JOSUÉ 4:18 - Biblia Guarani Tumpa Iñee

¹⁸ jare sacerdote reta, yandeYa ikäjou morogüɨrökuavee päve pegua güɨraja vae reta ñogüɨnoe ɨ̈aka Jordán güi ɨvɨ otinía pe oyemboɨ ñoete ɨ̈aka Jordán pegua ɨ opa ye oyea, jare oyepɨyere yere etei osɨrɨ ye tenonde rami.

JOSUÉ 4:18 ပူးပေါင်းရင်းမြစ်များ

1 CRÓNICAS 12:15

Kuae reta ko oasa ɨ̈aka Jordán, tenondegua yasɨ año omboɨpɨ vae pe tuicha yae ɨ iara pe, jare ombotekuarai reta ɨvɨpe kavi rupigua kuaraɨ oëa kotɨgua jare kuaraɨ oikea kotɨgua reta.

ISAÍAS 8:8

outa oväe Judá pe jare opaeteita tɨnɨe, iyayu rupi opɨtata jese. Güɨra omoata ipepo vae ramita, opata oyasoi ndeɨvɨ, Emanuel.”

JOSUÉ 3:13

Jare sacerdote reta, yandeYa opaete ɨvɨ iya ikäjou güɨraja vae reta ipɨ ñäkɨ ma yave, ɨ̈aka Jordán pegua ɨ oyemboyaota; echa ɨvate kotɨ güi ɨ ou vae oyemboatɨta meteia pe.”

JOSUÉ 3:15

jare sacerdote reta käjou güɨraja vae reta oike ramboeve ɨ̈aka Jordán pe, ipɨ ñäkɨ ɨ jembeɨ pe (echa ɨ̈aka Jordán oyepɨyereñoi ko jembeɨ rupi mbaarɨvo iara pe),

JOSUÉ 4:11

jökorai opaete ma jovaicho kotɨ oasa vae yave, oasa vi sacerdote reta, yandeYa ikäjou güɨraja vae reta, jare opa yogüɨraja oñeñono ye opaete vae jenonde.

JOSUÉ 4:17

Jökorai Josué oyókuai sacerdote reta ñogüɨnoe vaerä ɨ̈aka Jordán güi,

JOSUÉ 4:19

Israel iñemuña reta oasa ɨ̈aka Jordán ara payandepo tenondegua yasɨ pe, jare oyembojeyupa reta Gilgal pe, Jericó güi kuaraɨ oëa kotɨ.