JOSUÉ 3:8 - Biblia Guarani Tumpa Iñee

⁸ Nde eyókuai sacerdote reta käjou morogüɨrökuavee päve pegua güɨraja vae reta oväe ma yave ɨ̈aka Jordán jembeɨ pe, toike reta toyemboɨ ɨ mbɨte pe.”

JOSUÉ 3:8 ပူးပေါင်းရင်းမြစ်များ

2 REYES 2:6

Javoi Elías jei chupe: —Romoñera repɨta vaerä kuae pe, echa yandeYa chemondo ɨ̈aka Jordán kotɨ. Ërei Eliseo jei chupe: —YandeYa jee re jare nderee re, ¡ngaraa roeya! Jare yogüɨraja päve reta.

2 CRÓNICAS 29:15

Kuae reta omboatɨ jëtara reta jare oñeñono tee reta opaete Tumpa peguarä, javoi oike reta tupao pe mburuvicha guasu jei rami jare yandeYa iporookuai jei chupe reta rami, oitɨo reta vaerä tupao guasu.

2 CRÓNICAS 29:27

Jayave Ezequías oporookuai oñemee vaerä mɨmba oyeyukagüe opaetei oyeapɨ vae mɨmba oyeyuka oñemee jese vae re. Jare mɨmba oyeyukagüe opaetei oyeapɨ vae oyemboɨpɨ oñemee yave, oyemboɨpɨ vi tairari reta yandeYa kotɨ, mimbɨguasu reta jare tembiporu reta tairari pegua David mburuvicha guasu Israel pegua oporookuai rami.

2 CRÓNICAS 29:30

Jayave mburuvicha guasu Ezequías jare iyɨvɨrigua mburuvicha reta jei levita reta pe otairari vaerä yandeYa pe, David jare mbae re oecha voi vae Asaf iñee reta pe. Jare jae reta oyerovia yae reve otairari, jare oyetavatɨka reta omee vaerä mbaemboete.

2 CRÓNICAS 30:12

Tumpa omongúe vi Judá pegua reta ipɨa-kɨ̈reɨ vaerä oyapo reta mburuvicha guasu iporookuai jare iyɨvɨrigua reta iporookuai, yandeYa jei rami.

NEHEMÍAS 13:22

Jare ayókuai levita reta oyetɨo vaerä, opa vaerä yogüɨraja reta oyangareko tëta jöke re, agüɨye vaerä oyemboeteä ara mbutuu. ¡CheRu Tumpa, neɨ̈ro cheve, ndeporoparareko tuicha rupi!

NEHEMÍAS 13:28

Jare metei Joiada taɨ, sacerdote tenondegua Eliasib jɨmɨmino amombo cheɨpɨ güi; jókuae kuimbae ko Sanbalat horonita jovaya.

ÉXODO 14:13

Jare Moisés jei chupe reta: —Agüɨye pekɨɨye, peyemboɨ täta, jare pemae añave yandeYa pereepɨta vae re; echa Egiptoɨgua reta añave peecha vae ngaraa ye ma peecha.

LAMENTACIONES 3:26

Ikavi ko kïriiño ñaäro yandeYa iporogüɨroasayepe.

JOSUÉ 3:17

Ërei sacerdote reta, yandeYa ikäjou morogüɨrökuavee päve pegua güɨraja vae reta ñogüɨnoi otini vae pe, ɨ̈aka Jordán mbɨte pe, opaete vae oasa regua; jare opaete Israel iñemuña reta oasa ɨvɨ otini vae rupi.

JOSUÉ 3:3

jare oyókuai reta opaete vae, jei reta reve: “Peecha käjou yandeYa Tumpa iporogüɨrökuavee päve pegua, jare ivoɨa sacerdote, Leví iñemuña reta güɨraja yave, pe reta peë peïa güi jare peguata jaɨkue.

JOSUÉ 3:7

Jayave yandeYa jei Josué pe: “Kuae ara güive rombotuicha yaeta opaete Israel iñemuña reta jóvai, oikuaa reta vaerä Moisés ndive aiko rami nde ndive aiko vae.

JOSUÉ 3:9

Jayave Josué jei Israel iñemuña reta pe: “Peyu jare peyeapɨsaka peYa Tumpa iñee re.

JOSUÉ 4:11

jökorai opaete ma jovaicho kotɨ oasa vae yave, oasa vi sacerdote reta, yandeYa ikäjou güɨraja vae reta, jare opa yogüɨraja oñeñono ye opaete vae jenonde.