5:5

Agüɨye pekua Bet-el kotɨ ani Gilgal kotɨ, agüɨye pekua Beerseba kotɨ, echa Gilgal oyererajaukata ɨvɨ ambuae pe tembipɨɨrä jare Bet-el opata oyemboai.”

MIQUEAS 6:5

Chembae vae reta, pemaendúa añave, Balac mburuvicha guasu Moab pegua iyemongeta reta re, jare Balaam, Beor taɨ omboyevɨ ñee chupe vae re; pemaendúa tëta Sitim güi Gilgal kotɨ kërai peasa vae re, peikuaa vaerä yandeYa kërai oyapo jupi vae.”

DEUTERONOMIO 1:3

Cuarenta añoa pe, yasɨ oncea pe, tenondegua ara pe opa güire Moisés omoamɨri Sehón, amorreo reta juvicha guasu Hesbón pegua, jare Og, Basán pegua mburuvicha guasu, Astarot pegua ɨvɨ Edrei pe, Moisés omombeu Israel iñemuña reta pe, opaete mbaembae Tumpa oyókuai jae reta oyapo vaerä vae.

DEUTERONOMIO 11:30

Kuae ɨvɨtɨ reta ñogüɨnoi ko Jordán jovaicho pe, tape kuaraɨ oikea kotɨ rupi oasa vae iyɨ́vɨri rupi kutɨ ñogüɨnoi vae, cananeo reta iɨvɨ pe, Arabá Gilgal jóvai yogüɨreko vae reta, ɨvɨra encinarupa More pegua güi köiño.

JOSUÉ 10:43

Javoi Josué jare opaete Israel iñemuña reta oyerova ye teyupa kotɨ Gilgal pe.

JOSUÉ 10:6

Jayave Gabaón pegua reta güɨrajauka ñee Josué pe, Gilgal pe teyupa pe: “Agüɨye eñemoäteɨ oremborɨ vaerä. Eyu jarembae pegua oremborɨ jare orereepɨ, echa opaete amorreo reta juvicha guasu reta ɨvɨtɨ re yogüɨreko vae reta oñomoïru oñeraro vaerä ore ndive.”

JOSUÉ 15:7

javoi oyeupi ɨvɨtɨ päu Acor güi Debir kotɨ, jare ɨvɨtuguasu kotɨ Gilgal kotɨ, Adumín ikúa jóvai oï vae, ɨ̈aka raɨ güi arayevɨ kotɨ oï vae; joko güi oasa ye ɨesaɨ En-semes rupi, jare oë ɨesaɨ Rogel rupi;

JOSUÉ 24:11

Jare peasa ɨ̈aka Jordán jare peyu Jericó pe. Jericó pe yogüɨreko vae reta oñeraro pe ndive: Amorreo reta, ferezeo reta, cananeo reta, heteo reta, gergeseo reta, heveo reta jare jebuseo reta, ërei che amee pepo pe opa pemoamɨri vaerä.

JOSUÉ 4:18

jare sacerdote reta, yandeYa ikäjou morogüɨrökuavee päve pegua güɨraja vae reta ñogüɨnoe ɨ̈aka Jordán güi ɨvɨ otinía pe oyemboɨ ñoete ɨ̈aka Jordán pegua ɨ opa ye oyea, jare oyepɨyere yere etei osɨrɨ ye tenonde rami.

JOSUÉ 5:10

Israel iñemuña reta oyembojeyupa Gilgal pe, jare oyapo reta arete Pascua jókuae yasɨ ara catorce pe, kaaru yave, ɨvɨpe kavi Jericó pe.

JOSUÉ 5:9

Jare yandeYa jei Josué pe: “Kuae rupi ambosɨrɨ pegüi Egiptoɨgua reta opuka omae peré vae.” Kuae jeko pegua jee Gilgal añave rupi.

JOSUÉ 9:6

Jare yogüeru reta Josué pɨri teyupa pe, Gilgal pe, jei reta chupe jare Israel iñemuña reta pe: —Mombɨrɨ güi ko royu. Peyapo ñemoïru ore ndive.

1 SAMUEL 10:8

Javoi ekua cherenonde Gilgal pe; jayave che ajata ndépɨri amee vaerä mɨmba oyeyukagüe opa etei oyeapɨ vae, jare mɨmba oyeyukagüe yembopɨakatu pegua. Reärota chiu ara, che aja aväe ndépɨri regua, jare amombeuta ndeve mbae ko reyapota vae.

1 SAMUEL 15:33

Jare Samuel jei: —Ndekɨsepuku pe reeya jeta kuña reta imembɨmbae, jökoraita opɨta ndesɨ imembɨmbae ïru reta ipɨte pe. Jayave Samuel opa oyasɨa sɨa Agag yandeYa jóvai Gilgal pe.