JOSUÉ 4:12 - Biblia Guarani Tumpa Iñee

¹² Oasa vi Rubén jare Gad iñemuña reta jare Manasés iñemuña reta oyemboyaogüe. Oasa reta jembiporu ñeraro pegua reve reve, jare yogüɨraja jëtara Israel iñemuña reta jenonde, Moisés jei chupe reta rami.

JOSUÉ 4:12 ပူးပေါင်းရင်းမြစ်များ

ÉXODO 13:18

Jáeramo Tumpa güɨraja ñuu rupi tape ojo Ɨguasu Pɨ̈ta vae kotɨ vae rupi, jokoropi oyere reta vaerä yogüɨraja. Jare ñogüɨnoe Israel iñemuña reta Egipto güi jembiporu ñeraro pegua reve reve.

NÚMEROS 1:24

Gad iñemuña reta güi, tëtara ñavo rupi, metei tu ñavo rupi, omoapɨta reta jee ñavo rupi opaete kuimbae veinte año güi kutɨ, opaete ipuere ma ñeraro pe yogüɨraja vae reta;

NÚMEROS 32:17

Javoi ore royupavota tembiporu ñeraro pegua ndive rojo vaerä Israel iñemuña reta jenonde; rogüɨraja regua rogüɨroike jae reta yogüɨrekotaa pe; oremichia reta ñogüɨnoi ramboeve tëta reta oñekëse kavía pe, kuae ɨvɨ pegua reta güi.

DEUTERONOMIO 3:18

Jayave che poyókuai, körai: ‘YandeYa Tumpa omee peve kuae ɨvɨ pembaerä. Ërei peota perëtara Israel iñemuña reta ndive opaete oikatu oñeraro vae, tembiporu ñeraro pegua ndive.

DEUTERONOMIO 33:21

Gad iñemuña reta opɨta ɨvɨ kavi ndive, mburuvicha iɨvɨ oñemee chupe. Yogüɨraja tëta reta jenonde, oyapo reta Tumpa jemimbota, oyapo reta jupi vae Israel iñemuña reta pe.”

JOSUÉ 1:14

Perembireko reta, pemichia reta jare perɨmba reta topɨta kuae ɨvɨ pe, Moisés omee peve kuae ɨ̈aka Jordán jovaicho kotɨ vae pe. Ërei opaete kuimbae jëia vae reta toyogüɨraja tembiporu ñeraro pegua ndive jëtara reta jenonde, omborɨ vaerä,

JOSUÉ 4:11

jökorai opaete ma jovaicho kotɨ oasa vae yave, oasa vi sacerdote reta, yandeYa ikäjou güɨraja vae reta, jare opa yogüɨraja oñeñono ye opaete vae jenonde.

JOSUÉ 4:13

Cuarenta mil rupi jókuae kuimbae reta jembiporu ñeraro pegua reve reve, oïndaivi ñeraro peguarä vae yogüɨraja ɨvɨpe kavi Jericó kotɨ yandeYa jenonde.