JOSUÉ 3:17 - Biblia Guarani Tumpa Iñee

¹⁷ Ërei sacerdote reta, yandeYa ikäjou morogüɨrökuavee päve pegua güɨraja vae reta ñogüɨnoi otini vae pe, ɨ̈aka Jordán mbɨte pe, opaete vae oasa regua; jare opaete Israel iñemuña reta oasa ɨvɨ otini vae rupi.

JOSUÉ 3:17 ပူးပေါင်းရင်းမြစ်များ

2 REYES 2:8

Jayave Elías oipɨɨ jemimonde iarambogua, omboyeapa jare oiporu ɨ re, jare ɨ oyemboyao oyougüi, jare oasa päve reta otinía rupi.

SALMOS 66:6

Omboyao ɨguasu jare omotini, ñaneñemuñagüe reta oasa ipɨ re ɨ̈aka; jáeramo, ¡yayerovia jese!

ÉXODO 14:21

Jayave Moisés güɨropövee ipopoka ɨguasu re, jare jókuae pɨ̈tu yandeYa ombou ɨvɨtu täta yae vae kuaraɨ oëa kotɨ güi ombosɨrɨ vaerä ɨ oyougüi jare otini, jökorai ɨ oyemboyao opɨta.

ÉXODO 14:22

Jare Israel iñemuña reta oike ɨguasu ipäu otinía rupi, jare ɨ opüa ovapetea rami jae reta iyakatu kotɨ jare iyasu kotɨ.

ÉXODO 14:29

Israel iñemuña reta yogüɨraja ɨguasu ipäu otinía rupi; jare ɨ opüa ovapetea rami jae reta iyakatu kotɨ jare iyasu kotɨ.

ISAÍAS 25:8

jae ko mano, yandeYa omboaita jekuae avei pegua vae, jare oyoeta opaete vae jesaɨ, jare omboaita ɨvɨ iárambo güi, tëta imbae vae iñemomarai. YandeYa ko jei jökorai.

NÚMEROS 33:51

“Ere Israel iñemuña reta pe: Peasa ma ɨ̈aka Jordán peiko vaerä ɨvɨ Canaán pe yave,

Hebreos 11:29

Iporogüɨrovia rupi Israel iñemuña reta oasa Ɨguasu Pɨ̈ta vae ɨvɨ otini vae rupi rami; jare Egiptoɨgua reta oipota tëi oasa jae reta rami yave opa ɨ oyasoi.

JOSUÉ 4:1

Opaete ma ɨ̈aka Jordán oasa vae yave, yandeYa jei Josué pe:

JOSUÉ 4:10

Ërei sacerdote reta, käjou güɨraja vae reta oyemboɨ ɨ̈ aka Jordán mbɨte pe, Israel iñemuña reta opa oyapo regua yandeYa oyókuai reta Josué rupi vae. Opaete mbaembae oyeapo Moisés oyókuai Josué rami. Jare opaete vae iyandeko oasa ɨ̈ aka Jordán,

JOSUÉ 4:11

jökorai opaete ma jovaicho kotɨ oasa vae yave, oasa vi sacerdote reta, yandeYa ikäjou güɨraja vae reta, jare opa yogüɨraja oñeñono ye opaete vae jenonde.

JOSUÉ 4:22

Pemiarita chupe reta kërai peasa kuae ɨ̈aka Jordán otini vae rupi.

JOSUÉ 4:3

jare ere chupe reta: ‘Penoe kuae ɨ̈aka Jordán güi doce ita, sacerdote reta oyemboɨ ñogüɨnoia güi jare peraja peñono kuae pɨ̈tu pepɨtataa pe.’ ”

JOSUÉ 5:1

Opaete mburuvicha guasu, amorreo reta juvicha reta ɨ̈aka Jordán güi kuaraɨ oikea kotɨ ñogüɨnoi vae reta jare opaete mburuvicha guasu Canaán pegua reta, köiño yogüɨreko ɨguasu güi vae reta oendu kërai yandeYa opa omondɨpa ɨ̈aka Jordán Israel iñemuña reta opa oasa regua yave, okɨɨye yae reta, mbaetɨ oñemokɨ̈reɨ reta oñeraro vaerä Israel iñemuña reta ndive.