JOSUÉ 3:3 - Biblia Guarani Tumpa Iñee

³ jare oyókuai reta opaete vae, jei reta reve: “Peecha käjou yandeYa Tumpa iporogüɨrökuavee päve pegua, jare ivoɨa sacerdote, Leví iñemuña reta güɨraja yave, pe reta peë peïa güi jare peguata jaɨkue.

JOSUÉ 3:3 ပူးပေါင်းရင်းမြစ်များ

2 SAMUEL 6:13

Jare jókuae Tumpa ikäjou jerajaa reta omboɨpɨ mi ramo oguata reta yave, ova ramo ipɨ güɨrosɨrɨ reta yave, David oyuka omee Tumpa pe metei güeye jare metei vecha kuimbae oyemongɨragüe.

2 SAMUEL 6:3

Jare oñono reta Tumpa ikäjou metei käretou ipɨau vae pe, güɨraja Abinadab jo güi, kuae oï ɨvɨtɨ re; Uza jare Ahío, Abinadab taɨ reta oyangareko yogüɨraja yogüɨreko käretou re. Ahío ojo oiko jenonde.

1 REYES 8:3

Yogüeru oväe opaete Israel iñemuña itenondegua reta, jare sacerdote reta oipɨɨ käjou

JEREMÍAS 33:18

Ngaraa vi oata sacerdote jare levita reta iñemuña güi ara ñavo omee vaerä cheve mɨmba oyeyukagüe opaetei oyeapɨ vae, jare oapɨ reta mbota temitɨ jäɨgüe jare ïru mɨmba reta oyeyukagüe vae.”

NÚMEROS 10:33

Jökorai opa yogüɨraja yandeYa iɨvɨtɨ güi, oguata reta mboapɨ ara; jare käjou morogüɨrökuavee päve pegua yandeYa imbae, ojo jae reta ndive jókuae mboapɨ ara rupi, güɨraja jókuae oputuu retata vae kotɨ.

NÚMEROS 4:15

Jare Aarón jare taɨ reta opa güire oñono kavi o mbaemboetea oyereraja vaerä jare opaete ïru tembiporu reta yave, jaema oguata retata yave, toyogüeru Coat iñemuña reta, güɨraja reta vaerä. Ërei agüɨye toyavɨkɨ reta mbae oñeñono tee Tumpa peguarä vae, agüɨye vaerä omano reta. Opaete kuae mbaembae tupao guakapi pegua jae Coat iñemuña reta ivoɨtarä.

San Mateo 16:24

Jayave Jesús jei jemimboe reta pe: —Kia nunga vae ikɨ̈reɨ ojo cherupíe vae, tiñakañɨ iyeugüi, tovoɨ ikurusu, jare tou cherupíe.

San Mateo 8:19

Jare metei mborookuai re oporomboe vae oya Jesús re, jare jei chupe: —Oporomboe vae, ajata nderupíe opaete kerupi reoa rupi.

DEUTERONOMIO 31:25

oyókuai levita reta, yandeYa ikäjou morogüɨrökuavee päve pegua ivoɨa reta, jei chupe reta körai:

DEUTERONOMIO 31:9

Moisés oikuatía kuae mborookuai, jare omee sacerdote Leví iñemuña reta pe, käjou yandeYa iporogüɨrökuavee päve pegua ivoɨa reta, jare Israel iñemuña reta itenondegua reta pe,

JOSUÉ 3:4

Jökorai peikuaa vaerä kerupi peo; echa pe reta mbaetɨ peikuaa kuae tape. Ërei agüɨye peya käjou re, metei kilómetro rupi peiko jaɨkue; agüɨye peya jese.”

JOSUÉ 3:6

Josué jei sacerdote reta pe: “Peipɨɨ käjou morogüɨrökuavee päve pegua jare peasa opaete vae jenonde.” Jare sacerdote reta oipɨɨ käjou morogüɨrökuavee päve pegua jare yogüɨraja opaete vae jenonde.

JOSUÉ 3:8

Nde eyókuai sacerdote reta käjou morogüɨrökuavee päve pegua güɨraja vae reta oväe ma yave ɨ̈aka Jordán jembeɨ pe, toike reta toyemboɨ ɨ mbɨte pe.”

JOSUÉ 4:10

Ërei sacerdote reta, käjou güɨraja vae reta oyemboɨ ɨ̈ aka Jordán mbɨte pe, Israel iñemuña reta opa oyapo regua yandeYa oyókuai reta Josué rupi vae. Opaete mbaembae oyeapo Moisés oyókuai Josué rami. Jare opaete vae iyandeko oasa ɨ̈ aka Jordán,

JOSUÉ 6:6

Jayave Josué Nun taɨ oenɨi sacerdote reta, jare jei chupe reta: “Peraja Tumpa ikäjou morogüɨrökuavee päve pegua, jare chiu sacerdote togüɨraja mimbɨ vecha kuimbae-räti pegua yandeYa ikäjou jenonde.”

Apocalipsis 14:4

Jae reta mbaetɨ oyemongɨa kuña reta ndive. Echa mbaetɨ etei oasa reta kuña ndive. Jae reta yogüɨraja Vecha kuimbae taɨrusu vae ndive kerupi ojoa rupi. Kuae reta ko Cristo oepɨ ɨvɨ pegua reta ipɨte güi vae. Jae reta ko mbaagüɨye rɨpɨ rami Tumpa jare Vecha kuimbae taɨrusu vae peguarä.

1 SAMUEL 6:15

Jare Leví iñemuña reta ombogüeyɨ yandeYa ikäjou jare mbae jɨru iyɨke pe oï vae, mbae oro pegua oï pɨpe vae, jare oñono reta jókuae ita tuicha vae re; jókuae ara kuimbae reta Bet-semes pegua omee mɨmba oyeyukagüe opaetei oyeapɨ vae jare ïru mɨmba oyeyukagüe, yandeYa pe.